Morgunblaðið - Sunnudagur - 12.10.2014, Qupperneq 32

32 MORGUNBLAÐIÐ SUNNUDAGUR 12.10. 2014
Matur og drykkir
É
g hef ofsalega gaman af því að fá barnabörnin mín heim
til mín og ég hef sérstaklega gaman af því að elda fyrir
þau og hugsa vel út í hvað ég býð þeim upp á. Stundum
er ég með þau öll í mat án foreldra og svo auðvitað eru
foreldrar þeirra líka með. En við erum miklir félagar, förum í
leikhús saman og ég legg mikið upp úr því að hafa góða aðstöðu
hér heima, með sér leikherbergi fyrir þau með alls kyns leik-
föngum frá foreldrum þeirra og að þau hafi nóg leikefni,“ segir
Jóhanna Jóhannsdóttir, aðstoðarleikskólakennari.
Jóhanna segir sína reynslu að börn vilji gjarnan gamla góða og
einfalda íslenska heimilismatinn sem hún sjálf ólst upp við. „Ein-
faldleikinn slær í gegn hjá þeim og reyndar líka börnunum mín-
um í dag, þau kunna betur að meta þennan mat en þegar þau
voru að alast upp hjá mér svo að svona réttir eru gjarnan á boð-
stólum.“
Jóhanna er líka áhugasöm um hvernig mat börnin hennar á
leikskólanum fá og raunar fékk hún uppskriftina að Bessastaða-
fiskréttinum upphaflega hjá matráðnum á leikskólanum fyrir mjög
mörgum árum. „Börnunum á leikskólanum þótti alltaf svolítil hátíð
í bæ þegar þau vissu að það var Bessastaðafiskur í matinn. Ég
fékk uppskriftina hjá henni og síðan þá hefur þetta einnig verið
hátíðarmatur hjá mér og rétturinn tókst alveg sérstaklega vel í
boðinu.“
Boðið tókst ekki síður vel og Jóhanna segir að það hafi verið
afar gaman hjá þeim. „Mín kynslóð er svo mikið að sinna sínum
barnabörnum og mér finnst það svo skemmtilegt. Fólk gefur sér
tíma í þetta, það er gist og þetta verða vinir manns og félagar.
Ég var annars búin að ráðfæra mig við þau með matseðilinn og
bera undir þau forrétt og eftirrétt. Börnin vita fátt betra en
pönnukökur og kleinur. Ég passa alltaf að hafa ekki mat á boð-
stólum sem þau eru ekki spennt fyrir, ég vil að þau séu sátt og
södd,“ segir Jóhanna en það setti ákveðinn hátíðarbrag að borða
pönnukökurnar af mávastelli ömmu en stórfjölskyldan gaf henni
það í sextugsafmælisgjöf og vakti það mikla lukku.
Helena og Andrea Lapas gæða sér á Bessastaðafiski með tilheyrandi meðlæti.
ÞAU YNGSTU ERU GÓÐIR FÉLAGAR OG GESTIR
Barnabörnin
ákváðu
matseðilinn
* Mín kynslóð ersvo mikið aðsinna sínum barna-
börnum og mér finnst
það svo skemmtilegt.
Fólk gefur sér tíma í
þetta, það er gist og
þau verða vinir manns.
Barnabörnin með ömmunni frá vinstri:
Andréas Lapas, eins árs, Andrea Lapas,
12 ára, Helena Lapas, 5 ára, Margrét
Anna Vilhjálmsdóttir, 4 ára, og Jóhann
Þór Vilhjálmssson, 11 ára. Og auðvitað
amman í miðjunni; Jóhanna Jónsdóttir
aðstoðarleikskólakennari.
JÓHANNA JÓHANNSDÓTTIR AÐSTOÐARLEIKSKÓLAKENN-
ARI ER MIKIL AMMA OG HÉLT SANNKALLAÐ ÖMMUBOÐ Á
DÖGUNUM OG BAUÐ BARNABÖRNUNUM UPP Á ÞAÐ
BESTA SEM ÞAU VITA Í ÞRÍRÉTTAÐRI MÁLTÍÐ.
Júlía Margrét Alexandersdóttir julia@mbl.is
Fyrir 4
200 g reyktur lax
4 sneiðar gott heilhveitibrauð
3 egg
örlítið smjör
salt og pipar
Þessi forréttur er einfaldur og þægilegar þegar svangir munn-
ar bíða eftir matnum, til að seðja mesta hungrið.
Hrærið eggin saman og kryddið með salt og pipar eftir
smekk. Bræðið smjörið í potti og hellið hrærunni út í, hrærið í
með gaffli eða þeytara.
Berið eggjahræruna fram með ristuðu smurðu brauði og
leggið þunnar laxasneiðar ofan á.
Einfalt og fljótlegt í forrétt