Morgunblaðið - 01.06.2013, Blaðsíða 40

40 UMRÆÐAN
MORGUNBLAÐIÐ LAUGARDAGUR 1. JÚNÍ 2013
Á löggjafarþinginu
2012-2013 lögðu fimm
þingmenn fram tillögu
um sjómannaafslátt.
Tillagan miðaði að því
að hrinda árás rík-
isstjórnar Jóhönnu
Sigurðardóttur á sjó-
menn með afnámi sjó-
mannaafsláttar sem
kemur að fullu til fram-
kvæmda um næstu
áramót. Þessir þingmenn voru Árni
Johnsen, Ásbjörn Óttarsson, Krist-
ján Þór Júlíusson, Ragnheiður Árna-
dóttir og Gunnar Bragi Sveinsson.
Þrír þeirra eru nú ráðherrar í nýrri
ríkisstjórn, þau Kristján Þór, Ragn-
heiður Elín og Gunnar
Bragi. Sjómenn treysta
því að þessir nýju ráð-
herrar taki höndum
saman með Sigmundi
Davíð og Bjarna Ben.
um að hrinda árásinni á
sjómenn og að sjó-
mannaafsláttur verði
tekinn upp á ný. Sem
fyrr segir fellur sjó-
mannaafsláttur að fullu
niður um áramótin en
hann nemur nú 246
krónum á dag en var við
upphaf árása Jóhönnu og Steingríms
987 krónur; eða sem nemur 360 þús-
und krónum á ári. Fimmmenning-
arnir vildu hækka sjómannaafslátt
og lögðu til 1.360 þúsund krónur á ári
fyrir sjómenn á fiskiskipum. Sjó-
menn myndu meta það að verð-
leikum.
Samfélagssáttmáli við sjómenn
Með tillögu sinni sögðu fimm-
menningarnir í greinargerð: „Helstu
ástæður þess að sjómönnum hefur
verið veittur sérstakur afsláttur er
að þeir sinna erfiðum störfum sem
eru þjóðhagslega mikilvæg og þeir
dvelja langtímum frá heimili sínu og
fjölskyldu vegna vinnu sinnar. Sjó-
mannaafslátturinn hefur verið hluti
af samfélagssáttmála stjórnvalda við
sjómenn í áratugi sem núverandi rík-
isstjórn afturkallaði einhliða án
nokkurs samráðs eða viðræðna við
sjómenn.“ Framganga Jóhönnu og
Steingríms í þessu máli var mikil
háðung, þeim til skammar. Upphaf
sjómannaafsláttar má rekja til ársins
1954, svo það var langt til seilst að
ráðast á þá.
Á Norðurlöndum og
meðal fiskveiðiþjóða
Sjómannaafsláttur er í gildi á
Norðurlöndum og meðal fisk-
veiðiþjóða eins og Kanada og Nýja
Sjálands. „Fiskveiðiþjóð eins og Ís-
lendingar á að tryggja sjómönnum
sínum sambærileg kjör við þau sem
tíðkast hjá þeim fiskveiðiþjóðum sem
við berum okkur saman við,“ sögðu
fimmmenningarnir. Árið 2008 fengu
liðlega sex þúsund sjómenn afslátt að
upphæð 1.100 milljónir króna. Sama
ár fengu 3.875 manns dagpeninga að
fjárhæð tæpa níu milljarða króna.
Ríkið greiddi rúmar 1.500 milljónir
til opinberra starfsmanna. Þetta eru
peningar sem eru utan staðgreiðslu, í
raun skattfrjálsir. Opinberir starfs-
menn njóta mikilla fríðinda umfram
aðrar starfsstéttir en 18% allra dag-
peninga fara til opinberrar stjórn-
sýslu. Um þetta sögðu þingmenn-
irnir fimm í greinargerð: „Það er
sanngjörn krafa að sjómenn njóti
áfram kjara sem þeir hafa haft í ára-
tugi, en annað fæli í sér ójafnræði við
aðrar starfsstéttir sem geta nýtt sér
dagpeningagreiðslur í formi skattaf-
sláttar.“
Sjómenn treysta því að rík-
isstjórnin vindi ofan af ólögum Jó-
hönnu og Steingríms. Þeir treysta
því að ráðherrarnir standi við orð
sín.
Sjómenn treysta því að þau standi
við orð sín um sjómannaafslátt
Eftir Arngrím
Jónsson » Opinberir starfs-
menn njóta mikilla
fríðinda umfram aðrar
starfsstéttir en 18%
allra dagpeninga fara til
opinberrar stjórnsýslu.
Arngrímur Jónsson
Höfundur er sjómaður.
Vorum við of vond
við vinstristjórnina
sem var að fara frá
völdum? Eða átti hún
allt vont skilið fyrir
frammistöðu sína?
