Morgunblaðið - 01.06.2013, Blaðsíða 44

100 ÁRA44
MORGUNBLAÐIÐ LAUGARDAGUR 1. JÚNÍ 2013
Glæsilegt einbýlishús um 600 fm. Húsið er á tveimur hæðum og stendur á sjávarlóð á einum eftirsóttasta stað á
höfuðborgarsvæðinu. Að innan er húsið rúmlega tilbúið undir tréverk en fullfrágengið að utan. Lóð er
fullfrágengin með stéttum, heitum potti, gufubaðstofu o.fl. Hér er um að ræða einstaka eign á frábærum stað.
Húsið er hannað af Steve Christer og Margréti Harðardóttur.
Allar nánari upplýsingar veita Sverrir Kristinsson og Gunnar Helgi Einarsson.
Einbýlishús á sjávarlóð
á sunnanverðu Seltjarnanesi
Stefán Gunnar Sveinsson
sgs@mbl.is
„Það er enginn „bisness“ nema báðir
aðilar séu ánægðir.“ Þetta var kjör-
orð Sigfúsar Bjarnasonar, forstjóra
og stofnanda Heklu hf., en í síðasta
mánuði voru 100 ár liðin frá fæðingu
hans. Sigfús byrjaði með tvær hend-
ur tómar og náði með mikilli elju og
ósérhlífni að verða einn af helstu at-
hafnamönnum landsins.
Fótgangandi til Borgarness
Sigfús Bergmann Bjarnason
fæddist hinn 4. maí 1913 í Núpsdals-
tungu. Foreldrar hans voru Bjarni
Björnsson bóndi og Margrét Ingi-
björg Sigfúsdóttir. Framan af ævi
Sigfúsar bjuggu þau á bænum Rófu
en fluttust árið 1928 að Kollafossi.
Þau höfðu einungis búið þar í tvö ár
þegar heimskreppan skall á Íslandi
af fullum þunga.
Í kjölfar kreppunnar miklu ákvað
Sigfús, þá 17 ára gamall, að fara að
heiman og suður til Reykjavíkur.
Þar ætlaði hann sér í verkamanna-
vinnu svo hann gæti létt undir með
foreldrum sínum. Hann fór fótgang-
andi með allar eigur sínar á bakinu
vestur Hrútafjarðarháls, suður
Holtavörðuheiðina og til Borg-
arness, þaðan sem hann fékk sér far
með strandferðaskipinu Suðurlandi
til Reykjavíkur. Var Sigfús sjóveik-
ur og kastaði upp alla leiðina. En fall
er fararheill, því að hann var fljótur
að finna sér vinnu hjá útgerðarfyr-
irtækinu Akurgerði í uppskip-
unarvinnu. Einn daginn þar ákvað
hann að reyna fyrir sér sem hjálp-
arkokkur á togara, en sú sjóferð
endaði á sömu lund og ferðin frá
Borgarnesi. Var þá fullreynt með að
Sigfús yrði sjómaður.
Misstu einn af stórlöxunum
Sigfús sneri aftur heim á Kolla-
foss um haustið þegar faðir hans
veiktist. Hann settist í Reykjaskóla í
Hrútafirði. Meðfram náminu stýrði
Sigfús mötuneyti skólans og seldi
samnemendum sínum ritföng. Á
Reykjum kynntist Sigfús Rannveigu
Ingimundardóttur, sem síðar varð
kona hans, og eignuðust þau saman
fjögur börn.
Ósætti milli skólastjórans og eins
kennarans varð til þess að nem-
endur skólans gerðu „uppreisn“.
Sigfús var einn af forsprökkum upp-
reisnarinnar og varð hún til þess að
hann fékk ekki inni í Samvinnuskól-
anum á Bifröst þar sem honum hafði
áður verið lofað plássi. Hafði Jónas
frá Hriflu það síðar á orði að þar
hefði samvinnuhreyfingin misst
„einn af stórlöxunum“.
