Læknablaðið - 15.02.1995, Blaðsíða 27
LÆKNABLAÐIÐ 1995; 81
141
Frumur x 109/ lítra
400
350
300
250
200
150
100
50
0
Mynd 5. Fjöldi CD8+ T-eitilfrumna (A) og CD4+ T-eitilfrumna (B) í blóði sjúklinga
með CMV-frumsýkingu (CMV), heilbrigðra samanburðareinstaklinga (HS) og sam-
anburðarsjúklinga sem fullnægðu ekki skilmerkjum um CMV-frumsýkingu (SS).
*p< 0,01.
kenni minntu helst á iðrakveisu með uppköst-
um, magaspeglun sýndi magasár með veiruinn-
lyksum í frumum í sárbörmum; þessi kona náði
fullum bata á tveimur vikum.
Rannsóknarniðurstöður: Tiltækar voru upp-
lýsingar um blóðhag 20 sjúklinga þegar þeir
greindust með CMV-sýkingu. í 14 tilvikum var
lýst óeðlilegum (atýpískum) eitilfrumum í
blóðstroki, aðrar breytingar svo sem sökk-
hækkun eða fjölgun á hvítum blóðfrumum
voru sjaldgæfari. I 21 tilviki fundust upplýsing-
ar um lifrarpróf og reyndust 19 sjúklingar með
lítillega óeðlileg lifrarpróf, oftast væga hækkun
á einu eða fleiri lifrarenzíma í blóði (ALP,
ASAT, GGT eða LDH).
Þegar sjúklingarnir voru rannsakaðir á
göngudeild Landspítalans hálfu til einu og
hálfu ári frá greiningu CMV-sýkingar reyndust
allir vera með eðlilegan blóðhag og eðlileg lifr-
arpróf. Sömuleiðis reyndist enginn með hækk-
aðan blóðsykur og allir með eðlileg sermipró-
tín, albúmín og ónæmisglóbúlín. Einungis
reyndust tveir sjúklingar hafa væga hækkun á
gigtarþætti í sermi og enginn reyndist með HIV
mótefni. Mótefnamælingar gegn Epstein-Barr
veiru sýndu að flestir höfðu IgG mótefni sem
merki um gamla sýkingu.
Nítján af þessum 26 einstaklingum sýndu
eðlilega bólgusvörun við streptókínasa sem
gefinn var í húð. Prófið var endurtekið hjá
fimm af þeim sjö sem ekki svöruðu í fyrstu
atrennu og þá sást eðlilegt húðsvar hjá þremur
til viðbótar. Þannig reyndust aðeins tveir sjúk-
lingar hafa bælt frumubundið ónæmissvar (an-
ergy) og óvíst um tvo til viðbótar.
Kannaður var fjöldi T-eitilfrumna í blóði
allra sjúklinganna og hjá álíka mörgum heil-
brigðum starfsmönnum spítalans. Einnig var
athugað hlutfall CD4+ T-hjálparfrumna og
CD8+ T-bæli-/drápsfrumna. Mynd 5 sýnir nið-
urstöðu þessara mælinga ásamt samskonar nið-
urstöðum á sýnum frá 14 einstaklingum sem
voru útilokaðir úr rannsóknarhópi á göngu-
deild, ýmist vegna þess að endurteknar mót-
efnamælingar fullnægðu ekki inntökuskil-
merkjum eða vegna þess að fram kom saga sem
gat bent til annars sjúkdóms, ónæmisbælandi.
Sjúklingahópurinn hafði marktækt fleiri
CD8+ T-bæli-/drápsfrumur í blóði heldur en
báðir samanburðarhóparnir (p < 0,001). Ekki
sást marktækur munur á fjölda CD4+ T-hjálp-
arfrumna milli hópanna.
Umræða
Á tveimur árum fundum við 26 einstaklinga
sem uppfylltu skilmerki okkar um nýlega
CMV-sýkingu. Fjöldinn er þó væntanlega mun
meiri því ekki náðist til allra sem grunaðir voru
um sýkingu og einnig má telja líklegt að mun