Fréttatíminn - 13.12.2013, Blaðsíða 30

M ér finnst ég nánast vera komin út í sveit þegar ég kem á heimili Yesmine Olsson
í Norðlingaholti. Hún og maðurinn
hennar, Arngrímur Fannar Haralds-
son, betur þekktur sem Addi Fannar
úr Skítamóral, bjuggu áður í Vesturbæ
Reykjavíkur en kunna vel við sig í
kyrrðinni í Norðlingaholti sem þeim
finnst henta vel til barnauppeldis. Út
um eldhúsgluggann er útsýni yfir leik-
skóla hverfisins þar sem börnin leika
sér í snjónum þennan dag en úr stof-
unni gefur að líta snævilagðan gróður.
„Á sumrin sjáum við alltaf hesta hér út
um gluggann,“ segir Yesmine en þau
eru áhugafólk um hestamennsku og
halda tengdaforeldrar hennar hesta,
auk þess að vera með hænsn og sauðfé.
Hún bendir út um gluggann með ann-
arri hendinni en strýkur yfir stístækk-
andi magann með hinni. „Til hamingju
með óléttuna,“ segi ég brosandi þó ég
hafi þegar óskað henni til hamingju í
gegnum símann áður en við hittumst.
Mér finnst það einhvern veginn svona
aðeins persónulegra.
Fyrir eiga hjónin saman dótturina
Ronju Ísabel sem er sjö ára. „Mér
fannst Ronja vera svo skandinavískt
nafn sem bæði Svíar og Íslendingar
tengja við. Ísabel er vinsælt nafn í
Svíþjóð og ég hugsaði með mér að
ef hún vill ekki nota nafnið Ronja þá
getur hún bara kallað sig Ísabel,“segir
Yesmin hlæjandi. Þegar hún kynntist
Adda Fannari átti hann fyrir son sem
nú er að verða fimmtán. „Hann er oft
hjá okkur og ég og mamma hans erum
góðar vinkonur. Mér finnst það afskap-
lega gott.“
Komin á fimmta mánuð á leið
Þegar hún varð ólétt af Ronju Ísabel
hafði hana lengi langað til að gefa út
bók. Yesmine er menntaður einkaþjálf-
ari og með gráðu í næringarráðgjöf frá
Svíþjóð og ætlaði jafnvel að gefa út bók
því tengdu. „Síðan eftir að ég varð ólétt
fylltist ég gríðarlegri orku og ákvað að
ég ætlaði að gefa út matreiðslubók þar
sem matreiðsla hefur alltaf verið stór
hluti af mínu lífi.“ Úr varð fyrsta bókin
hennar „Framandi og freistandi – létt
og litrík matreiðsla.“ Yesmine var ung
ættleidd til Svíþjóðar frá Sri Lanka,
henni fannst sænsk matargerð heldur
bragðlítil og því hefur hún sótt innblást-
ur til Austurlanda og notar mikið krydd
sem eru óhefðbundin í skandinavískri
matreiðslu.
Fyrsta matreiðslubókin kom í kjölfar
óléttu, hún gaf út bókina „Framandi
og freistandi – indversk & arabísk mat-
reiðsla“ árið 2008 og þegar vinna við
nýju bókina var komin vel á veg komst
Yesmine að því að hún var ólétt á ný.
„Þetta kom á óvart. Við vorum búin að
tala um að okkur langaði að eignast
annað barn en voru ekki búin að skipu-
leggja neitt. Þetta er bara mjög gaman
en það var vissulega erfitt að klára bók-
ina. Það komu tímabil þar sem ég gat
varla horft á mat og þurfti að hlaupa inn
á klósett því mér var svo flökurt,“ segir
hún en ógleðitímabil meðgöngunnar er
liðið og Yesmine nú mjög brött. Fyrri
bækurnar gaf hún út ásamt eiginmanni
sínum en hann hefur verið afar upptek-
inn sem verkefnastjóri í tónlistarhúsinu
Hörpu og í fyrsta skipti gefur Yesm-
ine út bók hjá forlagi, en það er Edda
útgáfa sem gefur út bókina „Í tilefni
dagsins“ og segir hún það muna miklu
þegar kemur að vinnu. „Ég reiknaði
ekki með því hvað það fylgir því mikil
vinna að gefa út sjálfur, og í raun mikil
törn eftir þegar bókin er komin út
því þá þarf að dreifa henni um allt og
sjá um kynninguna.“ Yesmine sinnir
áfram kynningu á bókinni en fagnar
því að þurfa ekki að dreifa henni líka,
komin á fimmta mánuð á leið.
Á leið í finnskt sjónvarp
„Þessi bók er aðeins öðruvísi en hinar.
