Sveitarstjórnarmál - 01.04.1987, Síða 9

KYNNING SVEITARFÉLAGA
götum voru úr asbesti í upphafi.
Þessar lagnir hafa veriö endur-
nýjaðar að mestu, utan efsta hluta
aðveituæðarinnar, en meirihluti
hennar var endurnýjaður sumarið
1984. Það sama ár var lögð stofn-
æð ofanvert við þorpið í suðurhluta
þess, þegar hörpuskelvinnsla
hófst hér.
Þessi stofnæð var tengd efst í
götuendum, og er suðurhluti
þorpsins því með tvöfalda teng-
ingu. Framundan er að endurnýja
það, sem eftir er af aðveituæðinni,
og gera nýjan þrýstijafnara fyrir
veituna og þá um leið miðlunar-
geymi. Nægilegt vatnsmagn er
fyrir hendi, og er það gott upp-
sprettuvatn.
Fræðslu- og félagsmál
í Hofsósi er grunnskóli fyrir börn
úr Fells-, Hofs- og Hofsóshreppi á
aldrinum 6-16 ára. Hafa nem-
endur skólans verið um 100 hvert
ár. Nemendum úr Fells- og Hofs-
hreppi er ekið daglega til skólans,
en börnin úr þorpinu ganga til
hans.
Félagsheimilið Höfðaborg er
næsta hús við skólann, og var það
vígt á árinu 1973. Eigendur þess
eru þrjú fyrrnefnd sveitarfélög
ásamt félagasamtökum á svæðinu.
Með sérstökum leigusamningi frá
1974 er mötuneyti grunnskólans í
félagsheimilinu; þar fá allir nem-
endur skólans morgundrykk ásamt
meðlæti og börnin, sem úr sveit-
inni koma, hádegisverð. Leikfimi-
kennsla grunnskólans fer fram á
sviði félagsheimilisins, en í kjallara
er baðaðstaða.
Kennsla á vegum Tónlistarskóla
Skagafjarðarsýslu fer einnig fram í
félagsheimilinu. Þá á grunnskólinn
fjórar íbúðir fyrir kennara i Hofs-
ósi.
Öflugt leikfélag er í Hofsósi, og
hefur það sýnt a.m.k. eitt leikrit á
vetri undanfarandi ár.
Vorið 1986 var tekinn í notkun
nýr malarvöllur fyrir knattspyrnu.
Hefur knattspyrnulið af svæðinu
hér í nágrenninu tekið þátt í
deildakeppni KS(.
Þá eru starfandi hér ýmis félög,
svo sem bridgefélag, kvenfélög,
ungmennafélög, lionsklúbbur,
verkalýðsfélag, björgunarsveit og
öflugt hestamannafélag. Félags-
svæði þessara félaga er allt frá því
að vera innan þorpsins eða allt frá
Fljótum og inn til Hóla í Hjaltadal.
Atvinnulíf
Hofsóshreppur hefur á undan-
förnum árum lagt fram fjármagn til
atvinnulífsins. Á árunum 1982 -
1986 eru þetta kr. 5,5 millj. á verð-
lagi í janúar 1987. Árið 1986 voru
þessi framlög um 22% af útsvörum
og aðstöðugjöldum ársins.
Svo sem getið var í upphafi
þessarar greinargerðar, var at-
vinnulíf mjög einhæft hér fyrr á
árum, og er svo raunar enn í dag, ef
borið er saman við það, sem gerist
bezt annars staðar.
Kaupfélag Austur-Skagfirðinga
rak um árabil hraðfrystihús og
verzlun hér á staðnum, en hefur
fyrir mörgum árum verið lagt niður.
Kaupfélag Skagfirðinga yfirtók
verzlunina, en stofnað var hluta-
félag um rekstur hraðfrystihúss. Er.
Hofsóshreppur stærsti hluthafi og
á 42,75%. Hraðfrystihúsið hf.
Hofsósi átti erfitt uppdráttar fyrstu
árin, en hefur nú þau síðustu verið
rekið með hagnaði. Þannig vart.d.
greiddur 5% arður eftir árið 1985.
Hráefni til frystihússins kemur
að mestu leyti frá þremur togurum
Útgerðarfélags Skagfirðinga hf.
Sveitarfélögin, sem fyrreru nefnd,
eiga hlut í útgerðarfélaginu ásamt
Hraðfrystihúsinu hf. og fær það um
það bil 1/3 landaðs afla togaranna.
Aflanum er öllum landað á Sauð-
árkróki og ekið hingað til Hofsóss,
en það eru um 38 km. í frystihúsinu
starfa þetta frá 50 - 60 manns.
Stuðlaberg hf. er í eigu Fjól-
mundar Karlssonar og fjölskyldu
hans. Til skamms tíma var megin-
verkefni fyrirtækisins að útbúa
færibandakerfi fyrir sláturhús
landsins, en nú hin síðari ár hefur
aðalverkefni fyrirtækisins verið að
smíða hljóðdeyfa fyrir bifreiðar og
annað því tengt. Hafa á liðnum
árum unnið 10 - 15 manns við
fyrirtækið.
Árið 1983 var stofnað hlutafé-
lagið Þórðarhöfði hf., sem keypti
vélbátinn Hafborg SK 50. Hefur
þessi bátur stundað skelfiskveið-
ar, hefðbundna fiskveiði, eftir því
sem til hefur fallið, og rækjuveiði.
Hlutafélagið Skagaskel var stofnað
SVEITARSTJÓRNARMÁL 55