Fréttatíminn - 07.09.2012, Side 62

46 heilsa Helgin 7.-9. september 2012
T rendið í líkamsræktinni næsta vetur er án efa dans og hiti en einnig er vinsælt að blanda saman styrk og
brennslu,“ segir Linda Hilmarsdóttir, fram-
kvæmdastjóri Hress. Haustið er gósentíð
líkamsræktarstöðva sem keppast nú við að
freista nýrra viðskiptavina með spennandi
nýjungum í stundarskrám vetrarins.
Að sögn Lindu býður Hress upp á nýj-
ungar á borð við „Warm-Fit“ sem eru „Jane
Fonda og Tracy Anderson æfingar í hita“
en einnig er boðið upp á nýja blöndu af lyft-
ingum og hjólatíma, „Combo-30“. „Svo er
Zumba sívinsælt og erum við að bjóða upp
á nýjar útfærslur af því, Zumba í vatni og
Zumba með 1-2 kg hristur,“ segir Linda.
Auðbjörg Ásgrímsdóttir, kennari í
WorldClass, segir að boðið verði upp á
fjölda nýrra námskeiða í vetur, svo sem
sérstakt námskeið fyrir 60+. Einnig er
nýtt námskeið, Insanity, sem útleggja má
sem geðveiki á íslensku sem er eins konar
tabata með hópefliívafi, að sögn Auðbjarg-
ar. Þá má nefna Warrior Yoga sem ætlað
er að sporna gegn áhrifum nútímalífsstíls,
svo sem langar setur við tölvu, streitu og
svefnleysi.
Reebok fitness býður til að mynda upp á
Zumba fitness, sem er enn meira krefjandi
en zumba og samblanda af dansi, líkams-
ræktaræfingum og mikilli brennslu, sam-
kvæmt upplýsingum frá Reebok fitness.
Hreyfing býður upp nýjungar á borð við á
5-stjörnu-fit sem á að móta og lengja vöðva
og auka grunnbrennslu líkamans. Einnig
Club-Fit-50+ sem er námskeið fyrir fólk yfir
fimmtugt. Önnur nýjung er 3-2-1 sem eru
hóptímar undir yfirskriftinni styrkur-þol-
kjarni. Gerðar eru styrktaræfingar í 3 mín-
útur, þolæfingar í 2 mínútur og kviðæfingar
í 1 mínútu.
Gunnhildur Þráinsdóttir, deildarstjóri
námskeiða og hóptíma í Sporthúsinu segir
að vinsælasta nýjungin sé svokallað „Foam-
flex“ þar sem gerðar eru teygjur og sjálfs-
nudd í upphituðum sal. „Við notumst við
frauðrúllur við nudd sem losar um stífa
vöðva og bólgur. Það er mjög gott fyrir fólk
í mikilli líkamsrækt,“ segir Gunnhildur.
Vinsælustu tímarnir eru hins vegar Zumba
tímarnir og er verið að bæta við tímum til
að mæta eftirspurn. Þá verður boðið upp
á krakka- og unglinganámskeið í CrossFit
fyrir aldurshópinn 9-12 og 13-15 ára. Loks
er í boði nýtt Powerburn námskeið sem
gengur út á að gera samansafn af æfingum
sem ýta undir grunnbrennslu líkamans, að
sögn Gunnhildar.
Kristjana Þorgeirsdóttir, verkefnastjóri
líkamsræktar hjá Baðhúsinu, segir að dans-
tímarnir séu vinsælastir en einnig jóga í
heitum sal. „Við ætlum að bjóða upp á enn
meiri dans í vetur, bæði 80‘s dansveislur
og tvær nýjar tegundir af spinningtímum,
spinning við óperutónlist og svo spinning
við tónlist Sálarinnar hans Jóns míns sem
hefur verið sérmixuð fyrir Baðhúsið,“ segir
Kristjana. Einnig verða nýir tímar í Fonda-
fitness sem er líkamsrækt í ætt við Jane
Fonda. Hún segir að konur séu farnar að
lyfta meira lóðum en áður og því séu styrkt-
artímar vinsælir í bland við dansinn. -sda
 LíkamsrækT FjöLdi nýjunga í LíkamsrækTarsTöðvunum
Hiti og dans í ræktinni í vetur
Líkamsræktarstöðvarnar bjóða upp á fjölda nýjunga í ræktinni í vetur en
sem fyrr eru danstímarnir vinsælastir. Konur sækja í auknum mæli í styrkt-
aræfingar og eru farnar að lyfta lóðum í meira mæli og blanda því saman við
brennslutíma.
Lyftingar og
styrktaræfingar
verða sífellt
vinsælli meðal
kvenna.