Ég held að ég geti sagt að hún sé
aðgengilegri en þó eru réttirnir allir
afar bragðmiklir.“ Yesmine hefur séð
um matreiðsluþættina „Framandi og
freistandi“ í Ríkissjónvarpinu sem
hafa notið mikilla vinsælda en hún
segist hafa heyrt á sumum það þeir
hafi verið hikandi við að leika það eftir
að elda réttina. „Sumum hafa fundist
réttirnir flóknir og erfiðir þannig að
nú eru réttirnir einfaldari, þó þarna
séu auðvitað uppskriftir fyrir þá sem
hafa gaman af því að dunda sér við að
elda.“ Bókinni er skipt upp í nokkra
kafla eftir þemum og er fyrsta þemað
„Hestaferð“ þar sem meðal annars er
uppskrift af Hestaferðarsúpu. „Þetta
er súpa sem hefur sömu áhrif og
kjötsúpa á köldum degi.“ Myndirnar
í bókinni eru afar lifandi og í þessum
kafla gefur einmitt að líta Yesmine,
vini og ættingja í hestaferð að gæða
sér á veitingum innan um gæðingana.
Þarna eru líka kaflar með pítsum,
karríréttum og svokölluðum „street
food.“ „Það er mjög vinsælt í dag að
vera með „street food“ á veitingastöð-
um. Innblásturinn er þá sóttur í mat
sem er seldur úti á götu, til dæmis í
Indlandi eða Mexíkó, og hann gerður
flottari. Einn kaflinn heitir síðan
„Brúðkaup“ þar sem eru alls konar
hugmyndir fyrir veislur. Við Addi
giftum okkur þegar ég var að klára
bók númer tvö og ég ákvað bara að
sameina brúðkaupið og bókargerðina
með því að bera fram mat úr bókinni.
Ég hef fundið mikið fyrir því að fólk
er að leita að óhefðbundum réttum
í fermingar og aðrar veislur. Þetta
eru ekki flóknir réttir, bara með nýju
bragði.“
Hún segir það hafa verið með-
vitað að bókin ætti að skapa ákveðna
stemningu við lestur, ekki bara við
matargerðina. „Bókin sjálf er svo mik-
il upplifun. Markmiðið er ekki endi-
lega að elda alltaf þegar maður skoðar
Matreiðslubók
og morgunógleði
hana heldur líka bara að sitja upp
í sófa, skoða myndirnar og fá inn-
blástur og hugmyndir.“ Við sitjum
við borðstofuborðið og þar blasir
við mér einn veggurinn í eldhúsinu
þar sem litríkum matreiðslubókum
af ýmsum toga hefur verið raðað
þannig að framhlið þeirra snúi fram
og skapar það líflega stemningu.
„Frænka mín var með svona hillur
hjá sér í eldhúsinu og mér fannst
þetta svo flott að ég spurði hvort
ég mætti stela hugmyndinni. Ég er
síðan með matreiðslunámskeiðin
mín hér heima og þá tekur fólk
mjög oft myndir af þessum hilllum,
jafnvel til að búa þær til heima hjá
sér, því fólki finnst þær svo snið-
ugar.“ Yesmine hefur um árabil
verið með matreiðslunámskeið í eld-
húsinu heima og þættirnir hennar í
Ríkissjónvarpinu eru einnig teknir
upp hér að mestu. Í þriðju þátta-
röðinni sem var að ljúka voru tveir
þættirnir þó teknir upp í Svíþjóð þar
sem Yesmine bauð til veislu ásamt
ættingjum og vinum. „Mig grunar
að fólk frá finnsku sjónvarpsstöð-
inni YLE Fem hafi séð þættina sem
voru teknir upp í Svíþjóð því sú
Við vorum
búin að
tala um
að okkur
langaði
að eignast
annað
barn en
vorum ekki
búin að
skipuleggja
neitt.
Framhald á næstu opnu
Yesmine Olsson var önnum kafin við vinnslu nýjustu matreiðslubókar sinnar þegar
hún komst að því að hún væri ólétt og reyndi að bægja frá sér morgunógleðinni þegar
hún lagði lokahönd á verkið. Þetta er annað barn Yesmine með eiginmanni hennar
en Yesmine var einnig ólétt þegar hún gerði fyrstu matreiðslubókina sína. Þar sem
Yesmine er sænsk bera jólahefðir heimilisins keim af bæði íslenskum og sænskum
jólahefðum og finnst henni alveg nauðsynlegt að baka Lúsíubollur fyrir jólin.
Yesmine Olsson var
komin vel á veg með
gerð nýju matreiðslu-
bókarinnar þegar
hún komst að því að
hún væri ólétt. Ljós-
mynd/Hari
30 viðtal Helgin 13.-15. desember 2013