Morgunblaðið - 21.03.2014, Qupperneq 10

10 DAGLEGT LÍF
MORGUNBLAÐIÐ FÖSTUDAGUR 21. MARS 2014
FULLVELDI ÞJÓÐA
OG EVRÓPUSAMRUNINN
Alþjóðleg ráðstefna Nei við ESB og Nei til EU
Laugardaginn 22. mars á Hótel Sögu, 2. hæð – í Kötlu
Ráðstefnan hefst kl. 9:30 og er öllum opin meðan húsrúm leyfir
 Vigdís Hauksdóttir alþingismaður og formaður Heimssýnar
 Helle Hagenau sviðstjóri alþjóðasviðs hjá Nei til EU
 Josef Motzfeldt fyrrverandi ráðherra og forseti grænlenska
þingsins
 Odd Haldgeir Larsen varaformaður Fagforbundet og
stjórnarmaður í Nei til EU
 Halldóra Hjaltadóttir formaður Ísafoldar
 Haraldur Benediktsson alþingismaður og fyrrverandi formaður
Bændasamtaka Íslands
 Ragnar Arnalds fyrrverandi fjármálaráðherra
 Brynja Björg Halldórsdóttir lögfræðingur
 Halldór Ármannsson formaður Landssambands
smábátaeigenda
 Per Olaf Lundteigen þingmaður Miðflokksins á norska
stórþinginu
 Ásgeir Geirsson formaður Herjans
 Erna Bjarnadóttir hagfræðingur og aðstoðarframkvæmdastjóri
Bændasamtaka Íslands
 Sigríður Á. Andersen héraðsdómslögmaður og varaþingmaður
 Olav Gjedrem formaður Nei til EU í Rogalandfylki
ÁVÖRP OG FYRIRLESTRAR:
Ráðstefnustjórar: Jón Bjarnason fyrrverandi sjávarútvegs- og landbúnaðarráðherra og
varaformaður Heimssýnar og Helle Hagenau sviðstjóri alþjóðasviðs hjá Nei til EU í Noregi.
Samantekt og umræður í lok ráðstefnu. Umsjón: Unnur Brá Konráðsdóttir alþingismaður
Auður Albertsdóttir
audura@mbl.is
Þ
að er oft fyrsta skrefið hjá
konum sem koma hingað
til lands erlendis frá að
koma til okkar,“ segir
Ania Wozniczka, for-
maður Samtaka kvenna af erlendum
uppruna. Samtökin voru stofnuð á
kvennafrídeginum, 24. október árið
2003, og leitast meðlimirnir eftir því
að sameina, takast á við og ljá hags-
muna- og áhugamálum kvenna sem
sest hafa að á Íslandi rödd, ásamt því
að vinna að jafnrétti og jafnri stöðu
kvenna af erlendum uppruna á öllum
sviðum þjóðlífsins.
Öflugt félagslíf
Starfsemi samtakanna er af
ýmsum toga en meðal annars bjóða
þau upp á faglega ráðgjöf ásamt því
að búa yfir virku félagslífi. „Einu
sinni í mánuði yfir veturinn hittumst
við og höldum svokallað „Þjóðlegt
eldhús“ en tilgangur þess er að koma
saman og borða góðan mat. Þetta er
á vissan hátt eins og ný útgáfa af
saumaklúbbi,“ segir Ania blaða-
manni. Í hverjum mánuði er eitt land
tekið fyrir og er viðburðurinn bæði
fyrir erlendar konur og íslenskar.
„Nú síðast var matur frá Jamaíka, en
síðast fyrir jól og síðast fyrir sumar-
frí er svokallað „potluck“ þar sem all-
ir geta komið með einhvern uppá-
haldsmat, eftirrétt eða hvað sem er.
