Læknablaðið - 15.10.2001, Síða 63

UMRÆÐA & FRÉTTIR / FRÁ SÓTTVARNALÆKNI
vörnum Evrópusambandsins sem byggjast á laga-
setningu sambandsins (Decision 2119/98/EG). Sam-
kvæmt þessum lögum skal koma á farsóttaskrá sam-
bandsins, samræma sjúkdómsskilgreiningar og
ákvarða hvaða sjúkdóma skuli tilkynna. Farsóttaskrá
þessi verður grunnur viðvörunarkerfis og sóttvarna-
ráðstafana Evrópusambandsins. Um þessar mundir
er unnið að því að koma skránni á laggirnar og eru
væntanlegar íslenskar skilgreiningar á sjúkdómstil-
fellum sem eru tilkynningarskyld. Vakin skal athygli
á því að þegar tilkynnt er um smitsjúkdóm á alþjóð-
legum vettvangi er persónuauðkenna aldrei getið.
Haraldur Briem
SÓTTVARNALÆKNIR
Viðauki 1
Reglugerð nr. 221/2001
um bólusetningar á íslandi
l.gr.
Reglugerð þessi tekur til bólusetninga (ónæmisaðgerða) og fram-
kvæmdar þeirra á íslandi. Allar bólusetningar skal skrá. Sóttvarna-
læknir er ábyrgur fyrir því að halda skrá um bólusetningar. Sótt-
vamalæknir skipuleggur og samræmir bólusetningar um land allt.
2. gr. Bólusetningar barna
Bólusetningum barna er ætlað að verja böm gegn alvarlegum
smitsjúkdómum. Bömum með lögheimili hér á landi skal boðin
bólusetning gegn eftirtöldum sjúkdómum þeim að kostnaðarlausu:
1. barnaveiki
2. hettusótt
3. H. influenzae b sjúkdómi
4. kikhósta
5. mænusótt
6. mislingum
7. rauðum hundum
8. stífkrampa
3. gr. Bólusetningar fullorðinna
Bólusetningum fullorðinna er ætlað að viðhaida endingu barna-
bólusetninga eða bæta slíka bólusetningu hafi hún ekki verið gerð
á barnsaldri. Skal fullorðnum gefinn kostur á bólusetningum gegn
eftirtöldum sjúkdómum:
1. stífkrampa
2. barnaveiki
3. lömunarveiki
Öllum sem eru 60 ára að aldri eða eldri eða eru í sérstökum
áhættuhópum skal gefinn kostur á bólusetningum gegn eftirtöld-
um sjúkdómum:
1. inflúensu
2. pneumókokkasýkingum
Greiðsluhlutdeild fullorðinna samkvæmt þessari grein skal fylgja
lögum og reglugerðum um almannatryggingar.
4. gr. Aðrar bólusetningar
Bólusetningar vegna opinberra sóttvarnaráðstafana skv. 12. gr.
sóttvarnalaga þegar hætta er á alvarlegum farsóttum vegna eftir-
talinna sjúkdóma eða þegar sérstök smithætta er fyrir hendi innan
lands skal vera mönnum að kostnaðarlausu:
1. berklaveiki
2. lifrarbólgu A
3. lifrarbólgu B
4. meningókokka sjúkdómi
5. öðrum sjúkdómum sem unnt er og brýnt að beita virkri bólu-
setningu gegn.
5. gr.
Gefa skal kost á bólusetningum, sem hinn bólusetti greiðir sjálfur
fyrir, gegn viðeigandi sjúkdómum vegna ferða fólks úr landi.
6. gr.
Bólusetningar samkvæmt þessari reglugerð annast heilsugæslu-
stöðvar eða aðrir þeir sem sóttvarnalæknir ákveður að geti haft þær
með höndum. Sóttvarnalæknir skal bjóða út innkaup á bóluefnum.
7. gr.
Heilsugæslustöðvar skulu í samráði við sóttvarnalækni gera al-
menningi kunnugt, hvernig bólusetningum er hagað.
8. gr.
Sóttvamalæknir lætur heilsugæslustöðvum í té sérstakt skírteini sem
afhent eru þeim sem bólusettir eru. Skal skrá í skírteinið allar bólu-
setningar sem viðkomandi gengst undir samkvæmt reglugerð þessari.
9. gr.
Sá sem bólusetur skal skrá bólusetninguna í sjúkraskrá. Par skal
koma fram hvaða bóluefni var gefið, hvenær það var gefið og
hvort aukaverkanir hlutust af. Ef ekki er bólusett skv. 2. gr. skai
skrá ástæðu þess.
10. gr.
Heilsugæslustöðvar, og aðrir þeir sem sem bóiusetja skulu senda
sóttvarnalækni skýrslur um þær, sbr. 1 gr., a.m.k. árlega eða oftar
samkvæmt ákvörðun hans. Senda skal sóttvarnalækni tilkynningar
um hver var bólusettur, með hvaða bóluefni og hvenær, skv. 2. gr.
eða samkvæmt nánari ákvörðun sóttvarnalæknis. Tilkynna skal um
aukaverkanir bólusetningar samkvæmt ákvörðun sóttvarnalæknis.
11. gr.
Reglugerð þessi, sem sett er með stoð í 18. gr„ sbr. 17. gr„ sótt-
varnalaga nr. 19/1997, með síðari breytingu, öðlast þegar gildi.
Heilbrigðis- og tryggingamálaráðuneytimi,
9. mars 2001.
Ingibjörg Pálmadóttir
Davíð Á. Gwmarsson
Læknablaðið 2001/87 827