Morgunblaðið - Sunnudagur - 12.10.2014, Qupperneq 21

steinum og gulli. Þetta eru miklar gersemar. Þaðan lá leiðin í
annan sal þar sem voru sleðar og vagnar keisarafjölskyldunnar,
gríðarleg tæki, mikið skreytt, og svo var þar kjólasafn keis-
araynjanna í glerkössum. Sannarlega mikilfenglegt að skoða það
og eftirminnilegt. Mér fannst slæmt að ekki mátti taka myndir
nema á geimferðasafninu, en áttaði mig á því þegar ég kom út að
hægt var að kaupa leyfi til myndatöku þar. Biðröðin var hins
vegar svo löng að ég nennti ekki að fara í hana aftur …“
Stefán Jón er úr Hrísey og bjó lengi á Akureyri. „Ég starfaði
þar sem rafvirki en eftir að ég missti þáverandi eiginkonu mína
árið 1998 ákvað ég að fara til Ameríku og lærði þar flugvirkjun.
Ég var nýorðinn fimmtugur þegar ég lauk námi árið 2001. Var
því dálítið seinn í þessu.“ Hann starfaði fyrst hjá Atlanta, bæði í
Alsír og Sádi-Arabíu, en hefur unnið hjá Icelandair á Keflavík-
urflugvelli síðustu ár.
Stefán Jón segir ekkert að óttast í Moskvu og hann telji sig
mjög öruggan á ferð þar í borg. „Mér líður miklu betur í Moskvu
en víða annars staðar. Til að byrja með var ég að vísu dálítið
smeykur í umferðinni, sem er mjög mikil og menn keyra hratt,
en þegar ég kom aftur heim sýndist mér umferðin í Reykjavík
síst skárri eða jafnvel verri. Í Moskvu gefa menn þó að minnsta
kosti stefnuljós!“
Þessi gamla kona í miðborg Moskvu lék á balalækuna sína,
um leið og einhver setti pening í öskjuna hennar.
Eitt og annað minnti á jólin, m.a. þessi forláta ferðaklósett.
St. Basil dómkirkjan við Rauða torgið, séð af báti á ánni Moskvu. Húsið er reyndar ekki lengur notað sem kirkja heldur er þar safn.
Þjóðminjasafn Rússa sem stendur við Rauða torgið.Kotelnicheskaya við ána, eitt sjö þekktra háhýsa frá á Stalíntímanum.
Dómkirkja Krists frelsara í Moskvu. Þetta er hæsta réttrúnaðarkirkja í heimi. Horft að stjórnarbyggingunum innan Kremlarmúra af báti á ánni Moskvu.
Ljósmynd/Stefán Jón
12.10. 2014 MORGUNBLAÐIÐ SUNNUDAGUR 21