Frjáls verslun - 01.05.2011, Side 128

128 FRJÁLS VERSLUN 5.tbl.2011
jafnréttisstEfna fyrirtækja
Hjá Íslandsbanka eru fjórir af átta framkvæmda stjór­um konur og tvær konur eiga sæti í stjórn bankans. Af sjö varastjórnarmönn­
um hans eru fjórar konur.
Guðný Helga Herbertsdóttir, upplýsinga­
fulltrúi Íslandsbanka, segir að svipað hlut­
fall sé einnig í dótturfyrirtækjum bankans:
„Kona er t.a.m. framkvæmdastjóri Kredit­
korta og Íslandssjóða þar sem kona er
einn ig stjórnarformaður. Þá eru tvær konur
í stjórnum Miðengis og Íslandssjóða og
þrjár í stjórnum Borgunar og Kreditkorta.
Af stjórnendum bankans eru 48% konur og
52% karlar.“
fyllSta jafnræðiS er gætt
Er Íslandsbanki með ákveðna stefnu
innan fyrirtækisins í jafnréttismálum?
„Já, Íslandsbanki hefur það að leiðarljósi
að staða karla og kvenna innan bankans
sé jöfn og fyllsta jafnræðis sé gætt. Þá er
bankinn í samstarfi við SA og Jafnréttis­
stofu um jafnréttisvottun Staðlaráðs
sem felur í sér vottun á jafnlaunastefnu
bankans. Íslandsbanki hefur skrifað undir
jafnréttissáttmála UN Women og UN
Global Compact og hefur því skuldbundið
sig til að sýna frumkvæði og vinna að bætt­
um jafnréttismálum innan fyrirtækisins
og sýna samfélagslega ábyrgð. Mikið vatn
hefur runnið til sjávar í jafnréttismálum
innan Íslandsbanka en fyrir fimm árum átti
engin kona sæti í framkvæmdastjórninni.
Íslandsbanki hlaut Gæfuspor FKA árið 2011
fyrir að hafa skarað fram úr við að virkja
kraft kvenna innan sinna raða.“
ný fjármálamiðStöð
Hvað er að gerast hjá Íslandsbanka
nú í sumar?
„Það er að vanda mikið um að vera hjá
okkur í sumar. Í júní opnum við nýja
fjármálamiðstöð á Suðurlandsbraut 14. Í
henni sameinast tvö útibú auk þess sem
Íslandsbanki – fjármögnun flytur á aðra
hæð hússins í júlí. Þetta verður öflug fjár­
málamiðstöð með kraftmiklu starfsfólki.
Svo er undirbúningur fyrir Reykjavíkur­
maraþonið í hámarki. Í fyrra var í fyrsta
sinn boðið upp á boðhlaup þannig að fólk
getur tekið sig saman og hlaupið heilt
maraþon. Framkvæmdastjórnin okk ar
ætl ar einmitt að gera þetta og á bara
eftir að kasta upp á hver hleypur síðustu
12,5 km. Ég hvet að sjálfsögðu alla til að
hlaupa til góðs. Skora á sjálfan sig, ná svo
markmiðun um og láta gott af sér leiða í
leiðinni.“
Eru einhverjar nýjungar á döfinni?
„Íslandsbanki er alltaf að skoða nýjungar
fyrir viðskiptavini sína. Sumar þeirra sem
við höfum hrint í framkvæmd eru jafnvel
hugmyndir frá viðskiptavinum okkar. Gott
dæmi um það er ný þjónusta sem snýr að
því að losna við FIT­kostnaðinn. Það var
viðskiptavinur bankans sem stakk upp á
þessari nýjung á stefnufundi hjá bankanum
og í júní varð hún að veruleika.
Undanfarið hefur aðaláherslan verið á að
ljúka úrvinnslu skuldamála bæði einstakl­
inga og fyrirtækja. Eðlilega hefur hug­
myndavinna og vöruþróun snúist mikið
um hvernig hægt er að koma til móts við
viðskiptavini okkar í þeim málum, dæmi
um það er t.a.m. ný hraðleið í 110% aðlög­
un skulda. Við horfum þó að sjálfsögðu
líka til framtíðar og tekur sú vinna mið af
því að aðstæður eru hægt og sígandi að
breytast í íslensku efnahagslífi.“
af stjórnendum bankans
eru 48% konur og 52% karlar
Íslandsbanki hefur það að leiðarljósi að staða karla og kvenna innan bank-
ans sé jöfn og fyllsta jafnræðis sé gætt. Þá er bankinn í samstarfi við SA og
Jafnréttisstofu um jafnréttisvottun Staðlaráðs sem felur í sér vottun
á jafnlaunastefnu bankans.
Íslandsbanki
Guðný Helga Herbertsdóttir, upplýsingafulltrúi Íslandsbanka.
WWW.N1.IS
SJÁUMST
Í SUMAR!
N1 tekur vel á móti þér á fleiri en
120 stöðum um land allt. Við
bjóðum upp á góða og fjöl-
breytta þjónustu bæði fyrir þig
og bílinn þinn. Þar að auki
bjóðum við ókeypis nettengingu
og höfum opið allan sólarhring-
inn á völdum stöðum.
WI-FI
Líttu við hjá okkur.
Við tökum alltaf vel á móti þér.