Árbók VFÍ/TFÍ - 01.06.2002, Blaðsíða 94

G Æ Ð A M Á L
Á undanförnum árum hefur verið unnið að uppbyggingu gæðastjórnunar í ýmsum
greinum sem tengjast byggingar- og verktakaiðnaði. Gæðastjórnunarfélag Islands hefur
lagt mikið að mörkum á sviði gæðamála. Ný útgáfa ISO-9000 staðlanna kom út í íslenskri
þýðingu á árinu 2001. Þá hefur einnig verið urtnið áfram að uppbyggingu íslensku og
evrópsku ánægjuvogarinnar og hafið nýtt verkefni um samanburðarviðmið (Benchmarkin).
Gæðastjórnunarátak hjá verktökum og verkkaupum
Mikil vakning varð fyrir gæðastjórnun á árinu 2001, bæði hjá verkkaupum og verk-
tökum. Þá höfðu alls 61 fyrirtæki innan Samtaka iðnaðarins tekið þátt í verkefnum eða
námskeiðum í gæðastjórnun og kynningu á gagnsemi gæðastjórnunar hefur náð til
stærri hóps. Þeir verktakar sem hafa tileinkað sér gæðastjórnunarkerfið og þau vinnu-
brögð sem það býður upp á hafa átt mjög auðvelt með að leggja fram trúverðug gögn
þegar verkkaupar hafa gert kröfu um slíkt, en það gerist nú í auknum mæli áður en
gengið er til endanlegra samninga. Þetta eru kröfur um að væntanlegur verktaki lýsi
skriflega því verklagi sem hann hyggst nota við framkvæmd á tilteknu samningsverki
ásamt tilheyrandi eyðublöðum til samskipta, eftirlits og fleira. Kröfurnar hafa hingað til
verið með ýmsum hætti og því hafa verktakar átt erfit með að átta sig á því nákvæmlega
hvaða gögnum verkkaupi óskar eftir.
íslenska og evrópska ánægjuvogin
Islenska ánægjuvogin er félag í eigu Samtaka iðnaðarins, Gæðastjórnunarfélags íslands
og Gallups um þátttöku í Evrópsku ánægjuvoginni. Verkefnið er hluti af stóru evrópsku
samstarfsverkefni European Customer Satisfaction Index (ECSI) eða Evrópsku ánægju-
voginni eins og það hefur verið nefnt á íslensku. Markmið verkefnisins er að láta
fyrirtækjum í té samræmdar mælingar á ánægju viðskiptavina - hafa áhrif á hana, t.d.
ímynd og mat á gæðum, eða verða fyrir áhrifum hertnar, tryggð viðskiptavina. Mikilvægi
mælinga á ánægju viðskiptavina og áhrifaþáttum hennar er mikið þar sem rannsóknir
hafa sýnt fram á að því ánægðari sem viðskiptavinir fyrirtækis eru því betri afkomu má
fyrirtækið búast við.
Nýr samstafsvettvangur um aðgerðir til að auka framleiðni
Árið 2001 unnu Samtök iðnaðarins að undirbúningi „Samstarfsvettvangs um framleiðni-
aukandi aðgerðir" fyrir íslenskt atvinnulíf í samstarfi við iðntæknistofnun. Hlutverk
vettvangsins er að stuðla að því að kynna fyrirtækjum samræmdar aðferðir til að mæla
og meta árangur á sviði stjórnunar og framleiðni og hvetja þau til að nýta sér þær. Fyrsta
verkefni samstarfsvettvangsins er að innleiða hér á landi nýja alþjóðlega aðferðafræði við
samanburðarmælingar (Benchmarking) á mikilvægustu þáttum í starfsemi framleiðslu-
fyrirtækja. Til að byrja með er gert ráð fyrir að 10 til 20 þátttökufyrirtæki fái aðstoð við að
hagnýta sér verkefnið en stefnt að því að fleiri en 100 fyrirtæki verði orðnir þátttakendur
innan þriggja ára.
9 o
Arbók VFl/TFl 2002