Frjáls verslun - 01.11.2010, Side 68

68 F R J Á L S V E R S L U N • 1 1 . T B L . 2 0 1 0
fjármagnsflæði til landsins. Fæstir gera
sér kannski grein fyrir því að fjármagns­
flæði hingað hefur einnig verið heft, þótt
undarlegt megi virðast.

Hvað telur þú að sé algengasta um ræðu­
efnið á meðal stjórnenda núna?
Ætli menn ræði ekki einna helst hvort hlut­
irnir séu að komast á hreyfingu, hvort frostið
sé að þiðna; tveimur árum eftir hrun.
Finnst þér bankarnir hreyfa sig hraðar
við að afskrifa skuldir fyrirtækja og
endurskipuleggja fjármál þeirra?
Mér finnst ekki hægt að sjá skýr merki
um það. Kannski eiga þeir óhægt um
vik vegna mikillar tortryggni og reiði sem
enn ríkir í samfélaginu. Bankarnir eru
skammaðir fyrir það sem þeir gera og
einnig fyrir það sem þeir gera ekki.
Hvað var minnisstæðast hjá sjálfri þér
á árinu?
Ég tók við nýju starfi innan Actavis, sem
forstjóri á Íslandi. Auk þess ber ég ábyrgð
á kaupum og sölu fyrirtækja (e.M&A) og
endurskipulagningu á starfsemi félagsins
í nokkrum stórum löndum Asíu. Þetta eru
spennandi og krefjandi verkefni, sem gam­
an er að takast á við.
HVAÐ SEGJA ÞAU UM ÁRAMÓT?
Guðbjörg Edda Eggertsdóttir
VALGERÐUR H. SKÚLADÓTTIR,
framkvæmdastjóri Sensa:
Skortur á góðu fólki í þeirri
grein sem við störfum í
FORRÁÐAMENN FYRIRTÆKJA
Hvaða árangur ert þú ánægðust
með innan þíns fyrirtækis á árinu?
Standa við krefjandi áætl anir. Einnig er
búinn að vera mikill kraftur og einurð
í mínu fólki við undirbúning og þjálfun
fyrir ný verkefni og spenn andi framtíð.
Áttu von á því að gjaldeyrishöftin
verði afnumin á næsta ári?
Nei, ég sé engin teikn á lofti í þá áttina.
Óttast þú fjármagnsflæði frá landinu
með afnámi gjaldeyrishafta?
Ég tel að eina leiðin til að koma í veg
fyrir fjármagnsflæði frá landinu á hverj­
um tíma sé að búa þannig í hag inn
að hér dafni fjölskrúðugt og arð bært
atvinnulíf sem er spennandi og áhuga­
verður fjárfestingakostur.
Hvað telur þú að sé algengasta
umræðuefnið á meðal stjórnenda
núna?
Þótt ótrúlegt megi virðast, eins og
staðan í þjóðfélaginu er í dag, þá er
skortur á góðu fólki í þeirri grein sem
við störfum í og er það eitt helsta
umræðuefnið innan greinarinnar. Jafn­
framt ræða menn almennt hvort mis­
ráðnar aðgerðir stjórnvalda og skiln­
ingsleysi á gangverki atvinnulífsins eigi
eftir að stöðva atvinnulífið alveg.
Finnst þér bankarnir hreyfa sig
hraðar við að afskrifa skuldir
fyrirtækja og endurskipuleggja
fjármál þeirra?
Innan bankanna er talað um að
margt sé gert varðandi afskriftir fyrir­
tækjaskulda. Það virðist liggja mikið
á að bjarga sumum sem með réttu
ættu að fara í þrot. Stóra spurningin
er: Hjá hverjum og hvernig er verið að
afskrifa og hvernig hefur það áhrif á
samkeppnisumhverfið?
Hvað var minnisstæðast hjá sjálfri
þér á árinu?
Ég lét gamlan draum rætast og fór
á tónleika í Frakklandi með Leonard
Cohen. Ég hef lengi verið aðdáandi
hans og fóru tónleikarnir fram úr mín­
um björtustu vonum. Karlinn var hreint
ótrúlegur og stóð á sviðinu í nærri fjóra
tíma og varð bara betri eftir því sem á
leið.
„Þótt ótrúlegt megi
virðast, eins og staðan í
þjóðfélaginu er í dag, þá er
skortur á góðu fólki í þeirri
grein sem við störfum í.“
Valgerður H. Skúladóttir
www.pwc.com/is
Reykjavík
Akureyri
Selfoss
Húsavík
PricewaterhouseCoopers, eitt þekktasta fyrirtæki heims á sviði
endurskoðunar, skatta- og fyrirtækjaráðgjafar, hefur endurnýjað vörumerki
sitt og sett í frískandi búning um allan heim.
Vörumerkið felur í sér upphafsstafina í nafni fyrirtækisins - „PwC“ - sem
raunar hafa verið notaðir sem stytting af „Pricewaterhouse-Coopers“ síðan
fyrirtækið var mótað í samruna árið 1998.
Merkið var þróað í samráði við viðskiptavini, samstarfsaðila og starfsfólk
með það fyrir augum að auðvelda notkun þess og framsetningu.
PricewaterhouseCoopers verður þó áfram lögformlegt nafn fyrirtækisins,
bæði hér á landi og erlendis.
PwC í stað
PricewaterhouseCoopers
PricewaterhouseCoopers ehf. (PwC) á Íslandi er hluti af PwC samsteypunni sem myndar heimsins stærsta endurskoðunar- og ráðgjafafyrirtæki. PwC starfar í 151 landi og
hefur innan sinna vébanda um 160 þúsund starfsmenn. Fyrirtækið á sér rætur í íslensku viðskiptalífi frá árinu 1924 og starfsmenn hér á landi eru um 150 talsins.