Sveitarstjórnarmál - 01.04.1987, Síða 18

HAFNAMÁL
atriðið til að velgengni náist i starf-
seminni hef ég þó ekki nefnt enn-
þá, en þar á ég við gott samstarf
við sveitarstjórnir. Nauðsynlegt
er, að gott upplýsingastreymi sé á
milli þessara tveggja aðila. Við
þurfum að geta fylgzt vel með,
hvernig þarfirnar breytast á hverj-
um stað. Áður en framkvæmdir
hefjast, þarf að skilgreina verk,
ganga frá styrkhæfni og helzt
samningi um fjármögnun og svo
framvegis. Með þessum hætti má
komast hjá ýmsum leiðinlegum
eftirmálum.
Fjárveitingar til
hafnamála
Nú, þegar nokkuð hefur verið
rætt um hlutverk og starfsemi
Hafnamálastofnunar, verður ekki
hjá því komizt að ræða einnig fjár-
veitingar til hafnargerða. Ef ekkert
fé fæst til þessara framkvæmda og
þær leggjast að mestu niður, er
óþarfi að eyða miklu púðri í að lýsa
stofnuninni, því stofnunin er til
fyrir þessar framkvæmdir og er
óþörf, ef þær leggjast niður.
Með greininni er birt súlurit, er
sýnir ríkisstyrktar hafnarfram-
kvæmdir áranna 1975 til 1986,
framreiknaðar til verðlags ársins
1986. Þar kemur fram, að árið
1975 var framkvæmt fyrir um 830
milljónir króna, þar af fóru 480
millj. kr. til framkvæmda í almenn-
um höfnum og um 350 í lands-
höfnum. Skýringin á hinum miklu
framkvæmdum í landshöfnum árin
1975 og 1976 er uppbyggingin í
Þorlákshöfn. Þá var nokkuð um
það á árunum 1975 til 1979, að
framkvæmdir í almennum höfnum
væru fjármagnaðar með sérstök-
um fjárveitingum. Árin 1975 og
1976 var hér um að ræða Grinda-
víkurhöfn og Reykhólahöfn, en
árin 1977, 1978 og árið 1979 var
Grundartangahöfn í byggingu. Ef
litið er fram hjá landshöfnum og
þeim almennum höfnum, sem
fjármagnaðar voru sérstaklega,
má segja, að á árabilinu 1975 til og
með 1982 hafi verið framkvæmt
fyrir milli 300 og 400 milljónir
króna á ári. Árið 1983 er síðan
framkvæmt fyrir rétt innan við 300
milljónir, og síðan hefur fram-
kvæmdamagnið farið jafnt og þétt
minnkandi og mun hafa orðið
aðeins um 160-170 millj. króna á
árinu 1986.
Þótt framkvæmdamagnið nú sé
einungis rétt innan við helmingur
af því, sem það var á árabilinu
1975 til 1982, er sýnu alvarlegra,
að fjárveitingar ríkissjóðs hafa
dregizt ennþá meira saman. Ekki
hefur verið unnt að draga fram-
kvæmdir eins mikið saman og
fjárveitingar ríkisins gefa tilefni til,
og hafa sveitarfélögin orðið að
fjármagna hluta ríkissjóðs í fram-
kvæmdunum með lánsfjármagni
eða af vanmætti með eigin fé.
Þetta hefur leitt til þess, að óupp-
HA FNA MA LAST OFNUN RIKISINS okt. 1986
Framkvæmdir i almennum hofnum
ffHlil Framkvæmdir i almennum hofnum fjármagnadar sérstaklega
1 Framkvæmdir i landshofnum
'Ouppgerdur hlutur rikissjóds i árslok
Ar '75
Nýframkvæmdir í höfnum, er njóta ríkisstyrks, árlega árin 1975 til 1987 að báðum árum meðtöldum. Allar tölur eru á
verðlagi ársins 1986. Fyrir árið í ár er miðað við tölur fjárlagafrv. fyrir 1987, Hafnamálastofnun teiknaði súluritið.
64 SVEITARSTJÓRNARMÁL