Frjáls verslun - 01.05.2011, Síða 106

106 FRJÁLS VERSLUN 5.tbl.2011
jafnréttisstEfna fyrirtækja
Við teljum okkur hafa náð ágætum árangri í að jafna hlut karla og kvenna í stjórnunarstörfum hjá
okkur, þótt við séum ekki komin alla leið.
Endurskoð endastéttin var í eina tíð dæmi­
gerð karlastétt, þannig að það er viðbúið að
það taki nokkurn tíma að koma á jöfnuði
innan hennar,“ segir Anna Þórðardótt­
ir, hluthafi og stjórnarmaður hjá KPMG.
KPMG er leiðandi þekkingarfyrir tæki sem
býður þjónustu á þremur sviðum; endur­
skoðunarsviði, skatta sviði og fyrirtækja­
sviði. Um 240 manns starfa hjá fyrirtækinu
á Íslandi á 11 skrif stofum og starfsstöðv­
um vítt og breitt um landið. Hluthafar
fyrirtækisins eru 32 en þar af eru 10 konur.
Í starfsmanna stefnu fyrirtækisins er kveðið
á um jafnan rétt kynjanna á öllum sviðum
og er það í samræmi við alþjóðlega stefnu
KPMG þar sem fram kemur að hlutfall
hluthafa innan fyrirtækisins skuli vera
sem jafnast og hlutfall kvenna að lágmarki
25%. Fram kemur í jafnréttisstefnu KPMG
að jafn réttis sé gætt milli kvenna og karla,
hver starfsmaður sé metinn á eigin for ­
sendum og fyllsta jafnræðis gætt milli
allra starfsmanna. Með því móti hyggist
fyrirtækið stuðla að tryggð, góðum starfs­
anda og jákvæðum viðhorf um starfs­
manna til heilla bæði fyrir þá og starfsemi
félagsins.
Ímynd endurSkoðandanS ekki
lengur karllæg
Auður Ósk Þórisdóttir, hluthafi og sviðs­
stjóri endurskoðunarsviðs KPMG, bendir
á að hlutfall kvenna í hópi hluthafa hjá
KPMG Íslandi sé 30% og hlutfall kvenna í
hópi löggiltra endurskoðenda hjá KPMG
sé 40%, „og er mun hærra en hjá sambæri­
legum fyrirtækjum hér á landi og töluvert
hærra en hjá flestum skrifstofum KPMG í
nágrannalöndum okkar,“ segir hún. „Árang­
ur okkar í því að jafna hlut kynjanna hef ur
stundum komið til tals í samtölum við
kollega okkar erlendis og fram hefur komið
það sjónarmið að konur hrökklist úr þess­
um störfum sökum þess hversu krefjandi
þau eru og vinnuálag mikið.“ Anna kveðst
hafa velt því fyrir sér hvers vegna hlutfall
kvenna sem hluthafa, og eða í hópi lög­
giltra endurskoðenda, sé hærra hjá KPMG.
„Mér hefur flogið í hug að ein ástæða þess
geti falist í fyrirmyndunum, þegar ákveðnu
hlutfalli kvenna er náð í hópn um verði það
auðveldara fyrir þær sem á eftir koma að
ná inn í hópinn. Ímynd endurskoðandans
er ekki lengur karllæg, nú lítur fólk svo
á að um sé að ræða starf sem hentar jafnt
konum sem körlum,“ segir Anna.
konur eru jafntilbúnar og
karlar að taka að Sér krefjandi
Störf
Þær Auður og Anna benda á að aðbúnaður
barnafólks, m.a. aðgengi að góðri vistun
fyrir börn, skipti verulegu máli þegar
komi að því að jafna rétt kynjanna og eins
skipti jafnrétti innan heimilanna miklu
máli. Stað an á þeim vettvangi sé eflaust
betri hér á landi en víða annars staðar.
„Það er okkar reynsla að konur eru að öllu
jöfnu jafntilbúnar og karlar til að taka að sér
krefj andi störf. Við höfum verið svo lánsöm
að hafa á að skipa kraftmiklu og duglegu
fólki af báðum kynjum sem er tilbúið að
leggja mikið á sig til að unnt sé að veita
viðskiptavinum okkar góða þjónustu,“
segja þær Auður og Anna. Benda þær á að
starf endurskoðenda sé með þeim hætti
að á ákveðnum tímum árs sé álagið mikið
og vinnudagurinn langur. „Við erum hins
vegar sveigjanleg og því hefur starfsfólk
okkar tækifæri til að draga úr vinnu þegar
álagið er minna,“
fyrirmyndir skipta máli
Hlutfall kvenna í hópi hluthafa hjá KPMG Íslandi er 30% og hlutfall kvenna í
hópi löggiltra endurskoðenda hjá fyrirtækinu er 40%, sem er mun hærra en
hjá sambærilegum fyrirtækjum hér á landi og töluvert hærra en hjá flestum
skrifstofum KPMG í nágrannalöndunum.
KPMG
Á myndinni eru frá vinstri Auður Þórisdóttir, Helga Harðardóttir, Soffía Björgvinsdóttir, Margrét Flóvenz,
Guðný Helga Guðmundsdóttir og Anna Þórðardóttir.
Hrafnhildur Helgadóttir, Margrét Guðjónsdóttir og
Sigríður Helga Sveinsdóttir.
síminn