Frjáls verslun - 01.10.2010, Qupperneq 12

12 F R J Á L S V E R S L U N • 1 0 . T B L . 2 0 1 0
Fundir - Móttökur - Veisluþjónusta
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fyrst þetta ...
Stjórnunarmoli:
Jón Gnarr borgarstjóri sagðist vera geimvera. Á það var deilt og er umdeil anlegt. Hitt mun hafið yfir allan efa að átta
af tíu stjórnendum finnst þeir oft vera utangátta eins og „geimverur“ á vinnustað. Þetta sýna kannanir. Sænska stjórn-
unarritið Chef spurði til dæmis 450 stjóra um tilfinningar þeirra á vinnustað og 360 reyndust vera „geimverur“ þar.
TEXTI: GÍSLI KRISTJÁNSSON
STJÓRINN
ER GEIMVERA
Aðspurðir viðurkenndu þeir að þeir pössuðu ekki inn á meðal starfs fólks-ins; þeir sögðust utanveltu í daglegu
spjalli um hversdagslega hluti og fannst
þeir vera öðruvísi en allir aðrir. Annað fólk
er venjulegt. Það lifir eðlilegu lífi, hefur
hversdagslegar áhyggjur og talar um það
sem varðar fólk almennt.
– Allir nema ég, sögðu stjórarnir hver á
eftir öðrum. Sumir nefndu að þeir væru svo
utanveltu að það jaðraði við einelti.
Þannig er það. Aumingja stjórinn er ekki
með og finnst hann vera skrýtinn og eins
og geimvera meðal allra hinna mannlegu á
vinnustaðnum. Stjórinn upplifir sjálfan sig
eins og grænan kall með fálmara upp úr
höfðinu og sjónvarpsskjá á maganum.
En þetta er ekki satt – eða í það minnsta
ýkjur – og það er hægt að komast niður á
jörðina með einföldum ráðum. Hér eru þau:
l Hættu að miða allt við aðra. Taktu mið af
sjálfum þér.
l Leitaðu eftir því sem þú gerir rétt en ekki
því sem hugsanlega er rangt.
l Líttu á undarlegheit þín sem kost en ekki
löst. Þá munu aðrir gera það líka.
l Segðu við sjálfa(n) þig: Ég þori að vera ég
sjálf(ur), fremur en: Ég er skrýtin(n).
l Ekki ganga of langt í að vera skrýtin(n).
l Ekki eyða kröftum í að leika aðra persónu
en þú ert.
l Ekki nota það sem afsökun fyrir
umdeildum ákvörðunum að þú sért
skrýtin(n).
l Hafðu hugfast að öllum öðrum finnst
sem þeir séu skrýtnir líka.
l Ef ekkert af þessu dugar þá er bara að
leita uppi starf fyrir geimverur.