Þjóðlíf - 01.04.1988, Qupperneq 45

VIÐSKIPTI
Gegn hvalveiðum
íslendinga
Miklir hagsmunir í húfi.
Er ástœða til þess að óttast
aðgerðir Grœnfriðunga í Bretlandi?
Víðtækar aðgerðir Grænfriðunga í Bretlandi skaða ekki einungis
viðskiptahagsmuni íslendinga heldur koma þær breskri fiskvinnslu
illa. Aðgerðirnar felast í undirskriftaherferð, auglýsingum með
áskorunum til almennings um að kaupa ekki íslenskan fisk. Reiknað
er með að þessar aðgerðir geti staðið í tvö ár en áhrifin gætu varað
mun lengur. Gænfriðungar njóta samúðar almennings, hafa góð
sambönd við fjölmiðla og virðast hafa úr nægu fjármagni að spila.
Munu bresk stjórnvöld þrýsta á íslensk um að leggja niður hvalveið-
ar? Rök íslenskra stjórnvalda í hvalveiðimálinu eru kölluð „smá-
smuguleg“ og ,,kreddufull“.
Grænfriöungar í Bretlandi hófu aögerðir sín-
ar í byrjun febrúar. Gríðarstórt auglýsinga-
spjald var sett upp við eina af fjölförnustu
götum Lundúnaborgar. Fjórum vikum síðar
var það spjald horfíð en þá voru samskonar
spjöld sett upp víða í 8 stærstu borgum Bret-
lands.
Á þessum spjöldum var skorað á fólk að
kaupa ekki fisk af íslendingum vegna þess að
þeir veiddu hvali. Á sama tíma sendu
Grænfriðungar bréf til Tesco-verslunarkeðj-
unnar, sem er stærst sinnar tegundar í Bret-
landi, og Bird’s Eye, fískframleiðslufyrir-
tækisins. í bréfínu greina Grænfriðungar frá
að þeir ætli að nefna opinberlega þessi tvö
fyrirtæki og biðja almenning um að snið-
ganga þau, nema þau hætti viðskiptum sín-
um við íslendinga. Þessar aðgerðir fengu
talsverða umfjöllun fjölmiðla í Bretlandi,
einkum í morgunútvarpi á Rás 4 í breska
ríkisútvarpinu, BBC. í þessum þáttum kom
strax fram skýr afstaða bresku fyrirtækjanna
um að þau létu ekki undan viðskiptajsving-
unum af þessu tagi.
Undirskriftaherferð
í lok mars hófu Grænfriðungar síðan að-
gerðir við Tescoverslanir vítt og breitt um
land, — á samtals 73 stöðum í Englandi,
Skotlandi og Wales. Par dreifðu þeir límmið-
um með áskorunum til fólks um að kaupa
ekki íslenskan fisk. Þeir dreifðu einnig póst-
kortum sem viðskiptavinir verslananna áttu
að undirrita og senda verslunarstjórum. Á
kortunum var yfirjýsing þess efnis að við-
komandi viðskiptavinur ætlaði ekki að
kaupa fisk í Tesco-verslunum á meðan ein-
hver hætta væri á að sá fiskur hefði verið
veiddur af íslendingum.
Samtímis söfnuðu Grænfriðungar undir-
skriftum undir áskorun til íslenskra stjórn-
valda um að hætta hvalveiðum og á fyrsta
degi söfnuðust þúsundir undirskrifta. Auk
þessara aðgerða og áróðursspjalda hafa allt
frá upphafi birst öðru hvoru auglýsingar á
forsíðum allra helstu blaða í Bretlandi frá
Grænfriðungum þar sem þeir ítreka boðskap
sinn og áskoranir.
Grænfriðungar láta ekki í té upplýsingar
um framtíðaráform sín. Ekki er t.d. víst
þegar þetta er skrifað hvort undirskriftalist-
arnir verða afhentir sendiherra íslands í
Lundúnum um miðjan maí eins og í fyrstu
var áætlað. Hins vegar er ljóst að þeir verða á
hverjum laugardegi við Tesco-verslanir vítt
og breitt um Bretland með undirskriftalista,
Iímmiða og póstkort.
Kunnáttumenn
í áróðri
Þessar aðferðir eru úthugsaðar og það má
45