Frjáls verslun - 01.11.2010, Page 25

F R J Á L S V E R S L U N • 1 1 . T B L . 2 0 1 0 25
„Það er alltaf eftir minnilegt
þegar eytt er miklum tíma í að
bíða eftir einhverju augna bliki
sem aldrei virðist koma – svo
allt í einu kemur augnablikið
og þá er biðin þess virði. En
eitt sem er mér mjög ofarlega
í huga og sker sig úr var þegar
öskumökkurinn fór suður fyrir
og við keyrðum inn í svarta ­
myrkur á miðjum degi, sáum
allt í einu svartan vegg sem
við nálg uðumst og síðan var
keyrt úr birtunni í myrkrið í
einu vetfangi, þetta er eitthvað
svo óraunverulegt og gleymist
aldrei.“
Eins og Ragnar hefur sagt er
langt frá því að þessi fræga
myndasería hans frá eldgosinu
í Eyjafjallajökli og aðrar myndir
sem hann tók af gosinu séu
búnar með sín tímamörk í
fjölmiðlum. „Ég get nefnt að
þeir höfðu samband við mig
frá flugvélahreyfladeild Rolls
Royce í Englandi og vildu fyrst
fá eina mynd af öskunni til að
hengja upp í einhverjum sal hjá
sér í London en enduðu með
að kaupa margar stækk anir og
settu upp sýningu sem enn er í
gangi. Þá hefur New York Times
aftur haft samband við mig
til að fá leyfi að birta forsíðu­
myndina í áramótauppgjöri sínu.
Vísindatímaritið Nature hafði
einnig samband og vill birta
mynd í áramótauppgjöri og í
sérblaði frá Royal Geographical
Society eru myndir af gosinu
á átta opnum og svona heldur
þetta áfram og þess má geta
að bók okkar Ara Trausta
Guðmundssonar, Eyjafjallajökull,
hefur gengið mjög vel og
er fimmta prentun komin í
dreifingu og hún hefur verið
sérprentuð í Þýskalandi.“
Ragnar er í byrjun janúar aftur
á leið til Lapplands til að mynda
Íshót elið fræga og hver veit nema
sagan endurtaki sig; það fari að
gjósa á Íslandi meðan Ragnar er
að koma sér fyrir í 40 stiga frosti
úti á hjara veraldar.
Ljósmynd Ragnars Th. Sigurðs sonar
af eldgosinu á Fimmvörðuhálsi birtist
á forsíðu National Geographic.
Þessa mynd valdi New York Times sem forsíðumynd og fylgdu margir
fjölmiðlar í kjölfarið og birtu myndina á forsíðu. „Þótt hægt væri að
velja úr mörgum álíka myndum vildu langflestir birta sömu mynd og
hafði verið á forsíðu NYT.“ NEW YORK TIMES