Fréttatíminn - 07.09.2012, Síða 32

Sub-Samlokur
Salöt m/kjöti
Pizzur
+2 l gos
Matur fyrir

Þú getur valið um:
Nýbýlavegi 32
kynnir Himneskar bollakökur
hverju í ofninum og finni bruna-
lykt. Ég nefnilega klúðra alveg í
eldhúsinu „big tæm“. Ég er bara
orðin góð að koma mér út úr mis-
tökum, búa til eitthvað allt annað
og segja fólki að það hafi átt að
vera svona,“ segir Nanna sem
missir það þó út úr sér að hún hafi
á sínum tíma tekið sjókokkapróf.
„Og ég hef aldrei komið á sjó! Ég
hafði mætt svo illa í menntaskóla
og það var hægt að fá sjókokk-
anámið metið sem tvöfalda val-
grein. Það voru akkúrat eining-
arnar sem mig vantaði. Þetta er
eina prófið sem ég er með sem
gefur mér einhver réttindi, ef það
gerir það þá enn, vegna þess að
ég er ekki einu sinni með bílpróf.
Þess vegna bý ég í 101 og hef alla
tíð gert.“
Nanna bloggar um mat á nann-
arognvaldar.wordpress.com. Þar
leiðir hún lesendur í gegnum elda-
mennsku á einfaldan hátt, bæði í
texta og myndum sem hún tekur
sjálf. „Maður er alltaf að uppgötva
eitthvað nýtt. Ég er búin að vinna
með mörgum ljósmyndurum í
gegnum árin og var alltaf að verða
forvitnari um það hvernig maður
sæi matinn í gegnum linsuna. Það
endaði með því að ég keypti mér
þokkalega vél og fór að prófa að
taka myndir sjálf. Þá opnaðist fyrir
mér nýr heimur og ég fór að sjá
matinn öðruvísi,“ segir Nanna sem
tók einmitt allar myndir í Múffu-
bókina sína. Hún segir að það sé
mikil breyting að þurfa ekki að
elda marga rétti í einu til að taka á
móti ljósmyndara. Nú geti hún haft
sína hentisemi á hlutunum. „Ég
var búin að grínast með það í mörg
ár að ég hefði átt að hafa vit á því
að giftast ljósmyndara. Eins og svo
oft áður þá endaði ég með því að
verða bara að bjarga þessu sjálf.“
Orðin vön því að búa ein
Hvernig er að búa ein – er gaman
að vera alltaf að elda fyrir sjálfa
sig?
„Það er misskemmtilegt. Ég
elda alltaf rúmlega og hef með mér
í nesti en svo finnst mér líka mjög
gaman að elda úr afgöngum. Það
getur verið mjög skemmtilegt að
taka eitthvað sem maður eldaði og
var alveg ágætt og búa til eitthvað
allt annað úr því. Ég er ekki mikið
fyrir að láta hluti fara til spillis.“
Á ekkert að kippa öðrum kalli
inn fyrir þann sem þú skilaðir?
Eða er svo gott að vera ein?
„Ég er búin að vera ein í að ég
held 23 ár og er orðin dálítið vön
því. Reyndar bjó ég lengi með syni
mínum og einhverjir vildu meina
að við værum oft eins og gömul
hjón. Svo var ég búin að gefast upp
á því að losna við hann að heiman
svo ég seldi honum bara íbúðina
og flutti sjálf. Síðan eru liðin sex ár
og ég hef verið ein síðan. Mér líður
í rauninni mjög vel að vera ein. Ég
er dálítið mikill einfari í mér og
sækist ekkert endilega eftir félags-
skap annarra. Ég fer mjög lítið út á
kvöldin til dæmis, ég vil frekar að
fólk komi í heimsókn til mín.“
Nanna segist vera með margar
hugmyndir í kollinum að næstu
matreiðslubókum. Hún sé í raun
alltaf að vinna í nokkrum bókum
sem séu mislangt komnar. Hún á
sér þó draumabók. „Mig langar
dálítið til að skrifa persónulega
bók um matarminningar. Ég hef
að vísu talað um það í mörg ár.
Ég er búin að skrifa eitthvað inn í
þetta og veit ekkert hvaða stefnu
þetta tekur eða hvort þetta verður
einhvern tímann bók. Hugmyndin
er að rekja minningar sem eru
sterkar í huga mér og tengjast mat
og flétta uppskriftum saman við
þær. Ég þarf bara að finna tíma til
að skrifa þetta, ég stórefa að þetta
verði næsta bók.“
Að síðustu, hver er uppáhalds-
matur Nönnu Rögnvaldardóttur?
„Ég fæ þessa spurningu oft
og get varla svarað henni. Mér
þykir flestur matur góður og það
getur jafnvel komið fyrir að mér
finnst vondur matur góður. Þetta
náttúrlega sést utan á mér. Ég man
í fljótu bragði ekki eftir neinu sem
ég borða ekki en verulega gott
hangikjöt finnst mér mjög gott.
Hrátt, ekki tvíreykt eða þríreykt
heldur fimmtánreykt hangikjöt
eins og það sem ég ólst upp við
sem hékk bara uppi í hlóðaeld-
húsinu mánuðum saman og var
nánast orðið svart að utan. Það eru
margir sem halda að Íslendingar
hafi lært að borða hrátt hangikjöt
af parmaskinku eða einhverju
svoleiðis en þegar ég var krakki
og mamma var að sjóða hangikjöt
þurfti hún að passa bitann því það
voru allir að laumast í hann með
vasahnífnum sínum. Mér fannst
þetta svo gott að ég var stundum
að hugsa um af hverju væri verið
að sjóða þetta. Þannig að ef ég
ætti að nefna eitthvað eitt sem mér
finnst betra en annað þá hugsa ég
að það væri verulega gott skag-
firskt hangikjöt.“
Höskuldur Daði Magnússon
hdm@frettatiminn.is
„Ég væri nú alveg til í að losna
við sumt af þessu. Ég slapp við 50
Shades af því ég var með Fantasíu-
bókina.“
Hún fær nú ekki góða dóma,
eina stjörnu hjá Páli Baldvini í
þessu blaði og hálfa stjörnu í DV...
Já, en þessir dómar ganga báðir
út á það hvað það er mikið klám
í bókinni. Ég held að það sé bara
ágætis auglýsing.“
Tók sjókokkapróf í menntó
Nanna er ekki menntaður mat-
reiðslumaður og hefur alltaf lagt
áherslu á að hún sé eins og hver
önnur húsmóðir. Hún segist gera
mistök eins og allir aðrir. „Það
kemur oft fyrir að ég gleymi ein-
Nanna og
bókasafnið
„Ég hef alltaf haft gaman af
að lesa um mat. Ég byrjaði
að safna matreiðslubókum í
menntaskóla þó ég hefði ekki
einu sinni aðgang að eldhúsi
þá. Ég átti sjaldnast peninga
þá svo þetta var mikið keypt
á fornbókasölum og svoleiðis.
Þegar ég fór svo að nota mat-
reiðslubækurnar var safnið
kannski um þrjátíu bækur.
Nú eru þær um tvö þúsund,
dreifðar um alla íbúðina.“
32 viðtal Helgin 7.-9. september 2012