Frjáls verslun - 01.11.2010, Qupperneq 63

F R J Á L S V E R S L U N • 1 1 . T B L . 2 0 1 0 63
Afnám gjaldeyrishafta
HVAÐ SEGJA ÞAU UM ÁRAMÓT?
nokkur af okkar betri fyrirtækjum eru nú í
fangi bankanna, eignaumsýslufélaga og
annarra bráðabirgðaeigenda. Mörg þeirra
eru í góðum rekstri, þó að sum hver hafi
verið skuldsett um of. Hlutverk banka er
að vera stuðningur við öll fyrirtæki í rekstri,
þeir eru því ekki heppilegir eignaraðilar
einstakra fyrir tækja. Sjónarmið samkeppni
og gagn sæis verða að vera í forgangi þegar
kemur að heilbrigðum markaðsbúskap.
Því er brýnt að koma fyrirtækjum sem fyrst
í eðlilegan rekstur á ný undir stjórn fram­
tíðareigenda. Hlutabréfamarkaðurinn getur
leikið lykilhlutverk í þessu ferli með skrán ­
ingu fyrirtækja á markað. Það bæði flýtir
fyrir nauðsynlegum umskiptum og gefur
almenn ingi tækifæri á því að njóta ávinn ings
af uppsveiflu í íslensku efna hags lífi.
3. Draga úr pólitískum afskiptum af
fjárfestingum
Draga þarf sem fyrst úr pólitískum afskipt ­
um af fjárfestingum og viðskiptalífi. Það
fer ekki á milli mála að Ísland hefur færst
til vinstri í áherslum á efnahags stjórn og
skipulag hagkerfisins. Fjöldi mála sem
endar á borðum ráðherra er til marks um
vonda hagstjórn. Ég tel að við séum komin
töluvert vinstra megin við Norðurlöndin í
þessum efnum og það sé mjög varhuga­
vert. Norðurlöndin hafa byggt upp afar
öflug hagkerfi. Grunn urinn að árangri
Norðurlandanna felst í áherslum þeirra á
velferð og markaðs búskap. Við eigum að
fylgja nágrönnum okkar í öllum aðalatriðum
og ná á ný fótfestu meðal þeirra þjóða sem
standa fremst í efnahags málum.
4. Framtíðarskipan gjaldmiðilsins
Taka þarf ákvörðun um framtíðarskipan
peningamála á Íslandi. Eigum við að byggja
á eigin gjaldmiðli og gera í því skyni nauð­
synlegar ráðstafanir að því er varðar pen­
ingastefnuna, ríkisfjármálastefnuna og innri
gerð peningakerfisins? Eða eigum við að
horfa til evrunnar og aðildar að Evrópu­
sambandinu í þessu efni? Þetta eru stórar
spurningar. Við erum á krossgötum og leiðin
sem við veljum getur ráðið miklu um lífskjör
þjóðarinnar til framtíðar. Þótt því hafi verið
haldið fram að þetta verkefni geti beðið af
því langt er í það að niðurstöður fáist er það
alls ekki rétt að mínu viti. Töf og hik grafa
undan hagkerfinu og leiða til þess að við ná­
um okkur seinna á strik en ástæða er til.
TÓMAS ÞORVALDSSON
forstjóri hjá Þorbirninum í Grindavík
Vonlaus skattastefna
FORRÁÐAMENN FYRIRTÆKJA
1. Hvaða árangur ert þú ánægðastur
með innan þíns fyrirtækis á árinu?
Reksturinn hefur gengið vel, og góður
starfsandi er í fyrirtækinu.
2. Áttu von á því að gjaldeyrishöftin
verði afnumin á næsta ári?
Nei, og því miður er talsvert langt í að
þau verði afnumin.
Stjórnvöldum mun ganga illa að finna
rétta tímann til þess.
3. Óttast þú fjármagnsflæði frá land­
inu með afnámi gjaldeyrishafta?
Já, og hætt er við að gengi okkar ágætu
íslensku krónu verði fyrir áfalli.
4. Hvað telur þú að sé algengasta um ­
ræðuefnið á meðal stjórnenda núna?
Hægagangur ríkisstjórnarinnar, vonlaus
skattastefna hennar og vantrú þeirra
sem þar sitja á frelsi einstaklingsins til
athafna. Ekki dugar að reyna að tala
þjóðina út úr vandræðum, það verður
að byggja upp atvinnulífið, skapa
atvinnu.
5. Finnst þér bankarnir hreyfa sig
hraðar við að afskrifa skuldir fyrir ­
tækja og endurskipuleggja
fjár mál þeirra?
Gangurinn í þeirri vinnu er í samræmi
við vinnuhraða stjórnvalda.
6. Hvað var minnisstæðast hjá
sjálfum þér á árinu?
Nokkrar fjallgöngur, fjórhjólaferð um
Strandir í góðum hópi við leiðsögn
bóndans á Bassastöðum og ekki síst
sam vera með fjölskyldu og vinum og
fjölg un kröftugra afkomenda.
Tómas Þorvaldsson
„Ekki dugar að reyna að tala þjóðina út úr vand ræðum, það
verður að byggja upp atvinnulífið, skapa atvinnu.“