Frjáls verslun - 01.05.2011, Side 30

30 FRJÁLS VERSLUN 5.tbl.2011
„Ég upplifi Ernu fyrst og fremst sem skynsama
og jarðbundna,“ segir Atli Rúnar Halldórsson,
ráðgjafi hjá Athygli. „Það er eiginleiki sem hent­
ar afskaplega vel í blaða­ og fréttamennsku og
líka í starfinu hennar núna.“ Erna og Atli Rúnar
unnu saman á Alþýðublaðinu og hjá Ríkisútvarp­
inu á sínum tíma.
„Þeir eiginleikar sem ég tók eftir þegar hún
var í sjónvarpinu var að hún otaði ekki sjálfri
sér fram; hún hafði lag á því að vera sjálf í bak­
grunninum. Henni fannst hún sjálf vera algjört
aukaatriði og það eiga blaða­ og fréttamenn
einmitt að hafa í huga, ekki síst þeir sem hafa
með sjónvarpsskjá að gera.“ Atli Rúnar segir
að Erna sé ljúf, þægileg í umgengni og býsna
skemmti leg í partíum líka. „Erna er mannleg; það
er klisju kennt að segja það en hún hefur sterka og
þægi lega nærveru og hún er klár. Stundum hefði
hún mátt vera ögn grimmari í fréttamennskunni og
byrsta sig meira en slíkt er bara ekki hennar stæll.“
(Erna er varamaður í stjórn Samtaka
álframleiðenda á Íslandi.)
Skynsöm og jarðbundin
Erna Indriðadóttir, framkvæmdastjóri hjá Alcoa­Fjarðaáli
Atli Rúnar Halldórsson, ráðgjafi hjá Athygli.
„Ég hef þekkt Hrefnu í
tíu ár og á þeim tíma hef
ég séð hana á margan
hátt; sem vin, stjórnanda,
fjöl skyldumanneskju og
nú sem verðandi móður,“
segir Ívar Unnsteinsson,
yfirmatreiðslu maður á
Fiskmarkaðnum. Hann
segir að Hrefna sé brosmild,
komi öðrum til að hlæja
og sé góður vinur. „Hún
heldur iðulega matarboð
fyrir vini sína sem enda
oftast í stórum „rockstar­
partíum“.“ Hvað varðar
Hrefnu sem stjórnanda
segir Ívar að hún sé allt
í öllu og alltaf að gera
eitthvað. „Hún er góður
stjórnandi, er skipulögð og
hefur góða stjórn á þeim
málum sem hún sér um á
Fiskmarkaðnum. Hún er
hugmyndarík og ófeimin
að koma hugmyndum
sínum á framfæri. Það er
gott að eiga samskipti við
hana, hún gefur sér tíma
til að hlusta á aðra, hún
leyfir öðrum að koma með
hugmyndir og nýtir annarra
manna hugmyndir.“
Er allt í öllu
Hrefna Rósa Jóhannesdóttir
Sætran, eigandi Fiskmarkaðarins
Ívar Unnsteinsson, yfirmatreiðslu maður
á Fiskmarkaðnum.
„Það var í raun og veru ekki
fyrr en fyrir fimmtán árum
sem leiðir okkar lágu saman
í ákveðnu verki þar sem við
kynntumst vel og bundumst
traustum og góðum vináttu­
böndum,“ segir Pétur
Kr. Hafstein, fyrrverandi
hæsta réttardómari, um Þór­
unni J. Hafstein en þau eru
bræðra börn.
„Þórunn er afskaplega
hjartahlý og umhyggju­
söm. Hún er traust í
öllum samskiptum og
fork ur dugleg. Við áttum
marg vísleg samskipti á
meðan hún var settur
ráðu neytisstjóri í dóms­ og
kirkju málaráðuneytinu og
síðar dómsmála­ og mann­
réttindaráðuneytinu en
ég þurfti stundum að hafa
samband við ráðuneytið
sem forseti kirkjuþings. Hún
leysti fljótt og vel úr öllum
málum sem ég beindi til
hennar. Það er gott að bera
undir hana álitaefni en
mér finnst áberandi þáttur
í fari hennar hversu góða
hæfileika hún hefur til þess
að greina kjarna frá hismi,
hversu heilbrigða og skarpa
dómgreind hún hefur. Þá
hef ég oft orðið var við það
hversu auðvelt hún á með
öll mannleg samskipti auk
þess sem hún er einstaklega
skemmtileg.“
(Þórunn er í viðræðunefnd
ríkisstjórnarinnar um grann­
ríkjasamstarf í öryggis­ og
varnarmálum, hún er formaður
stýrihóps um kaup á langdræg­
um björgunarþyrlum fyrir
Lands helgis gæslu Íslands, hún
er formaður stýrihóps um undir­
búning stefnu almannavarna­ og
öryggismálaráðs, formaður stjórn­
ar menningarsjóðs Innheimtu­
miðstöðvar gjalda og hún er í
stjórn klúbbsins Geysis.)
traust og hjartahlý
Þórunn J. Hafstein, skrifstofustjóri
í innanríkisráðuneytinu
Pétur Kr. Hafstein, fyrrverandi hæsta réttardómari.
„Þá hef ég
oft orðið
var við það
hversu
auðvelt hún
á með öll
mannleg
sam skipti
auk þess
sem hún er
ein staklega
skemmti­
leg.“