Fréttablaðið - 01.12.2012, Side 62

6 – Margt smátt ...
Harður veruleiki barna
Hinn harði veruleiki sumra barna er að sjá um sig sjálf.
Þau þurfa stuðning, kennslu og þjálfun. Önnur hafa
verið hneppt í þrælavinnu. Þau þarf að frelsa. Í
Úganda fá munaðarlaus börn nýtt húsnæði, vatnstank,
eldaskála með sparhlóðum og nauðsynlegasta innbú.
Þeim er kennd jarðrækt til framfærslu og mörg fá
stuðning til að ganga í skóla. Ráðgjafi heimsækir þau
reglulega og hjálpar þeim að finna leið til að framf-
leyta sér. Sum læra að sníða og sauma, önnur að vefa
strámottur eða smíða og múra. Þeim stendur einnig til
boða hópvinna með fagfólki til að vinna sig upp úr
áföllum sem þau hafa upplifað. Í Tamil Nadu-fylki á
Indlandi er rekinn forskóli til að kynna þrælbundnum
foreldrum hvað felst í menntun og venja börnin á
skólagöngu. Í skóla fá þau kennslu, mat, bólusetn-
ingar, tækifæri til leikja og athygli. Haft er upp á
þrælabörnum og þeim komið í kvöldskóla. Þar fá þau
fræðslu um réttindi sín, þar styrkist sjálfsmynd þeirra
og þar öðlast þau nýja færni. Þau fá að vera glöð, hafa
loksins eitthvað til að gleðjast yfir. Foreldrar fá
umfangsmikinn stuðning til að standa sig í foreldra-
hlutverkinu og sjá fjölskyldunni farborða án launa
barnanna, þótt lítil séu. Börn og foreldrar læra að
spara fyrir útgjöldum í stað lána sem binda í ánauð.
Mótframlag frá verkefninu eflir þeim móð. Þegar kvöld-
skólanum lýkur eftir sex mánuði er skuld barnanna
greidd og þau skráð í almenna skóla. Öllum er vel
fylgt eftir svo enginn heltist úr lestinni. Í Andhra
Pradesh-fylki á Indlandi fá börn sem hafa búið við
algjöra örbirgð tækifæri til að búa á heimavist og
ganga í skóla. Tækifæri sem aðeins væri fjarlægur
draumur án stuðnings styrktarforeldra á Íslandi. Þau
fá nauðsynlega heilsuþjónustu og næringarríkan mat,
fatnað og skóladót sem til þarf. Starfsfólk heimavistar
veitir stuðning við heimalærdóm, undirbúning fyrir
próf og fræða um samfélagslegar skyldur, hreinlæti
o.fl. Mikið er um dans og leiklist í skólastarfinu.
Iðngreinanám stendur ungmennum til boða eða tvö
fyrstu ár framhaldsskóla.

Indland
- Fræðsla og þrýstingur á samfélagið að fara að lögum
um barnavernd og skólaskyldu, gegn barnaþrælkun
- Heimavistarskólar: menntun, næring, heilsugæsla,
umhverfi sem eflir börn
- Barnaþing kenna börnum lýðræðislegar leiðir til að
öðlast mannréttindi
- Sumarnámskeið, kröfugöngur, sýndarréttarhöld
draga fram lögleysuna við barnaþrælkun
- Fræðsla til foreldra um ótímabærar giftingar dætra,
gildi menntunar, lög og stjórnarskrá varðandi
réttindi barna o.fl.
Úganda
- Hús byggð fyrir munaðarlaus börn auka öryggi –
eldaskáli og kamrar auka hreinlæti
- Börn fá grunnhúsbúnað og áhöld
- Vatnstankar settir upp til að spara erfiða vinnu, efla
heilsu og hreinlæti
- Greidd skólagjöld, föt, námsgögn fyrir yngri börn
- Eldri börnum hjálpað að læra handverk til tekna
- Börnum kennd jarðrækt og hjálpað með tegundir sem
þau ráða við
- Ráðgjafi veitir munaðarlausum umhyggju og leiðsögn