Áður fyrr var rétt-
lætanlegt að hatast við
andstæðar fylkingar í
stjórnmálum; þegar
kalt stríð var í gangi,
og svo gæti hafa farið
að lokum, að annar aðilinn yrði
hálmstráið sem gæti kallað yfir okk-
ur kjarnorkustríð. Þannig séð var
lífið sjálft í veði. En nú er það að-
allega spurning um hvort allir eigi
að hafa það gott; eða þá jafngott.
Þó finnst mér eins og undir niðri
hafi grillt í að þeir sem hæst létu á
kjörtímabilinu hafi verið mótaðir af
stríðshættusálfræðinni gömlu; að
verið væri að berjast um svo heil-
agar víglínur, að menn væru tilbúnir
að fórna mörgum íslenskum manns-
lífum – og sínu eigin – fremur en að
láta flæma sig upp úr skotgröfum
sínum.
Sérlega hafði ég forystu Samfylk-
ingarinnar grunaða um þetta; að það
væri vottur um arfleifð minni-
hlutastöðu vinstrihópa sem þyrftu
að vera tilbúnir að berjast til síðasta
blóðdropa til að hrinda fram heims-
mynd sinni ef færi gæfist.
Reyndar er líklegt að slíkar öfgar
blundi í flestum okkar; að við séum
tilbúin að berjast með kjafti og klóm,
við allt og alla, ef allt um þrýtur;
þangað til yfir lýkur.
En grundvallarspurningin sem
stjórnmálin standa frammi fyrir, nú
í kjölfar hrunsins, er ekki sú, heldur
hvort allir eigi rétt á að hafa það
gott, án þess að þurfa að hætta lífi
sínu til þess.
Ekki er deilt um að margir eigi að
hafa það gott; svo hefur lengi verið.
Aðallega er deilt um hvort flestir
eigi að hafa það gott. Það fannst
flestum að væri reyndin fyrir hrunið
2008, en hafa ekki verið svo vissir
um það síðan. Fáir gera svo kröfu
um að allir hafi það gott; svo fremi
sem sér og sínum nánustu sé borgið!
Vinstriflokkar vilja ganga hér
lengra en hægrimenn; og vera kaþ-
ólskari en páfinn, er varðar hug-
sjónafestu og hern-
aðarlund, að þessu
marki. Segja má, að
þeir ættu því að upp-
skera virðingu og að-
dáun hægrimanna fyrir
framgöngu sína að
þessu leyti á umliðnu
kjörtímabili. Þó hefur
verið með ólíkindum
hvernig þeir hafa getað
breyst í einhvers konar
berserki við hugsjóna-
mál sín, á borð við inn-
gönguna í ESB, og
stjórnarskrármálið.
Um leið hljóta jafnvel sjálfstæð-
ismenn að finna til velvildar gagn-
vart fráfarandi ráðherrum Samfylk-
ingar; og að eiga þá ósk heitasta að
Jóhanna megi nú loksins hvílast vel í
sínu síðbúna eftirlaunafríi, og að
Össur fái prófessorsembætti í líf-
fræði, svo hann hætti nú að standa
uppi í hárinu á hægrimönnum!
Að vanda vil ég nú ljúka erindi
mínu með málefnalegu ljóði: Stór
hluti af fjórtándu ljóðabók minni
hefur nú þegar birst í Morgun-
blaðinu; en þó ekki niðurlagið á ljóði
mínu um Grikkland sem heitir: 1940,
1970 og 2012. Læt ég það niðurlag
því fylgja með hér. (Um leið get ég
svo glatt lesendur mína með þeim
tíðindum, að mér hafa nú, fyrstum
skálda, hlotnast ný ljóðskáldaverð-
laun Bókasafns Kópavogs; Ljóðhatt-
urinn; fyrir fyrri ljóðabækur.)
Og nú stefnir enn í harðstjórn á
Grikklandi;
er enginn vill herða sultarólina
til að borga skuldir
Evrópusambandsins.
og þingmaður fasista hefur ráðist á
vinstrikonu!
Skal aftur efna til dansleiks
týrananna?
Far í friði,
Samfylking
Eftir Tryggva V.
Líndal
Tryggvi V. Líndal
» Fáir gera svo kröfu
um að allir hafi það
gott; svo fremi sem sér
og sínum nánustu sé
borgið!
Höfundur er skáld og
menningarmannfræðingur.
Svefnleysi er böl
sem þjakar margan
manninn. Víst er að
samfelldar andvökur
þolir enginn til lengd-
ar. Sem betur fer eru
til góð lyf til bjargar
svo og ýmis önnur
ráð. Imovane er
svefnlyf, sem inniheld-
ur virka efnið zópík-
lón, 7,5 mg í töflu.
Það virkar á 20-30 mín. og er því
tekið inn rétt áður en gengið er til
náða. Verkunin er stutt því lík-
aminn umbreytir virka efninu fljótt
í óvirk efni þannig að magn þess í
blóðinu minnkar um helming á 4-6
klst. Zópíklón er efnafræðilega og
byggingarlega óskylt öðrum svefn-
lyfjum, t.d. benzódíazepínum, en
sækir væntanlega í sömu eða álíka
viðtaka (bindistaði) í heilanum og
þau.
