Læknablaðið : fylgirit - 01.04.2007, Blaðsíða 47

AGRIP VEGGSPJALDA / VISINDI A VORDÖGUM
g/L m.v. [IgA] =2,11 ± 1,04 g/L; p<0,001). Hins vegar fannst
álíka kynjamunur á styrk IgA í sermi hjá blóðgjöfum. Styrkur
IgA hækkaði marktækt með aldri hjá einstaklingum með
ofstarfsemi á skjaldkirtli (p<0,01) og svipaða fylgni mátti sjá hjá
blóðgjafahópnum. Neikvæð fylgni reyndist vera milli styrks IgA
og TRAb (correlation coefficient = -0.322, p=0,0455) og einnig
milli styrks IgA og antiTPO í sermi (correlation coefficient =
-0,376, p=0,0204).
Ályktun: Af þessum niðurstöðum má draga þá ályktun að
algengi IgA skorts sé ekki aukið hjá einstaklingum með
ofstarfsemi á skjaldkirtli á íslandi. Neikvæð fylgni IgA við styrk
sjálfsmótefna gegn skjaldkirtli bendir til hugsanlegs hlutverks
IgA í meingerð sjálfsofnæmissjúkdóma í skjaldkirtli.
V 87 Ónæmisglæðirinn DC-Chol eykur ónæmissvar
nýburamúsa gegn próteintengdum pneumókokkafjölsykrum
og vernd gegn pneumókokkasýkingum
Brcnda C. Adarna1-2, Hávard Jakobsen1-2, Stefanía P. Bjarnarson1'2, Jean
Haensler’, Emanuelle Trannoy3, Ingileif Jónsdóttir1-2
‘Ónæmisfræðideild Landspítala, ’læknadeild HÍ, ’sanofi pasteur, Marcy
I'Etolie, Frakklandi
brenda@landspitali.is
Inngangur: Ónæmisglæðirinn DC-Chol, eykur blandað Thl/Th2
svar gegn ýmsum bóluefnum í fullorðnum músum. Ónæmissvör
nýbura eru hæg og dauf og þörf fyrir örugga og öfluga
ónæmisglæða til að auka ónæmissvörun nýbura. Markmið
rannsóknarinnar var að kanna áhrif DC-Chol á ónæmissvar
nýburamúsa gegn próteintengdum pneumókokkafjölsykrum
(Pnc-TT).
Aðferðir: Fullorðnar mýs og nýburamýs (einnar viku gamlar)
voru bólusettar tvisvar sinnum undir húð með 0,5 pg af Pnc-
TT með/án DC-Chol. Fjölsykrusértæk mótefni í sermi voru
mæld með ELISA. Tveim vikum eftir seinni bólusetningu voru
mýsnar voru sýktar um nef með pneumókokkum (106 CFU) og
fjöldi pneumókokka í blóði og lungum (CFU/mL) talinn.
Niðurstöður: Bólusetning fullorðinna og nýburamúsa með Pnc-
TT með og án DC-Chol olli marktækri hækkun á sérstækum
mótefnum, miðað við óbólusettar mýs (p<0,001). Ef DC-Chol
var gefið með Pnc-TT jókst mótefnasvörun í fullorðnum
(p<0,001) og nýburamúsum (p=0,017) miðað við Pnc-TT eitt og
sér. í nýburamúsum olli DC-Chol aukningu á IgGl (p=0,013),
IgG2a (p<0,001), IgG2b (p=0,001) og IgG3 (p=0,003),
sem endurspeglar aukna virkni bæði Thl og Th2-frumna. I
fullorðnum músum var aukningin aðeins marktæk fyrir IgG2a
(p=0,004) og IgG3 (p=0,005), en IgGl og IgG2b voru þegar há
eftir bólusetningu með Pnc-TT án ónæmisglæðis.
Bólusetning fullorðinna músa með Pnc-TT, með eða án DC-
Chol, veitti fullkomna vernd gegn blóðsýkingu og bólusetning
nýburamúsa dró marktækt úr blóðsýkingu (p<0,001) og þær sem
fengu DC-Chol voru algerlega verndaðar. Bæði í nýburamúsum
og fullorðnum dró bólusetningin úr lungnasýkingu (p<0,001).
