Læknablaðið - 15.09.1998, Page 26
644
LÆKNABLAÐIÐ 1998; 84
Mynd 1. Tölvusneiðmynd af brjóstholi sjúklings daginn eftir
innlögn á sjúkrahús. Myndin er tekin í hœð við stofnslagœð
handlima og höfuðs (truncus brachiocephalicus) og sýnir
mjúkvefjafyrirferð neðan hœgra viðbeins sem virðist liggja ut-
an við fleiðru (sem örin bendir á). íþessari fyrirferð sjást litlar
loftbólur.
að gefa klindamýcín í stað amoxicillín-klavúl-
ansýru. Fengið var álit skurðlæknis sem taldi
ekki ástæðu til aðgerðar að sinni en ákveðið var
að meðhöndla sjúklinginn í háþrýstisúrefnis-
klefa og fékk hann slíka meðferð í tvígang.
Næstu daga var klínískt ástand sjúklings svip-
að og tölvusneiðmyndir sýndu óbreytta mjúk-
veíjafyrirferð. Omskoðun á hjarta var innan eðli-
legra marka. Á fimmta degi sýndu tölvusneið-
myndir greinilega aukningu á fyrrgreindri mjúk-
vefjafyrirferð (mynd 2). Um sama leyti bárust
upplýsingar um vöxt á gram-neikvæðum stöf-
um í blóðræktunarkolbu ætlaðri loftfælnum bakt-
eríum, hugsanlega bacteroides, og var gott
næmi fyrir sýklalyfjum, meðal annars klinda-
mýcíni. Ástand sjúklings fór batnandi eftir þetta
og hann fluttist á almenna legudeild. Klinda-
mýcín var gefið í alls þrjár vikur en gentamicín
í viku og cíprófloxacín í fjóra daga til viðbótar.
Á 17. degi sýndu tölvusneiðmyndir af brjóst-
holi mikla minnkun á mjúkvefjafyrirferðinni
neðan hægra viðbeins ásamt því að fleiðru-
vökvi og þéttingar í lungum voru alveg horfin.
Lokaniðurstaða blóðræktunar var Bacteroides
sp. (ekki Bacteroides fragilis) og í ljósi þessa
var ákveðið að framkvæma röntgenrannsókn á
ristli til að leita uppruna sýkingarinnar. Sjúk-
lingurinn var útskrifaður við nokkuð góða líð-
an eftir 21 dags sjúkrahúslegu og lögð drög að
úthreinsun heima fyrir og myndatöku tveimur
dögum síðar. Samdægurs, eftir að sjúklingur
hóf úthreinsun, fór að bera á kveisukenndum
verkjum um neðanverðan kvið ásamt ógleði og
uppköstum. Hann var því lagður inn, illa hald-
inn af verkjum með vægt þaninn og auman
Mynd 2. Tölvusneiðmynd af brjóstholi á fimmta degi, tekin í
sömu hœð og mynd 1. Mjúkvefjafyrirferðin neðan hœgra við-
beins (sem örin bendir á) hefur greinilega stœkkað. Loftbólur
sjást ekki lengur. Þroti virðist vera í brjóstvöðvum hœgra
megin sem eru fyrirferðameiri en vinstra megin.
Mynd 3. Röntgenmynd af ristli eftir innhellingu skuggaefnis.
Hringlaga œxlisvöxtur (skuggaefniseyða) sést á 6-7 sm löngu
svœði í bugaristli (sem örin bendir á). Æxlisvöxturinn veldur
gríðarlegri þrengingu í ristilganginum. Þessu útliti hefur verið
líkt við epliskjarna (apple core).
kvið en greinileg garnahljóð. Röntgenmynd af
kviðarholi vakti grun um stíflu í vinstri hluta
ristils. Röntgenrannsókn á ristli með innhell-
ingu á vatnsleysanlegu skuggaefni leiddi í ljós
æxlisgrunsamlega fyrirferð í bugaristli sem
lokaði honum nær alveg (mynd 3). Speglun á
bugaristli sýndi mikil þrengsli sem greinilega
voru af völdum æxlisvaxtar og sýni sem tekin
voru leiddu í ljós kirtilþekjukrabbamein. Fá-
einum dögum síðar var sjúklingurinn tekinn til