Læknablaðið - 15.09.1998, Síða 25
LÆKNABLAÐIÐ 1998; 84
LÆKNABLAÐIÐ 1998; 84: 643-5
Sjúkratilfelli mánaöarins
Bacteroides mjúkvefjasýking í
brjóstvegg í tengslum við
ristilkrabbamein
Þorvarður R. Hálfdanarson1', Örn Thorstensen21, Runólfur Pálsson11
Sjúkratilfelli
Sjötugur karlmaður var lagður inn á lyflækn-
ingadeild Sjúkrahúss Reykjavíkur vegna hita
og brjóstverkjar. Veikindi hófust tveimur dög-
um fyrir innlögn með kuldahrolli og 40°C hita
og daginn eftir fór að bera á vaxandi verk í
framanverðum brjóstkassa, neðan hægra við-
beins. Verkurinn var ótengdur öndun og var um
tíma illþolanlegur. Við nánari eftirgrennslan
lýsti hann vaxandi óþægindum ofan við lífbein
undanfama mánuði. Þá hafði hann lést um
nokkur kílógrömm og fundið fyrir vaxandi
magnleysi. Fyrri saga var einungis markverð
fyrir hjartsláttartruflanir sem hann tók vera-
pamíl við.
Við skoðun var sjúklingur veikindalegur.
Hiti var 39,6°C, blóðþrýstingur 165/85, púls 75
slög á mínútu og öndunartíðni 18. Meðvitund
var eðlileg. Eymsli voru við þreifingu á brjóst-
kassa neðan hægra viðbeins en þar var sérstak-
lega aumt svæði, urn 2 cm í þvermál. Einnig
þreifieymsli yfir vöðvum hægri axlar. Engin
litarbreyting var sjáanleg á húð á þessum svæð-
um og enginn þroti var til staðar. Hlustun
lungna og hjarta var eðlileg. Kviður var lítil-
lega þaninn með vægum eymslum ofan lífbeins.
Endaþarmsskoðun var eðlileg og próf fyrir blóð
í saur var neikvætt.
Blóðhagur sýndi að hemóglóbín var 128 g/L,
hvít blóðkorn 3,4x109/L og blóðflögur 142x
109/L. Sökk var 50 mm/klst og CRP 168 mg/L.
Frá '’lyflækningadeild og 21röntgendeild Sjúkrahúss
Reykjavíkur. Fyrirspurnir, bréfaskipti: Runólfur Pálsson,
lyflækningadeild Sjúkrahúss Reykjavíkur, 108 Reykjavík.
Sími: 525-1000. Bréfsími: 525-1552. Netfang: rpalssom®
tv.is
Elektrólýtar, kreatínín og hjartaensím voru
innan eðlilegra marka. Lifrarpróf voru vægt
afbrigðileg, ALP 322 U/L, GGT 237 U/L,
ASAT 48 U/L, ALAT 58 U/L. Þvagskoðun var
ómarkverð. Röntgenmynd af brjóstholi sýndi
merki um væga fleiðruþykknun hliðlægt
vinstra megin og teikn sem bentu til lítilsháttar
fleiðruvökva sömu megin. Hjartarafrit var án
bráðra breytinga. Blóð og þvag var sent í rækt-
un.
Grunur lék á að sjúklingurinn væri með
bráða sýkingu þótt ekki fyndist ákveðinn sýk-
ingarstaður. Hann var meðhöndlaður með
verkjalyfjum og vökva í æð og ákveðið var að
fylgjast með sjúkdómsframvindu. Daginn eftir
versnaði ástand sjúklings skyndilega með
kuldahrolli, háum hita og mæði. Við skoðun
var hann mjög veikindalegur, andstuttur, með
hraðan hjartslátt og kalda útlimi. Blóðþrýsting-
ur var 110/60 og púls 140 á mínútu. Eymsli í
brjóstvegg voru svipuð og áður og engar húð-
breytingar voru til staðar. Blóðrannsóknir
sýndu nú aukningu á hvítum blóðkornum,
14,4xl09/L. Rannsókn á slagæðablóðgösum án
súrefnisgjafar sýndi PaOi 51 mm Hg, PaCO^ 33
mm Hg og pH 7,46. Hafin var sýklalyfjameð-
ferð með amoxicillín-klavúlansýru (Augmen-
tin®) og gentamicíni. Tölvusneiðmyndir af
brjóstholi sýndu fleiðruvökva beggja vegna
ásamt dreifðum millivefsþéttingum í neðan-
verðum lungum. Auk þess sást fyrirferð með
fíngerðum loftbólum í mjúkvefjum neðan við
hægra viðbein, aðallega að því er virtist utan
tleiðru (mynd 1). Þessi fyrirferð var álitin vera
merki um mjúkvefjasýkingu, hugsanlega fells-
bólgu með drepi (necrotizing fasciitis) eða ígerð
(abscess). Vegna versnandi loftskipta var sjúk-
lingurinn fluttur á gjörgæsludeild. Ákveðið var