Læknablaðið - 15.11.1998, Blaðsíða 46

860
LÆKNABLAÐIÐ 1998; 84
Tvö norsk sjúkrahús í byggingu
Osló
A málþingi lækna um sam-
einingu sjúkrahúsa var oft
vitnað til sjúkrahúsbyggingar
í Osló. Þar á að taka í notkun
nýjan ríkisspítala nú í nóvem-
bermánuði og er það geysi-
mikil bygging, alls verða þar
undir einu þaki 125.000 fer-
metrar sem skiptast niður í
4.500 rými. Það hefur gengið
hratt og vel að reisa þessa
miklu byggingu því fyrsta
skóflustunga var tekin snemma
sumars 1994.
Nýi spítalinn rís í útjaðri
Oslóar norður af miðbænum.
Hálftímaferð er með spor-
vagni niður í miðbæ en norð-
an við spítalalóðina tekur við
helsta útivistarsvæði borgar-
búa, Nordmarka. Spítalinn rís
við hliðina á gömlu geðsjúkra-
húsi sem nefnist Gaustad og
margir Islendingar hafa starf-
að við. Spítalinn tekur við
hlutverki þess og þriggja ann-
arra eldri spítala: gigtarlækn-
ingaspítala og tveggja bækl-
unarlækningaspítala. Þarna
verður starfrækt háskóla-
sjúkrahús og fer tæplega
fjórðungur húsrýmisins undir
háskólastarfsemi. I næsta ná-
grenni nýja sjúkrahússins eru
kennslustofur og rannsókna-
stofur á vegum læknadeildar
Oslóarháskóla og stutt er í höf-
uðstöðvar skólans og helstu
rannsóknastofnana ríkisins.
Eftir endilangri spítala-
byggingunni liggur gangur
með glerþaki en öðrum megin
hans verða legudeildimar og
skurðdeildir og aðrar með-
ferðardeildir hinum megin.
Barna- og kvennadeildir
verða sér á parti. Tæknimið-
stöð rís skammt norðan við
aðalbygginguna en sunnan
við hana verða rannsóknastof-
ur tengdar með tengigangi
sem liggur yfir akbraut og
sporvagnsteina.
Kostnaður við byggingu
þessa sjúkrahúss er áætlaður
3,6 milljarðar norskra króna
sem jafngildir 32,5 milljörð-
um íslenskra króna. Af þeirri
upphæð er áætlað að verja rúm-
lega sex milljörðum íslenskra
króna til tækjakaupa.
O Preklinisk Institutt
© Forsknings- og laboratoriefunkjoner
© Fellesfunksjoner og undervisning
O Bamesenter / Kvinneklinikk
Yfirlitsmynd af nýja ríkissjúkrahúsinu í Osló. Gamla Gaustad-sjúkrahúsið er neðst til hœgri.