Helgafell - 01.12.1955, Blaðsíða 99
Níels Dungal:
Heimsókn í Trinidad
Klukkan var tólf að kveldi þegar Panamerican-flugvélin lagði
af stað með okkur frá New York. Hvert einasta sæti var skipað í
þessari stóru DC7-flugvél, og sýnilegt var að mestur hluti farþeg-
anna voru Portoricobúar, enda var fyrsti viðkomustaðurinn San Juan
í Porto Rico. Þangað komum við eftir 6 stunda flug. Sólin var komin
upp fyrir rúmum klukkutíma, þegar við lentum, enda hafði verið
flogið í austurátt, á móti sólarganginum, allan tímann.
í New York var hlýtt, þótt kominn væri 2. nóvember, en hér
vai- ennþá miklu hlýrra og á öllu sýnilegt, að við vorum að nálgast
hitabeltið. Flugstöðin í San Juan er einhver hin fegursta, sem til er
í víðri veröld. Stöðvarhúsið er fallegt og bjart með öllum hugsanleg-
um þægindum, og er húsið byggt utan uin fagran, stóran garð með
steyptri tjörn í miðjunni, þar sem gullfiskar leika sér innan um hvítar,
gular, rauðar og bláar vatnsliljur, sem brosa við sólinni í þessu fagra
umbverfi.
Næsti viðkomustaður er St. Thomas og síðan St. Croix. Báðar
þessar eyjar voru í eigu Dana þangað til fyrir um það bil aldarfjórð-
ungi, að þeir seldu Bandaríkjunum eyjarnar. Báðar eru fallegar, frjó-
samar eyjar. Á St. Thomas lendum við í fallegu, grasi grónu dalverpi
og á St. Croix rétt við ströndina. Á flugstöðinni í St. Croix spyr ég
einn af starfsmönnunum, hvort hér sé nokkuð af Dönum, og segir
hann að töluvert sé af þeim á eynni. Hann bendir mér á einn sem
situr við barinn og segir að hann sé Dani og heiti Rasmussen. Ég
geng þangað og heyri að hann er að tala dönsku við annan mann.
Eg gaf mig á tal við þá, Rasmussen, sem býr á eynni, og ungan mann
sem Nielsen heitir, en hann ferðast fyrir stórt danskt verzlunarfyrir-
tæki, sem selur aðallega svínakjöt og ýmsar matvörur. Rasmussen
lætur vel af að búa á St. Croix. Hitinn er jafn og stöðugur allan ársins
hrirg, fer aldrei niður úr 15 stigum Celsius og aldrei yfir 32 stig. St.
Croix er stærri en St. Thomas og á báðum eyjunum lifa menn á land-
búnaði. Vegna þess, hve gott og hlýtt loftslagið er og ódýrt að lifa,