Fréttablaðið - 01.12.2012, Síða 58

pípulagnir ehf.
Framkvæmdastjóri: Jónas Þ. Þórisson
Margt smátt, 4. tbl. 24. árg. 2O12
Ábyrgðarmaður: Bjarni Gíslason
Prentvinnsla:
Umbrot: PIPAR\TBWA
Prentun: Ísafoldarprentsmiðja
Fermingarbörnin og vatnið
Undanfarin ár hafa fermingarbörn hér á landi safnað
fyrir Hjálparstarf kirkjunnar. Þau hafa fengið fræðslu
um verkefni Hjálparstarfsins og sérstaklega um það
verkefni er söfnunin beinist að, en það er að safna
fyrir brunnum í nokkrum löndum í Afríku. Hjálpar-
starfið hefur bætt líf fjölda fólks með hreina vatninu
sem kemur úr brunnunum sem byggðir hafa verið fyrir
framlög frá Íslandi.
Gestirnir og vatnið
Fólk frá Malaví og fleiri löndum Afríku hefur komið og
sagt fermingarbörnunum frá lífi sínu heima fyrir og
þeirri breytingu til batnaðar sem orðið hefur vegna
stuðnings frá Hjálparstarfinu. Þau hafa ferðast víða
um landið til að hitta fermingarbörn og eitt sinn er
þau keyrðu um Suðurland höfðu þau orð á því hve
mikið vatn væri á Íslandi. Allsstaðar væru ár, lækir og
vötn, fossar og hafið sjálft. Við tökum ekki mikið eftir
þessu sem hér búum nema þegar vatnið flæðir yfir
bakka og vegi. En hreint vatn er stór hluti af lífsgæðum
okkar hér. Það sama á ekki við í þeim löndum sem
Hjálparstarfið hefur veitt liðsinni. Það litla vatn sem er
á yfirboðinu er mengað og ódrykkjarhæft. Þar sem
brunnar eru settir bætir það líf og heilsu allra sem
þangað sækja og breytir daglegu lífi fólksins til muna.
Ekki bara heilsufari þeirra heldur léttir það þeim lífið.
Stúlkur eru gjarnan þær sem ná í vatnið og bera það
langa leið. Vatnið óhreina og heilsuspillandi. Þegar
hægt er að ná í hreint vatn í brunn gefst meiri tími til
annarra verka. Margar stúlkur fá þannig tíma til að
mennta sig og stórbæta þar með möguleika sína til
betra lífs.
Valgreiðslurnar og vatnið
Nú hafa landsmenn fegnið valgreiðslur sendar í heima-
bankann sinn og 65–80 ára einnig greiðsluseðil á pappír.
Upphæðin er 2.500 krónur, en sú upphæð dugar til að
gefa allt að 7 manns hreint vatn til frambúðar.
Hjálparstarf kirkjunnar kemur fénu örugglega til
þeirra sem það eiga að fá og nýta. Gjöf til Hjálpar-
starfsins er því besta jólagjöf sem hægt er að gefa.
Það er hollt að muna eftir náunga sínum, hvort sem
hann býr í næsta húsi eða í öðru landi. Það er eitt af
því sem við viljum að börnin okkar meðtaki í uppeldinu.
Gjöf til Hjálparstarfsins á aðventunni hjálpar okkur að
muna eftir því og kenna börnunum að sælla er að gefa
en þiggja. Framlag okkar Íslendinga til Hjálparstarfs
kirkjunnar skiptir bræður okkar og systur í vatnslitlum
löndum miklu máli sem og þau öll er njóta gjafanna
hér á landi. Sameinumst, hjálpum þeim.
Agnes M. Sigurðardóttir
biskup Íslands
Fermingarbörn víða um land bönkuðu upp á hjá
landsmönnum í byrjun nóvember og söfnuðu fyrir
vatnsverkefni Hjálparstarfsins í Afríku. Þau höfðu
fengið fræðslu um vatnsskort í Afríku og hvernig
verkefni Hjálparstarfsins bæta aðstæður með
brunnum, vatnstönkum og vatnsþróm. Mörg þeirra
höfðu líka hitt Innocent og Doniu, ungt fólk frá Malaví
sem sagði frá lífi sínu og aðstæðum. Þetta var í 14. sinn
sem söfnunin fór fram og gekk mjög vel, 7,3 milljónir
króna söfnuðust.
Hjálparstarf kirkjunnar þakkar fermingarbörnum fyrir
dugnað og elju og öllum sem þátt tóku í söfnuninni.
Framlagið mun nýtast til að bæta lífsafkomu þeirra
sem taka þátt í verkefnum Hjálparstarfsins í Malaví,
Eþíópíu og Úganda.
Undirstaða lífs Fermingarbörn söfnuðu
7,3 milljónum króna
2 – Margt smátt ...
Fermingarbörn í Neskirkju.
Frá biskupsvígslu í Hallgrímskirkju.
Mynd: Gunnar Vigfússon.