Þetta er alltaf skemmtilegt kvöld og
það er alltaf fullbókað, þetta er mjög
vinsælt meðal samtakanna,“ segir
Ania. Samtökin hafa einnig tekið þátt
í ýmsum samstarfsverkefnum í gegn-
um tíðina og hafa þau meðal annars
starfað með Borgarbókasafninu síð-
astliðin sex ár. Það samstarf kallast
Söguhringur kvenna og felst í því að
konur hittast og skiptast á sögum,
persónulegum eða bókmenntalegum.
Jafnframt er markmið samstarfsins
að konur deili menningarlegum bak-
grunni sínum með öðrum og er Sögu-
hringurinn kjörinn vettvangur til
þess. Samtökin eru einnig í samstarfi
við kvennasamtökin US-LT Alumni
Association í Litháen en þær eru að
vinna að heimildarmyndinni „Ethnic
Kitchen“. Þær fréttu af verkefninu
„Þjóðlegt eldhús“ og höfðu samband
við Samtökin í kjölfarið. Áætlað er að
Alltaf fullbókað
á eldhúskvöldin
Konurnar á bak við Samtök kvenna af erlendum uppruna, stunda öflugt félagslíf
sem felst meðal annars í eldhúskvöldum og kórastarfi ásamt því að bjóða upp á
ráðgjafaþjónustu. Í gær hlutu samtökin Jafnréttisviðurkenningu Jafnréttisráðs.
Dansað Mikil gleði og dans ríkir hjá konunum sem eru af ólíkum uppruna.
Þegar þú ferð í atvinnu-viðtal er (örugglega)þumalputtaregla að þúeigir að vera þokkalega
kurteis og ekki segja neitt sem
gæti misskilist eða komið illa við
þann sem íhugar að ráða þig í
vinnu. Sama má ætla að gildi um
leiguviðtöl, þar sem mögulegir
leigjendur eru kallaðir á fund
leigusala til að skoða íbúðina og
kanna hvort fólk eigi samleið.
Gegnum árin hefur mér þó tekist
að lenda ekki á verri stað í tilver-
unni en ég er á, án þess að fylgja
þessum venjum meira en ég nauð-
synlega þarf.
Ég fór á fund núverandi sam-
býlisfólks til að kanna hvort við
gætum komist að sam-
komulagi um hvort ég gæti
búið í herberginu, sem þá var
að losna, þann stutta tíma
sem ég dvel í þessari paradís
á jörðu sem Vínarborg er.
Fundurinn kom til með
mjög stuttum fyrirvara.
Tveimur tímum áður en
ég hitti Karin og Jo-
hannes, sat ég á
barnum á hostelinu
sem ég dvaldi á
fyrst um sinn, og
sendi eins og einn
vörubílsfarm af
tölvupóstum til
fólks sem bauð
herbergi til leigu.
Það sem á eftir fór
gæti verið atvik til
stuðnings kenningu
Mitchell og Webb um að
heimurinn væri miklu
betri ef allir væru allt-
af á rétt tæplega öðru
glasi.
Þannig arkaði ég til fundar við
þau á besta stað í 7. hverfi borgar-
innar, steinsnar frá öllu sem er
þess virði að heimsækja. Mér leist
ágætlega á herbergið, en hafði
nokkrar áhyggjur af því að ég var
langt því frá einn um hítuna.
Margir væru örugglega með
betri meðmæli frá vínskum
leigusölum eða tilbúnir að
þrífa eldhúsið hátt og lágt
vikulega.
Hæfilega vongóður reim-
aði ég aftur á mig skóna og
kvaddi með þeim orðum
að þau mættu alveg
búast við því að
það kæmu ekki
fleiri að skoða
herbergið, ég
myndi segja
herbergið þeg-
ar vera leigt,
og þeim sem
ekki tryðu
mér myndi ég
henda niður
stigahúsið. Af
fjórðu hæð.
»Það sem á eftir fórgæti verið atvik til
stuðnings kenningu
Mitchell og Webb um að
heimurinn væri miklu
betri ef allir væru alltaf
á rétt tæplega öðru glasi.
Heimur Gunnars Dofra
Gunnar Dofri
Ólafsson
gunnardofri@mbl.is