Læknablaðið - 15.02.1995, Blaðsíða 75
LÆKNABLAÐIÐ 1995; 81
185
læknir, útskýra mismun á skað-
semi reyklauss og reyktóbaks,
þá er mikilvægt að gera það án
þess að meiningin snúist upp í
andhverfu sína. Eðlilegt er að
gera sem gleggsta grein fyrir
skaðsemi af hvorutveggja og
eftirláta almenningi að draga
sínar ályktanir. Að mínu mati er
beinlínis rangt að segja að ann-
að sé skárra en hitt. Af því hlýst
gjarnan að dregin er sú ályktun
að það sem sagt er skárra, sé
hreint ekki svo slæmt, jafnvel
ákveðnum kostum gætt.
Fyrir Alþingi liggur nú frum-
varp til tóbaksvarnarlaga. Þetta
sama frumvarp hefur átt erfitt
uppdráttar, lá fyrir á síðasta
þingi, en náði þá ekki fram að
ganga. Margt gott má segja um
þetta frumvarp til dæmis ákvæði
um verð á tóbaki, aukin framlög
til tóbaksvarna og fleira. Einnig
er jákvætt að banna á sölu
munntóbaks og innflutning
nýrra forma tóbaks sem fram
kunna að koma.
Einn stórgalli er þó á þessu
frumvarpi og það varðar snuff-
ið. Samtímis því sem munntó-
bak verður bannað, þá er neftó-
bak leyft. Af áðurnefndu l1/:
tonni af fínkornóttu tóbaki,
snuffi sem flutt er inn á ári og
troðið í nasir og varir ungmenna
eru einungis um 0,3 tonn munn-
tóbak. Afganginn, 1,2 tonn af
neftóbaki er áfram heimilt að
flytja inn.
Ekki þarf mikið hugmynda-
flug til að troða þessum óþverra
í vörina, þó hann sé kenndur við
næstu hæð fyrir ofan. Því er
bann við sölu munntóbaks í
frumvarpinu hálfgert sýndar-
ákvæði. Eðlilegra hefði verið að
banna neftóbakið líka. Ekki er
fyrirséð hvernig frumvarpinu
reiðir af í meðferð núverandi
þings. Ljóst er að hagsmunaað-
ilar, það er tóbaksiðnaðurinn
og fleiri munu fylgjast með, leit-
ast við að tefja framgang mála
og reyna að koma í veg fyrir að
frumvarpið verði að lögum.
Stundum er sagt að mikilvægt sé
að einhver úr læknastétt sitji á
þingi og er það rétt. Hitt er þó
enn mikilvægara að sem flestir
læknar og samtök þeirra láti í
sér heyra varðandi stórmál sem
Alþingi hefur til meðferðar og
snerta heilbrigði og heilsu-
vernd. Væntanleg ný lög um tó-
baksvarnir eru slíkt stórmál.
Læknar, látum í okkur heyra
um þessi mál í ræðu og riti.
Verðugir áheyrendur í því sam-
bandi eru til dæmis ráðherra
heilbrigðismála, þingmenn, al-
menningur, foreldrar, kennarar
og fleiri.
Pétur Heimisson,
heimilislæknir Egilsstöðum