Árbók VFÍ/TFÍ - 01.06.2002, Page 222
Svartsengi er nánast sú sama. Við þessar aðstæður er vafi hvort Kalina- eða ORC-aðferð
er hagstæðari. Hins vegar má fullyrða að gufuhverfill sé mun óhagkvæmari vegna
stærðar á búnaði sem helgast af margföldu rúmmálsstreymi í gegnum gufuhverfil sbr.
töflu 4.
Að lokum má geta þess að stöðin á Húsavík hefur ekki enn náð að skila fullu afli. Fyrir
því liggja nokkrar ástæður. í fyrsta lagi þá er hitastig vatnsins inn í stöðina fjórum
gráðum lægra en gert var ráð fyrir í upphafi. Einnig hafa einstakir hlutar af búnaðinum
reynst rangt hannaðir af bandaríska verkfræðifyrirtækinu, sem hannaði vélbúnaðinn, til
dæmis skiljan. Einnig leiða líkanreikningar í ljós að gufuþéttirinn er of lítill. Þá verður
einnig að telja að hönnun á sjóðara veki upp spurningar miðað við að í honum sé tvífasa
rennsli. Könnun á kennslubókum í varmaskiptahönnun leiðir strax í ljós að hægt er að
flokka sjóðarann sem „reboiler" sbr. [7] og slík tæki eru almennt ekki hönnuð sem láréttur
„shell & tube" með tvífasa streymi belgmegin.
Lokaorð
Markmiðið með þessari grein er að bera saman nýtni nokkurra orkuvinnsluaðferða við
aðstæður eins og þær eru í Svartsengi og á Húsavík. Samanburðurinn gefur til kynna að
Kalina-hringrásin hefur yfirburði við aðstæður eins og eru á Húsavík, en niðurstöður eru
ekki jafn afgerandi þegar samanburður er framkvæmdur við aðstæður eins og eru í
Svartsengi. Til að framkvæma samanburðinn voru búin til reiknilíkön fyrir orkuvinnslu-
aðferðirnar með aðstoð jöfnuleysis. Slík reiknilíkön eru afar hentug til að kanna mismun-
andi útfærslur á hönnum fyrir mismunandi aðstæður á fljótvirkan og þægilegan hátt.
Reiknilíkön sem þessi er einnig hægt að nota til að finna bestu hönnun til dæmis með til-
liti til hagkvæmnisjónarmiða. Bestun á hönnun varmaorkuvera er nánar rædd í [3].
Heimildir
[1] Þorbjörn Karlsson (1982). Orkuvinnsla á háhitasvæðum. Fyrirlestrar Ijarðhitatækni (Fjölrit).
[2] Kalina, I: A: (1984). Combined-Cycle System with Novel Bottoming Cycle. Asme Journal Of Engineering For Gas Turbines
And Power. Vol. 106,737-742.
[3] Geir Þórólfsson (2002). Bestun á nýtingu lághita jarðvarma til raforkuframleiðslu. Meistaraverkefni í Véla-og
iðnaðarverkfræði, Fiáskóli Islands.
[4] Flarold, K.E., Radermacher, R. og Klein, S.A. (1996). Absorbtion Chillers And Heat Pumps. CRC Press.
[5] Engineering Equation Solver (EES). http://www.fchart.com.
[6] Genergy Varmaraf ehf. (2002) http://www.genergy.is.
[7] Kakac;, S. (ed.) (1991) Boilers, Evaporators And Condensers. John Wiley & Sons, Inc.
2 1 8
Arbók VFf/TFÍ 2002