Ég hef ætíð verið frekar laus-
svæfur, einkum þegar bjart er um
nætur, en þó ekki til mikils ama.
Veturinn 1998 fór hjartslátt-
aróregla að hrjá mig og það varð
til þess að ég tók hálfa Imovane
með köflum til þess að geta sofið.
Þessi hjartaóregla kom í hviðum,
sem vöruðu oftast í nokkra mánuði
með löngum hléum á milli og í
þeim tók ég ekkert Imovane.
Svona gekk þetta allt til upphafs
ársins 2007 en þá versnaði hjartaó-
reglan verulega og tók ég þá hálfa
Imovane á hverju kvöldi. Eftir um
tvo mánuði ráðfærði
ég mig við vinnu-
félaga minn, sem
þjáðst hafði af svip-
aðri hjartaóreglu.
Hann benti mér á lyf
(Tambocor 100 mg),
sem hann hafði fengið
við henni og ég rauk
þá strax til hjarta-
læknis og heimtaði að
fá þetta lyf með það
sama. Þetta hreif,
hjartaóreglan hvarf
strax og kom ekki aft-
ur þó ég hætti að taka lyfið eftir
nokkra mánuði. En mér fannst
dásamlegt að detta strax inn í
draumalandið á kvöldin. Mér
fannst líka að ég væri orðinn það
gamall (70 ára) að ég gæti alveg
leyft mér þennan munað og hélt
því áfram að taka hálfa Imovane á
hverju kvöldi.
Þannig gekk þetta ljómandi vel
til haustsins 2010 en þá hætti ég
að vinna. Sú breyting fór illa í mig,
sem varð til þess að ég tók heila
Imovane á hverju kvöldi til hausts-
ins 2012. Þá hafði ég sætt mig við
mína hagi og minnkaði skammtinn
í hálfa töflu. En í vor fannst mér
einhvern veginn að nú væri nóg
komið af svo góðu og hætti að taka
svefnlyfið ágæta, sem ég hafði þá
tekið í sex ár samfleytt. Svefninn
var nokkuð óvær fyrstu næturnar
eftir að ég hætti en þetta gekk
fljótt yfir og núna, um einum mán-
uði síðar, sef ég svefni hinna rétt-
látu þrátt fyrir næturbirtu. Engu
öðru lyfi hefur verið bætt við.
Mikill áróður hefur verið rekinn
gegn notkun svefnlyfja hér á landi
mörg undanfarin ár. Mér skilst að
margir læknar séu ragir við að
ávísa þeim og að sumir sjúklingar
séu hræddir við þau eða skammist
sín fyrir að nota þau. Þessi lyf eru
ekki greidd af sjúkratryggingum
og finnst mér það vera fordómar
og mismunun. Þeir sem setja
svona reglur ættu að reyna það á
eigin skrokki hve svefnleysi getur
verið hrikaleg kvöl. Með þessu er
ég ekki að mæla með notkun
svefnlyfja frekar en annarra lyfja.
Engin lyf, hvorki svefnlyf né önn-
ur, ætti að nota nema nauðsyn
beri til.
Þeir sem gerzt til þekkja vita að
skaphöfn mín er og hefur alltaf
verið þannig að mér stendur mikil
hætta af að ánetjast svefnlyfjum.
En reynsla mín af langri notkun
Imovane bendir til þess að áróð-
urinn gegn því hafi verið og sé
talsvert orðum aukinn.
Til varnar Imovane
Eftir Reyni
Eyjólfsson »Reynsla mín af
langri notkun
Imovane bendir til
þess að áróðurinn
gegn því hafi verið
og sé talsvert
orðum aukinn.
Reynir Eyjólfsson
Höfundur er lyfjafræðingur, PhD
í náttúruefnaræði, stud.med.herb.
534 1020
Ármúla 7, Reykjavík - www.jofur.is
TIL LEIGU
Ólafur Jóhannsson
Rekstrarfræðingur
Löggiltur leigumiðlari
Löggiltur fasteignasali
534 1023 / 824 6703
olafur@jofur.is
Allar nánari upplýsingar veitir:
Borgartún 27, 105 Reykjavík
Skrifstofuhúsnæði
Möguleiki á að leigja allt að 2.000 fm
Leigist í einu lagi eða hlutum
Glæsilegt skrifstofuhúsnæði sem skiptist í opin rými, lokaðar skrifstofur og fundarherbergi. Móttaka er
á hæð. Möguleiki á að fá afnot af móttöku í anddyri, matsal á efstu hæð og kennslurými. Parket á gólfi,
kerfisloft og lagnastokkar með veggjum. Loftræstikerfi er í húsinu. Bílastæðakjallari. Laust 1. júlí 2013.