Ályktun: Þessi rannsókn er sú fyrsta til að sýna virkni DC-Chol
í nýburamúsum, en samfara aukinni mótefnamyndun fékkst
stóraukin vernd gegn pneumókokkasjúkdómi. DC-Chol virðist
ákjósanlegur ónæmisglæðir fyrir nýbura.
V 88 Notkun eitraðra einstofna mótefna til að kanna
hlutdeild einstakra frumutegunda í meinmyndun sóra
(psoriasis)
Jóhann E. Guöjónsson1, Johnston A2, Helgi Valdimarsson2, Elder JT1J
‘Department of Dermatology, University of Michigan Medical Center, Ann
Arbor, MI, Bandaríkunum, 2ónæmisfræðideild, Landspítala, 3Ann Arbor
Veterans Affairs Health System, Ann Arbor, MI, Bandaríkjunum
andrewj@landspitali. is
Inngangur: Flestir eru núorðið sammála um að sóri sé
sjálfsofnæmissjúkdómur sem er miðlaður af T eitilfrumum. Hins
vegar eru skiptar skoðanir um hlutfallslegt mikilvægi CD4+ og
CD8+ T frumna í my ndun sóraútbrota. Birtar niðurstöður benda
til þess að CD4+ T frumur séu nauðsynlegar til þess að útbrotin
myndist. Hins vegar eru langflestar þeirra T frumna sem eru í
yfirhúð sóraútbrota fáklóna (oligoclonal) CD8+ T frumur. Með
sértækri eyðingu CD8+T frumna úr sóraskellum sem þegar hafa
myndast, eða eru i þann veginn að brjótast út, má fá hugmynd
um mikilvægi þeirra i meinmyndun sjúkdómsins.
Efniviður og aðferðir: Húð með sóraskellum var grædd á
mýs sem hafa engar T, B eða virkar NK frumur (NOD/SCID/
7Cnu")- Mýsnar voru síðan ýmist sprautaðar með saltvatni,
óeiturtengdum eða eitur(saporin)tengdum mótefnum gegn
CD8+ T frumum.
Niðurstöður: Eiturtengda mótefnið reyndist einvörðungu
drepa CD8+ T frumur þegar því var bætt út í in vitro ræktir
hnattkjarna hvítfruma sem einangraðar voru úr blóði (PBMCs).
Jafnframt hurfu sóraútbrotin alveg eða að mestu leyti úr
græðlingum músa sem gefið var eiturtengda mótefnið gegn
CD8+ T frumum, en héldust óbreytt hjá þeim sem fengu
saltvatn eða eitur(saporin)tengt viðmiðunarmótefni (isotype
control). Jafnframt kom í ljós með ónæmislitun að engar CD8+
T frumur voru greinanlegar i græðlingum þeirra músa sem fengu
eiturtengda mótefnið en þessar frumur voru ennþá til staðar i
græðlingum viðmiðunarmúsanna.
Ályktanir: Ofangreint músamódel er nothæft til að kanna þætti
sem orsaka sóraútbrot og þar með lyf sem geta eytt slíkum
útbrotum eða komið í veg fyrir þau. Ennfremur virðast CD8+ T
frumur gegna lykil hlutverki í myndun sóraútbrota.
V 89 Börn sem fá ífarandi pneumókokkasjúkdóm hafa
lægri mótefni gegn meinvirknipróteinum pneumókokka en
jafnaldrar þeirra sem bera pneumókokka í nefkoki
Ingilcif Jónsdóttir12, Gunnhildur Ingólfsdóttir1, James C. Paton3, Karl G.
Kristinsson2-4, Pórólfur Guðnason5
'Ónæmisfræöideild Landspítala, 2læknadeild HÍ, 3háskólanum í Adelaide,
Ástralíu, Jsýkladeild Landspítala 5landlæknisembættinu Reykjavík
ingileif@landspitali.is
Inngangur: Unnið er að þróun breiðvirkra próteinbóluefna
gegn pneumókokkasjúkdómi og hafa meðal annars
meinvirknipróteinin CbpA, Ply, PsaA og PspA verið prófuð í
dýrum, en leitað er að nýjum próteinum til að nota í bóluefni.
Markmið rannsóknarinnar var að greina ónæmisfræðilega
þætti sem tengjast áhættu á ífarandi pneumókokkasjúkdómi í
börnum.
Læknablaðið/fylgirit 54 2007/93 47