Læknablaðið - 15.10.2001, Qupperneq 59

UMRÆÐA & FRÉTTIR / ÚTTEKT RÍKISENDURSKOÐUNAR
bréfi Ríkisendurskoðunar til undirritaðs var hótað
að stefna Læknasetrinu fyrir héraðsdóm til að fá
gögnin afhent. Vissulega væri gott fyrir þjóðfélagið
allt að fá úr því skorið hversu víðtækt valdsvið Ríkis-
endurskoðunar er. Við viljum ekki réttarfar eins og
var í Austur-Evrópu fyrir áratug síðan, að yfirvöldin
vaði yfir borgarana. Þessi krafa um gögn frá okkur
snerist ekki um neinn grun um saknæmt athæfi held-
ur fól eingöngu í sér persónunjósnir. Ríkisendur-
skoðun getur ekki verið þátttakandi í slíku athæfi.
Þessi deila er reyndar deila um mannréttindi og
mun þá fara í þann farveg.
Þessari skýrslu, sem reyndar er ómerkilegt plagg,
fullt af ágiskunum, ber að eyða sem fyrst. Hún er þó
skömminni skárri en skýrsla þeirra um ferliverk, sem
er eins og slúðurdálkur. Ef ríkisendurskoðandi ber
ekki meiri virðingu fyrir starfi sínu, hver ber þá ein-
hverja virðingu fyrir þessu embætti?
Nær væri Ríksendurskoðun að sinna starfi sínu
sem þeim er falið með lögum, að endurskoða fjár-
reiður ríkisfyrirtækja svo sem Þjóðleikhússins, held-
ur en að vera að eyða tíma sínum í að hnýsast í laun
lækna og þar með að brjóta Iög um meðferð persónu-
upplýsinga. Hefði stofnunin sinnt starfi sínu hefði
mátt fyrirbyggja ýmis óheillamál, sem þar komu upp.
Hvers vegna hefur enginn veitt því athygli að
ríkisendurskoðandi stóð sig ekki í stykkinu í endur-
skoðun ríkisfyrirtækja og verkefna, greiddra með
beinum fjárframlögum úr ríkssjóði (samanber lög um
Ríkisendurskoðun)?
Lög um persónuvernd gilda aftur á móti um alla
þegna þjóðfélagsins, líka lækna.
Ekki verður hjá því komist að gagnrýna heil-
brigðisráðuneytið vegna þessara lagabrota og fregnir
hafa borist af breytingum á almannatryggingalögum
sem leggja á fyrir næsta þing, þar sem ætlunin er að
afnema gildi samkeppnislaga í heilbrigðisþjónustu.
Önnur lög eiga að gilda um lækna en aðra þegna
þjóðfélagsins! Læknafélagið verður að svara slíkum
breytingum af fullri hörku, þótt það kosti blóð svita
og tár.
75. september 2001
Bréf stjórnar LÍ vegna úttektar Ríkisendurskoðunar
á launagreiðslum til lækna
Vegna úttektar Rikisendurskoðunar á launagreiðslum til
lækna bað Guðmundur Ingi Eyjólfsson stjórn Læknafélags ís-
lands að athuga lögmæti þess að stofnunin færi fram á upplýsingar
um greiðslur til lækna sem unnu fyrir Læknasetrið og Rannsókna-
stofuna í Mjódd. Stjórn LI fjallaði um málið 18. september og
sendi síðan eftirfarandi bréf til Jóns Kristjánssonar heilbrigðis- og
tryggingamálaráðherra, Halldórs Blöndal forseta Alþingis og
Sigurðar Þórðarsonar ríkisendurskoðanda:
„í inngangi að skýrslu sem Ríkisendurskoðun gaf út í júlí í sumar
um greiðslur opinberra aðila til lækna á árinu 2000 kemur fram að
tilefni hennar hafi verið ósk heilbrigðis- og tryggingamálaráðu-
neytisins um að stofnunin gerði sérstaka úttekt á heildarfyrir-
komulagi launagreiðslna til lækna. Ríkisendurskoðun hafi orðið
við þessu erindi ráðuneytisins en stofnunin gerði samskonar út-
tekt árið 1993 að ósk ráðuneytisins.
Tekjur lækna koma að langmestu leyti úr ríkissjóði, sem launa-
greiðslur á sjúkrastofnunum og heilsugæslustöðvum og sam-
kvæmt reikningum til Tryggingastofnunar ríkisins á grundvelli
samninga sérfræðilækna við stofnunina. Heildarkostnaður ríkis-
sjóðs að þessu leyti er þekktur og áætlaður í fjárlögum hvers árs.
Úttekt Ríkisendurskoðunar á heildarfyrirkomulagi launa-
greiðslna til lækna var vinnsla persónuupplýsinga um einkamál-
efni einstakra lækna, þar sem tekjur lækna voru sundurliðaðar á
kennitölu þeirra, eftir sérgreinum, milli sjúkrastofnana og hvernig
laun lækna skiptast eftir starfstöðvum þeirra. Vafasamt er að það
standist lög að læknar ein starfstétta í landinu sæti þannig sérstakri
persónugreinanlegri skoðun og eftirliti Ríkisendurskoðunar eftir
hentisemi framkvæmdavaldsins.
Verkefni Ríkisendurskoðunar eru skilgreind í lögum. Þar sem
Ríkisendurskoðun upplýsir að umrædd úttekt hafi verið unnin að
beiðni heilbrigðis- og tryggingamálaráðuneytisins vakna efasemd-
ir um að hún hafi verið unnin vegna verkefna sem Ríkisendur-
skoðun eru falin í lögum.
Persónuvernd hefur tekið þá afstöðu til erindis, sem félagsmaður
í Læknafélagi Islands vísaði til Persónuverndar vegna þessarar út-
tektar, að falli umrædd úttekt á tekjum lækna utan þeirra verkefna
sem Ríkisendurskoðun eru falin með lögum um Ríkisendurskoðun,
þá sé rökstuðningur Ríkisendurskoðunar fyrir vinnslunni ófull-
nægjandi með vísan til laga um Persónuvernd og meðferð persónu-
upplýsinga. Því er nauðsynlegt að vafa um lögmæti úttektar á tekj-
um einstakra lækna verði aflétt með því að Ríkisendurskoðun leiti
úrskurðar héraðsdóms skv. lögum um Ríkisendurskoðun, um
ágreining sem uppi er við fyrrgreindan félagsmann í Læknafélagi
íslands varðandi skoðunarheimild stofnunarinnar skv. lögum.
Stjórn Læknafélags íslands leggur áherslu á það gagnvart heil-
brigðis- og tryggingamálaráðuneytinu og Ríkisendurskoðun, sem
starfar á vegum Alþingis, að vafa um lögmæti hinnar sérstöku út-
tektar á heildarfyrirkomulagi launagreiðslna til einstakra lækna
að beiðni heilbrigðis- og tryggingamálaráðuneytisins verði eytt.
Kópavogi 18. september, 2001.
Virðingarfyllst f.h. stjórnar Læknafélags íslands
Sigurbjörn Sveinsson formaður“
Læknablaðið 2001/87 823