Læknablaðið : fylgirit - 01.04.2007, Blaðsíða 3

UtprOO^
Míl
Læknablaðið
THE iCELANDiC MEDICAL IOURNAL
www. laeknabladid. is
Vísindi á Landspítala-
háskólasjúkrahúsi 2007
Ágrip vísindaverkefna þeirra, sem kynnt eru á vísindadögum Landspítala 2007, eru nú birt
í samvinnu við Læknablaðið í fyrsta sinn. Tilgangurinn er að auka dreifingu og gefa fleirum
tækifæri til að fylgjast með þeirri vísindavirkni sem fram fer á spítalanum.
Að þessu sinni hefur ágripum fjölgað og losa þau nú hundraðið. Er það nánast tvöföldun frá
síðustu árum.
Það er sama hvert litið er, alls staðar eru merki vaxandi grósku í vísindarannsóknum í
heilbrigðisvísindum. Á það ekki hvað síst við á Landspítala. Ný tækifæri blasa við, en jafnframt
mikið verk að vinna.
Endurskoðuð vísindastefna spítalans er nú tilbúin og er sett fram á skýran og hnitmiðaðan
hátt. Það markmið að verja skuli sem nemur 3% af rekstrarútgjöldum til vísindarannsókna á
háskólasjúkrahúsinu er metnaðarfullt og alls ekki óraunhæft. Helmingur þess fjár á að renna í
Vísindasjóð spítalans. Samkvæmt kostnaðargreiningu, sem gerð var á síðasta ári, er þetta um
það bil tvöföldun á opinberu framlagi spítalans til vísindastarfa. Auk þess er markmiðið að
vísindamenn spítalans afli samsvarandi fjárhæðar til vísindastarfa frá öðrum aðilum. Áhersla er
lögð á úthlutun styrkja á samkeppnisgrunni. Þá er markmiðið að fyrir 2012 verði spítalinn meðal
fimm bestu háskólasjúkrahúsa á Norðurlöndum hvað rannsóknir varðar.
Á sama tíma hefur Háskóli íslands sett sér markmið um að ná í hóp 100 bestu háskóla í heimi
og því hefur fylgt umtalsvert fjármagn frá menntamálaráðuneytinu. Þegar litið er til þess að á
undanförnum árum hefur Landspítali átt um þriðjung af öllum ISI greinum sem birtar eru frá
íslandi er ljóst að þarna er ekki bara tækifæri fyrir spítalann til að sækja aukið fé til rannsókna,
heldur er Landspítalinn ómissandi þátttakandi að því markmiði Háskóla íslands að komast í hóp
100 bestu.
Stöðugt birtast nýjar kannanir sem sýna glæsta frammistöðu íslenskra vísindamanna á
heilbrigðissviði. Nýbirt er OECD skýrsla sem Finnar létu gera fyrir sig um stöðu vísinda með
áherslu á fjölda birtra ISI greina og fjölda tilvitnana og enn á ný eru íslenskir heilbrigðisstarfsmenn
meðal fjögurra efstu hvað þetta varðar.
Þessu hafa yfirvöld tekið eftir og ánægjulegt er að geta þess að stofnuð hefur verið
nefnd á vegum ríkisstjórnarinnar með fulltrúum þriggja ráðuneyta; heilbrigðis-, iðnaðar- og
menntamálaráðuneytis ásamt fulltrúa frá samtökum atvinnulífsins og fulltrúa LSH. Nefndinni
er ætlað að finna leiðir til að styrkja enn frekar rannsóknir í heilbrigðisvísindum er leitt gætu til
nýsköpunar og útrásar.
Þá hefur frammistaða vísindamanna spítalans m.a. orðið til þess að fengist hafa fleiri og betri
styrkir úr samkeppnissjóðum, innlendum sem erlendum og ýmis fyrirtæki hafa litið til Landspítala
um samstarf við hagnýtingu rannsóknarniðurstaðna. Hið sama á við um erlenda vísindamenn sem
sækjast eftir rannsóknarsamstarfi.
í lögunum eru einnig opnaðir möguleikar á miklu víðtækari samvinnu en verið hefur við
utanaðkomandi aðila, m.a. í vísindarannsóknum. Það er eitt af aðalsmerkjum háskólaspítala
að saman fléttist kennsla, vísindi og þjónusta þar sem allir þættir styrkja hver annan. Háskóla-
spítalinn hefur enn fremur fest í sessi með nýjum heilbrigðislögum og skilgreiningu á stöðu
spítalans sem háskólasjúkrahúss.
Öll þessi tækifæri krefjast þess hins vegar að spítalinn búi sig undir að efla innviði sem geti
hjálpað starfsmönnum að nýta þessi tækifæri, skapa þeim sem besta aðstöðu og veita þeim eins
góða aðstoð og kostur er við þær bráðabirgða aðstæður sem búa verður við þar til aðstaða batnar
stórlega í nýrri háskólasjúkrahúsbyggingu.
Spítalinn er stoltur af þeirri vísindavirkni sem þetta blað ber vitni um. Hér eru góðir
hlutir að gerast og ég óska vísindamönnum Landspítala og Háskóla íslands til hamingju með
frammistöðuna.
Fylgirit 54, 93. árg. Apríl 2007
Aðsetur
Hlíðasmári 8, 201 Kópavogi
Útgefandi
Læknafélag íslands
Læknafélag Reykjavíkur
Símar
Læknafélög: 564 4100
Læknablaðið: 564 4104
Bréfsími (fax): 564 4106
Ritstjórn
Jóhannes Bjömsson,
ábm. og ritstjóri
Bryndís Benediktsdóttir
Engilbert Sigurðsson
Karl Andersen
Tómas Guðbjartsson
Þóra Steingrímsdóttir
Ritstjórnarfulltrúi
Védís Skarphéðinsdóttir
vedis@lis.is
Blaðamaður
Hávar Sigurjónsson
havar@lis.is
Umbrot
Sævar Guðbjörnsson
saevar@lis.is
Auglýsingastjóri og ritari
Dögg Árnadóttir
dogg@lis.is
Upplag
2.100
Áskrift
6.840,- m. vsk.
Lausasala
700,- m. vsk.
© Læknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né í heild án leyfis.
Prentun, bókband og pökkun
(slandsprent ehf.
Steinhellu 10
221 Hafnarfirði
ISSN: 0254-1394
Kristján Erlendsson
framkvœmdastjóri kennslu, vísinda og þróunar á LSH
og varadeildarforseti lœknadeildar Háskóla Islands
Læknablaðið/
Fylgirit 54 2007/93