Fréttatíminn - 07.09.2012, Síða 24

É
g upplifði mig í fyrsta
sinn sem konu í stjórn­
unarstöðu þegar ég
fór í fæðingarorlof
fyrir tveimur árum.
Þá staldraði ég við og velti því
fyrir mér hvernig því yrði tekið
enda fá fordæmi fyrir því að for­
stöðumenn ríkisstofnana færu í
fæðingarorlof,“ segir Bryndís
Kristjánsdóttir, skattrannsóknar­
stjóri ríkisins. „Það reyndist síðan
auðvitað bæði sjálfsagt mál og eðli­
legt, eins og það á að vera, en þetta
var í fyrsta skiptið sem ég velti
því fyrir mér hvort það skipti máli
fyrir starf mitt að ég væri kona,“
segir hún. „Síðan þekkjum við auð­
vitað nýleg dæmi um ráðherra sem
tekið hafa fæðingarorlof og snúið
aftur til baka til fyrri starfa. Þetta
eru dæmi sem eru til þess fallin að
styrkja stöðu kvenna á vinnumark­
aðnum.“
Bryndís tók við starfi sínu í
ársbyrjun 2007 en hefur starfað
í skattamálum bæði til sóknar
og varnar frá því hún lauk námi í
lagadeildinni við Háskóla Íslands
árið 1993. Hún fékk áhuga á tölum
í Versló og átti fullt í fangi að velja
milli þess að læra viðskiptafræði,
hagfræði eða lögfræði. Lögfræðin
varð fyrir valinu og þar fékk hún
áhuga á skattamálum. „Skatta­
málin eru mjög skemmtileg og
fjölbreytt,“ segir hún. „Ekk­
ert réttarsvið býr við jafn örar
breytingar og skattamálin og
skattarefsiréttur er skemmtilega
snúinn.“
Dropinn holar steininn
Hún segist oft fá þá spurningu
hvort skattaheimurinn sé ekki
karlaheimur. „Fjármál hafa ein­
hverra hluta vegna síður verið
talin vettvangur kvenna. Það er
að breytast. Nú er forstjóri Fjár­
málaeftirlitsins kona og sömuleiðis
fjármálaráðherra. Dropinn holar
steininn. Þriðjungur forstöðu­
manna ríkisstofnana er konur. Er
það áhugavert meðal annars í ljósi
þess að tveir af hverjum þremur
ríkisstarfsmönnum eru konur. Ég
ætla nú ekki annað en konum muni
fjölga í stöðum forstöðumanna
ríkisstofnana á næstu árum,“ segir
hún. Ég tel að í dag eigi konur alveg
jafnmikla möguleika á stjórn­
unarstöðum hjá hinu opinbera og
karlar.“
Bryndís er alin upp í neðra­
Breiðholti en flutti 12 ára í Foss­
voginn. Hún segist verða æ minna
umburðarlynd gagnvart mismunun
kynjanna eftir því sem hún eldist.
„Þegar ég var yngri og kynjamis­
rétti kom til tals hafði ég ekki trú á
öðru en að mín kynslóð þyrfti ekki
að hafa af því áhyggjur eða upplifa.
Ef hins vegar fer fram sem horfir er
það hins vegar langt frá því einsýnt
hvort sú kynslóð sem ég tilheyri
nái að lifa það að sjá fullt jafnrétti
kynjanna, við sjáum það í könn­
unum um launamun, til að mynda.
Jafnrétti á að vera sjálfsagður hlut­
ur en er það ekki – og það sýnir sig
á því einu að við erum að ræða það,“
segir hún. „Vonandi verður það ein­
hvern tíma jafn sjálfsagður hlutur
að spyrja karlmann jafnt sem konu
hvernig takist að samræma vinnu
og einkalíf. “
Ég er orðin róttækari í skoð­
unum um þessi mál en áður. Ég tel
að stundum sé nauðsyn að grípa til
sérstakra aðgerða til að rétta hlut
kvenna og ýta aðeins við þeirri þró­
un sem þó er í gangi, til að mynda
með þeim hætti sem gert hefur
verið með lögbundnu kynjahlutfalli
í stjórnum stærri fyrirtækja,“ segir
Bryndís.
Bryndís segir jafnrétti ríkja hjá
skattrannsóknarstjóra. „Starfs­
menn embættisins skiptast um það
bil til helminga eftir kyni. Stjórnun­
arstöður eru sömuleiðis skipaðar
báðum kynjum.“ Hún segist ekki
viss hvort stjórnunarstíll hennar sé
annar en ef hún væri karl. „Stjórn­
unarstíll er fyrst og fremst einstak­
lingsbundinn óháður kyni. Ef stjór­
nunarstíll kvenna er öðruvísi, þá er
hann að minnsta kosti ekki síðri“.
Eilíf togstreita
Skattrannsóknarstjóri leggur
áherslu á fjölskylduvænan vinnu­
stað. Lagt er upp með sveigjanleg­
an vinnutíma og að sögn Bryndísar
nýta karlar og konur sér það jafnt.
Bryndís og eiginmaður hennar,
Júlíus Smári, eiga þrjú börn á aldr­
inum tveggja til tíu ára. Þau eru
bæði lögfræðingar og þurfa oft að
vinna langan vinnudag. Það tekur
sinn toll og dagleg áskorun er að
samræma vinnu og fjölskyldulíf.
„Því fylgir eilíf togstreita að geta
Skattaheimurinn ekki
lengur karlaheimur
Bryndís Kristjánsdóttir skattrannsóknar-
stjóri segir að skattamálin séu skemmtileg
og fjölbreytt en sér hafi enn ekki tekist að
finna fullkomið jafnvægi milli vinnu og fjöl-
skyldulífs. Það sé dagleg áskorun.
Bryndís Kristjánsdóttir skattrannsóknarstjóri:
Fjármál hafa einhverra hluta vegna síður verið talin
vettvangur kvenna. Það er að breytast. Mynd Hari
Sigríður Dögg
Auðunsdóttir
sigridur@ frettatiminn.is
Framhald á næstu opnu
24 viðtal Helgin 7.-9. september 2012