Helgafell - 01.12.1955, Blaðsíða 104
102
HELGAFELL
unnar og treysta á blóðþorsta óléttra kvendýra, tekst svo vel að
halda sjúkdómnum gangandi, að enn í dag er malaría sá sjúkdómur,
sem drepur og sýkir flest fólk í heiminum. Þegar sjúkdómurinn er
farinn að ganga á einum stað, þar sem skilyrði eru fyrir útbreiðslu
hans, hafa flugurnar alltaf tækifæri til að fá malaríukvikindin ofan
í magann á sér, en svo er fyrir séð, að þessi kvikindi gera þeim lítið
til. Þau stinga þá sem veikir eru og fá þannig kvikindin ofan í sig
og síðan stinga þau bæði veika og heilbrigða. Með þessu móti geta
malaríukvikindin borizt endalaust milli manna og flugna.
Heilbrigðisástandið á Trinidad er miklu lakara en á íslandi, og
það þótt malaría sé ekki reiknuð með. Þar deyja um 60 börn á fyrsta
ári af hverjum 1000 nýfæddum börnum, en á Islandi ekki nema um
20. Á Trinidad er rnikið um berklaveiki, þrátt fyrir sólina og hitann.
Tæringin drepur þar álíka mikið af fólki og hún gerði fyrir 20 árum
hjá okkur. Dr. Brandy, sem ég heimsótti, er nýlega orðinn yfirberkla-
læknir á eynni, og ætlar að útrýma sjúkdómnum með sömu aðferðum
og Sigurður Sigurðsson hefur gert hjá okkur. Árangurinn er þegar
farinn að koma í ljós, en verkið er torsótt, því að mikið vantar á að
almenningur sé eins skilningsgóður á þessa hluti og á íslandi.
Tilraunastöðvar. Vegna þess hve loftslag er gott á Trinidad,
nota Englendingar eyjuna fyrir tilraunastöð á ýmsum sviðum. Þar
er rannsóknastofa fyrir virusrannsóknir, önnur stofnun fyrir jurta-
sjúkdóma heitu landanna, enn önnur fyrir kókó- og kaffirækt o. s.
frv. Einn lækni hitti ég þarna frá Rockefeller Foundation, sem er
sendur frá Bandaríkjunum til þess að hjálpa til við rannsóknir á
ýmsum hitabeltissjúkdómum. Ein tilraunastöðin var fyrir fóðurrann-
sóknir, og þar sá ég svín, sem ekkert fékk annað en banana að éta.
Mér þótti þetta fullmikill luxus fyrir svínið, en Ása sagði að því færi
fjarri. „Svínin hjá mér eru líka aðallega alin á banönum. Það er
ódýrasta fóðrið hér.“ Kartöflur eru hinsvegar allt of dýrar þarna til
að gefa svínum, því að þær þrífast ekki í hitanum þar.
Port of Spain. Þegar við erum að aka á milli læknanna sjáum
við mikið af höfuðborginni, Port of Spain. íbúatalan er um 100.000.
Miðbærinn er gamall og lítt ásjálegur, lítið betri en í Reykjavík, en
í úthverfunum er mikið af fallegum görðum og húsum. Pálmar og
bananar vaxa alls staðar, appelsínutré eru mjög víða og hér og hvar
sjást rauðblómstrandi Bougainvillea-tré. Fallegustu húsin eru byggð
í bungalow-stíl, með opnum svölum í miðjunni (patio), sem dyr liggja
út frá inn í allar stofur. Hér vaxa öll möguleg tré, sem tilheyra hita-
beltinu, svo sem casuarina, cecropia, brauðaldintré, með barnshöfuð-
stórum, gulleitum, hrjúfum ávöxtum á, auk þess papaya, avocado