Sveitarstjórnarmál - 01.08.2001, Page 49

Sameining sveitarfélaga
271
Guðmundur Stefánsson, oddviti Hraungerðishrepps:
Sameiningarviðræður
milli Þjórsár og Hvítár/Ölfiisár
Við síðustu sveitarstjórnarkosningar fór fram
skoðanakönnun um sameiningaráhuga í Gaulverja-
bæjarhreppi, Villingaholtshreppi og í Hraungerðis-
hreppi í Árnessýslu.
Umtalsverður áhugi reyndist vera fyrir einhvers
konar sameiningu í tveimur síðarnefndu hreppun-
um en mun minni í Gaulverjabæjarhreppi.
Veturinn eftir var komið á fót viðræðunefnd
tveggja fulltrúa úr hvorum hreppi, Hraungerðis-
hreppi og Villingaholtshreppi. Fljótlega fréttist af
Greinarhöfundur,
Guðmundur Stefánsson,
lauk prófi frá framhalds-
deild Bœndaskólans á
Hvanneyri 1971, varráðu-
nautur hjá Búnaðarsam-
bandi Suðurlands
1971-1978 og hefur verið
bóndi í Hraungerði frá
1977. Hann varkosinn i
hreppsnefnd Hraungerðishrepps árið 1998 og
jafnframt oddviti hreppsins. Guðmundur sat á
þingum Stéttarsambands bœnda 1981-1994 og var
í stjórn þess frá 1991-1995. Hann hefur tekið þátt
í ýmsum öðrum félagsstörfum.
áhuga úr Skeiðahreppi og Gnúpverjahreppi að at-
huga sameiningarmál á víðum grunni og var þeirn
boðin aðild að viðræðunefndinni með tvo fulltrúa
úr hvorum hreppi og fljótlega bættust einnig við
tveir fulltrúar Hrunamannahrepps. Þegar hér var
komið sögu þótti rétt að skrifa öðrum sveitarfélög-
um sýslunnar og bjóða þeim aðild að nefndinni.
Boðið þáðu Sveitarfélagið Árborg með fjóra full-
trúa og Gaulverjabæjarhreppur með tvo fulltrúa.
Magnús Karel Hannesson hjá KPMG-endur-
skoðun gerði svokallaða stöðugreiningu fyrir sveit-
arfélögin, þar sem jafnframt var reynt að gera sér
grein fyrir hvernig hið nýja sveitarfélag liti út, ef af
sameiningu yrði, bæði hvað varðar fjárhagsstöðu
og rekstur einstakra málaflokka. Þegar þessu verki
var lokið var því vísað til sveitarfélaganna hvort
þau væru tilbúin að ganga til atkvæða um samein-
ingu á grundvelli þessara gagna.
í svörum sveitarfélaganna kom fram að Hruna-
mannahreppur hafnaði þeirri sameiningu sem um
var rætt, önnur sveitarfélög svöruðu jákvætt, en
sum þó með skilyrðum.
Á fundi þar sem svörin voru kynnt kom fram að
áhugi var ekki lengur fyrir hendi hjá nágranna-
hreppum Hrunamannahrepps vegna þess samstarfs
sem þau eiga við hreppinn í stórum málaflokkum.
Var því ákveðið að slíta viðræðunum.
Viðræður um sameiningu
Dalabyggð - Saurbæjarhreppur
- Reykhólahreppur
Fulltrúar Dalabyggðar og Saurbæjarhrepps
ræddu á sl. ári um sameiningu þessara tveggja
hreppa í Dalasýslu og síðar var aðild Reykhóla-
hrepps að þeirn viðræðum samþykkt. Er frá hvoru
tveggja skýrt í 4. og 5. tbl. Sveitarstjórnarmála á sl.
ári. Fundur fulltrúa þessara hreppa var fyrirhugað-
ur fyrir lok septembermánaðar.
Borgarfjörður
Bæjarstjórn Borgarbyggðar leitaði á sl. vetri álits
á því hvort hreppsnefndir Skorradalshrepps, Borg-
arfjarðarsveitar og Hvítársiðuhrepps vildu láta at-
huga um sameiningu þessara ijögurra sveitarfé-
laga. Ekki reyndist vera áhugi á því. í framhaldi af
því hefur bæjarstjórn Borgarbyggðar farið þess á
leit við hreppsnefnd Hvítársíðuhrepps að teknar
verði upp viðræður um sameiningu þessara tveggja
sveitarfélaga. Hefúr hreppsnefndin samþykkt það.