Frjáls verslun - 01.05.2011, Qupperneq 125

FRJÁLS VERSLUN 5.tbl.2011 125
jafnréttisstEfna fyrirtækja
Hagvangur hefur um árabil verið leiðandi fyrirtæki á sviði ráðninga, ráðgjaf­ar og mannauðsstjórn­unar. Framkvæmdastjóri
fyrirtækisins er kona og annar af eigendum
fyrirtækisins og situr hún einnig í stjórn.
Hver er stefna Hagvangs í jafnréttis­
málum innan fyrirtækisins?
Katrín S. Óladóttir framkvæmdastjóri segir
að í öllu starfi Hagvangs sé lögð áhersla á
að hver einstaklingur sé metinn og virtur
að verðleikum, hvort sem um konu eða
karl er að ræða:
„Við leggjum áherslu á að hver starfs­
maður fái að njóta sín á eigin forsendum í
starfi. Starfsmenn hafa líka svigrúm til þess
að halda góðu jafnvægi milli starfsskyldna
og fjölskyldulífs með sveigjanlegum vinnu­
tíma og sumir hafa nýtt sér hlutastarf við
endurkomu úr fæðingarorlofi svo eitthvað
sé nefnt.“
að Sofna ekki á verðinum
Hvað er að gerast hjá Hagvangi nú í
sumar?
„Öllum má vera ljóst að ákaflega mikil
deyfð hefur verið yfir atvinnulífinu undan­
farið og okkur finnst það ekki hafa fengið
þann forgang sem þurft hefur varðandi
ákvarðanatökur og framkvæmdir. Því
hafa síðustu mánuðir verið frekar róleg­
ir og erfitt að spá í hvað er framundan.
Fyrirtæki hafa frestað mörgum ráðningum
og biðstaða er í allt of mörgum málum.
Það er algjör forsenda fyrir áframhaldandi
uppbygginu í landinu að stjórnvöld komi
fram með áætlanir sem hægt er að byggja
á til lengri tíma og það séu ekki bara orðin
tóm sem heyrast.“
Eru einhverjar nýjungar á döfinni?
„Við höfum notað tímann til að vinna að
þróun ýmissa nýrra verkefna sem munu
væntanlega líta dagsins ljós með haustinu.
Nauðsynlegt er að endurskoða verkferla og
aðra þjónustu til að gera gott starf betra og
fyrirtæki þurfa sífellt að ganga í gegnum
breytingaferli til að sofna ekki á verðinum.
Margt spennandi er á döfinni sem mun
koma viðskiptavinum okkar til góða í
framtíðinni.“
Stjórnvöld komi
með langtímaáætlanir
„Öllum má vera ljóst að ákaflega mikil deyfð hefur verið yfir atvinnulífinu
undanfarið og okkur finnst það ekki hafa fengið þann forgang sem þurft hefur
varðandi ákvarðanatökur og framkvæmdir.“
Hagvangur
Katrín S. Óladóttir, framkvæmdastjóri Hagvangs.