Frjáls verslun - 01.07.2011, Page 45

FRJÁLS VERSLUN 7.tbl.2011 45
Oxymap byggist á hugmynd dr. Einars Stefánssonar prófessors um að nýta geim tækni frá NASA við að skoða augnbotna. Einar
hefur um þriggja áratuga skeið unnið að
rannsóknum innan augnlækninga og nýtur
alþjóðlegrar viðurkenningar á því sviði.
Hann fékk gullverðlaun Evrópsku augn­
læknaakademíunnar árið 2009 fyrir uppfinn­
ingu sína, svokölluð GONIN­verðlaun.
Hugmyndin er að nota tækni við fjarkönn­
un á yfirborði jarðar og yfirfæra hana til að
rannsaka augnbotna. Í báðum tilvikum er
leitast við að mæla efnasamsetningu úr
fjarlægð. Við augnlækningar nýtist þetta til
að finna hugsanlegan sjónskaða, til dæmis
vegna sykursýki, hrörnunar í augnbotnum
og gláku á fyrstu stigum.
Til að skoða augnbotnana hefur tækið Oxi­
meter verið búið til hjá Oxymap. Einmitt
þegar Frjáls verslun birti viðtal við frum­
kvöðulinn Einar Stefánsson í sprotablaðinu
2008 var hann að leggja á ráðin um næstu
skref. Frumgerð Oximeter var orðin til og
næst að prófa tækið á rannsóknarstofum,
fá það viðurkennt og undirbúa fjöldafram­
leiðslu.
ljón á Veginum
Fyrirtækið var stofnað 2002 og hrunhaustið
2008 komu fjárfestar að verkefninu. Þar
lögðu saman Nýsköpunarsjóður atvinnulíf s­
ins með 80% hlutafjár og níu fjárfestar með
afganginn. Fyrir þeim hópi fór Árni Þór
Árna son, áður einn af eigendum Austur­
bakka hf., nú framkvæmdastjóri Oxymap.
Hvernig gekk að stíga skrefið frá
vísindun um og út á markaðinn?
„Það fyrsta sem gerðist var að tækið
reynd ist of flókið til notkunar úti á rann­
sóknar stofum. Það var ákveðið að endur­
hanna það og einfalda,“ segir Árni. Meðal
annars var ákveðið að nýta ekki gamlar
augnbotnamyndavélar á stofunum. Þær
reyndust oft ekki nógu góðar, stafrænni
myndavélatækni hafði fleygt fram svo
notaðar voru tvær myndavélar í stað einnar
og betri gerð af augnbotnamyndavélum.
Þetta var hinn tæknilegi vandi sem kom
upp. Menn sem kunna á upphaflega tækið
nota það vandræðalaust en fyrir ókunnuga
reyndist þetta of flókið,“ segir Árni.
Við þetta tafðist ferlið um eitt ár en nú er
búið að framleiða sextán Oximeter­tæki.
Sex eru í prófunum í Evrópu, önnur fjögur í
Ameríku og verið að semja um sölu/leigu í
fleiri heimsálfum. Íhlutir eru bandarískir og
tækið er sett saman í Arizona. Verðmætasti
hluti þess er þó hugbúnaðurinn sem þró að­
ur hefur verið hjá Oxymap á Íslandi.
Árni segir að þetta sýni að það þurfi
þol inmæði og fé til að koma nýrri tækni á
markað. Sérstaklega reynir á þolinmæð ina
þegar kemur að lækningatækjum. Þar þarf
miklar prófanir við margar rannsóknarstofn­
anir og vottanir.
„Við sýndum tækið fyrst á rannsóknar­
þingi í augnlækningum 2010 í Flórída
og vakti það mikinn áhuga,“ segir Árni.
„Marg ir af frægustu rannsóknarspítölun­
um vilja vera með en eru vanir að fá tækin
gefins. Það gengur ekki hjá okkur og hægir
það eitthvað á útbreiðslunni. Tækið sjálft
kostar um átta milljónir króna.
fé Úr ýmsum áttum
Við stefnum á að fyrirtækið verði sjálfbært
í ár,“ segir Árni. Hann segist mæla með því
sem módeli að opinberir sjóðir og fjárfestar
leggi saman við að ýta góðum hugmynd­
um áfram.
„Einstakir fjárfestar geta ekki lagt alla
sína peninga í nýja hugmynd en vilja
gjarnan vera með,“ segir Árni. Þannig
kom hann sjálfur að fyrirtækinu og þann­
ig er fjárhagslegur grundvöllur Oxymap
myndaður. Í stjórninni eru fimm; tveir frá
frumherjunum, aðrir tveir frá fjárfestum
og kona sem var óháð fyrirtækinu en með
reynslu af bæði vísindum og rekstri í heil­
brigðisgreinum. „Það styrkir fyrirtækið,“
segir Árni.
tækið komið í prófun
Oxymap er sprotafyrirtæki, sem fjallað var um í Frjálsri verslun fyrir
þremur árum, árið 2008. Þá stóð fyrirtækið á tímamótum. Tiltekið vísind a-
verkefni var komið á það stig að prófanir á fyrstu tækjum voru næstar.
En hvernig hefur gengið síðan?
Oxymap
Árni Þór Árnason. „Við stefnum á að fyrirtækið verði sjálfbært í ár.“