Frjáls verslun - 01.10.2010, Qupperneq 19

F R J Á L S V E R S L U N • 1 0 . T B L . 2 0 1 0 19
Fyrst þetta ...
Finnbogi Jónsson, framkvæmdastjóri
Framtakssjóðsins.
Framtakssjóðurinn eignast ekki Icelandic
Group að fullu eins og upphaflega var gert
ráð fyrir heldur mun Landsbankinn halda
eftir 19% hlut. Þetta er meginskýringin á því
að kaupverðið lækkar um fjóra milljarða.
Framtakssjóðurinn hyggst selja að
lágmarki 30% hlut í Icelandic Group í fram­
haldi af kaupunum á Vestia. Ef það gerist
mun Framtakssjóðurinn nýta sér kauprétt
á 19% hlut bankans. Stefnt er að því að
ganga frá sölu á verulegum hlut í Icelandic
á næstu mánuðum og hafa ýmsir sýnt
áhuga á að eignast í félaginu.
Icelandic Group er langstærsta og verð­
mesta fyrirtækið í Vestia­kaupunum. Veltan
er um 150 milljarðar. Fram hefur komið áður
að vaxtaberandi skuldir séu 25 milljarðar í
kaupunum en miðað við að eigið fé félags­
ins sé 25 milljarðar og eiginfjárhlutfall 34%
þá verður ekki annað lesið út úr því en að
heildarskuldirnar séu um 48 milljarðar.
Áætluð heildarvelta fyrirtækja innan
Teymis á árinu 2010 verður um 40 millj­
arðar króna. Hjá þeim starfa um 1.350
manns.
Áætluð velta Húsasmiðjunnar á þessu ári
er um 12,5 milljarðar króna og hjá félaginu
starfa ríflega 500 manns. Bókfært eigið fé
Húsasmiðjunnar í árslok er áætlað um 1,3
milljarðar króna og eiginfjárhlutfall um 30%.
Samkvæmt því eru skuldirnar þrír milljarðar.
Þær voru yfir sex milljarðar í lok síðasta árs.
Plastprent hefur gengið í gegnum endur­
skipulagningu við kaupin og þar er búið
að skafa hressilega af skuldunum. Skuldir
Plastprents voru um tveir milljarðar en eru
núna komnar í 540 milljónir. Dótturfélögin
í Eystrasaltsríkjunum fylgja ekki með en
dótturfélagið í Skotlandi er inni í kaupunum.
Áætluð velta Plastprents á þessu ári er
áætluð um 1,6 milljarðar og starfsmenn
um 100. Bókfært eigið fé Plastprents í
árslok er áætlað um 200 milljónir króna og
eiginfjárhlutfall 27%.
Icelandic Group og Teymi vega langþyngst
í kaupunum og kaupverðið á þeim er
uppistaðan í kaupunum.
Takið eftir samhenginu á milli kaup verðs­
ins á Vestia og hlutafjárloforðs Lands­
bankans í Framtakssjóðnum. Þegar kaup­
verðið lækkar um fjóra milljarða niður í 15,5
millj arða lækkar hlutafjárloforð bankans úr
18 milljörðum í 15 milljarða.
Icelandic Group. Framtakssjóðurinn ætlar að selja 30% hlut í fyrirtækinu á næstu mánuðum.