Sigfús sneri aftur til Reykjavíkur,
19 ára gamall, með það fyrir augum
að setjast í undirbúningsbekk Verzl-
unarskóla Íslands. Örlögin og lífs-
barátta kreppunnar höguðu því svo
að í staðinn fékk hann sér vinnu,
fyrst sem mjólkurpóstur og síðar í
fiskvinnu hjá Kveldúlfi. Jafnframt
því seldi hann tryggingar og sóttist
það vel. Hjá Kveldúlfi kynntist Sig-
fús Magnúsi Víglundssyni og ákváðu
þeir að fara saman í verslunarrekst-
ur. Stofnuðu þeir ásamt Pétri Þórð-
arsyni heildverslunina Heklu 1933
utan um innflutning á spænskum
ávöxtum og þýskri vefnaðarvöru.
Sigfús, sem þá var tvítugur að aldri,
valdi nafnið einkum með tilliti til
þess að það yrði útlendingum þjált í
munni. Fór Magnús til Spánar og
kynnti sér aðstæður í þaula á meðan
Sigfús sá um að selja vörurnar sem
Magnús útvegaði.
Þeir Sigfús og Magnús voru út-
sjónarsamir á tímum kreppu og
hafta. Á stríðsárunum keypti Sigfús
Magnús síðan út úr Heklu og gerði
það að fjölskyldufyrirtæki. Í kjölfar
seinni heimsstyrjaldar fór Hekla að
fikra sig í átt að því að flytja inn bif-
reiðar og vinnuvélar. Fékk Hekla
umboð fyrir bresku Rover-
bílaverksmiðjurnar og seldi Land
Rover-jeppa svo þúsundum skipti.
Síðar bættust við merki á borð við
Volkswagen, Audi, Mitsubishi og
Skoda. Urðu Volkswagen-bjöllurnar
frægu á meðal vinsælustu bíla lands-
ins.
Öll fyrirtækin blómguðust
Sigfús lagði jafnan hart að sér og
vandi sig snemma á það að vinna
sextán til átján klukkustundir á dag.
Erfiðið tók sinn toll og var farið að
draga mjög af honum upp úr fimm-
tugu. Sigfús varð bráðkvaddur að-
faranótt 19. september 1967, 54 ára
að aldri. Segja má að það síðasta
sem Sigfús tókst á hendur fyrir and-
látið hafi verið að koma blaðinu Vísi
á réttan kjöl upp úr 1965. Blaðið var
þá í eigu Sjálfstæðisflokksins og var
mikill fjárhagslegur baggi á flokkn-
um. Sigfús tók þá að sér ásamt fleiri
mönnum að taka við rekstri Vísis.
Var þar tekið til hendinni og náðist á
undraskömmum tíma að snúa við
blaðinu svo eftir var tekið. Sagði Jó-
hann Hafstein, þáverandi varafor-
maður Sjálfstæðisflokksins, í minn-
ingargrein um Sigfús að þar hefði
sannast að „það blómgaðist hvert
það fyrirtæki, sem hann tæki að
sér“.
Heimild: Vilhelm G. Kristinsson, Sigfús
í Heklu, Reykjavík 2003.
Engin viðskipti nema báðir séu ánægðir
Með bílaumboðið Sigfús stendur við sýningarbíl frá Land Rover 1948.
Ljósmynd/Hekla
Fimmtugur Sigfús fagnar fimmtugsafmæli sínu í maí 1963 ásamt konu sinni Rannveigu Ingimundardóttur.
Bjöllur Volkswagen-bjöllurnar urðu
ein vinsælasta bílategundin hérlendis.
Sigfús Bergmann
Bjarnason, kenndur við
Heklu hf., hefði orðið
hundrað ára gamall 4.
maí síðastliðinn. Hann
náði með mikilli vinnu og
atorku að brjótast úr
sárri fátækt til metorða.