Frjáls verslun - 01.11.2010, Page 79

F R J Á L S V E R S L U N • 1 1 . T B L . 2 0 1 0 79
HVAÐ SEGJA ÞAU UM ÁRAMÓT?
GUNNAR HELGI HÁLFDANARSON,
formaður bankaráðs Landsbankans:
Vonast til að sjá gjörbreytingu
á endurskipulagningu skuldamála
FORRÁÐAMENN FYRIRTÆKJA
Hvernig miðar endurreisn banka­
kerfisins?
Henni miðar á margan hátt vel, þótt
sumt hafi tafist um of. Á undanförnum
vik um tókst t.d. víðtæk samstaða með
stjórnvöldum og aðilum á fjár mála­
markaðnum um úrræði til handa heim­
ilum og smærri og meðalstórum fyrir­
tækju m í skuldavanda. Sú viðspyrna sem
skuld ugir aðilar og reyndar þjóðfélagið
allt fær með þessum úrræðum ætti að
reynast drjúg þegar sól tekur að hækka á
ný. Hins vegar virðist ljóst að núverandi
banka kerfi er of stórt þegar tekið er mið
af umsvifum og hagvaxtarspám næstu
ára. Ólík markmið helstu hagsmunaaðila
sem standa að fjármálafyrirtækjum
lands ins kunna að draga úr æskilegum
hraða nauðsynlegrar uppstokkunar og
því er mikilvægt að þeir sem hafa slag ­
kraft leggi sig alla fram við að flýta þess­
ari þróun.
Ef litið er til Landsbankans þá miðar
endurreisn hans vel. Í apríl sl. tók til
starfa nýtt bankaráð sem eingöngu var
skipað á faglegum forsendum. Í júní­
byrjun réð bankaráðið nýjan banka­
stjóra, þrautreyndan bankamann í
breyt ingastjórnun og stefnumótun. Nýi
banka stjórinn hefur ásamt starfsmönnum
látið verkin tala, hrundið af stað og stýrt
viðamiklu stefnumótunarverkefni, gjör­
breytt skipulagi, ráðið fimm nýja fram­
kvæmdastjóra á sama tíma og hann
hefur verið sannur fulltrúi góðra gilda
í bankarekstri. Við bankann starfa nú
sam tals átta framkvæmdastjórar (fjórar
konur og fjórir karlar) sem allir voru ráðnir
eftir hrun. Starfsmenn hafa tekið fullan
þátt í þessum breytingum og lagt sig
fram við að læra af fortíðinni og lagfæra
það sem betur má fara undir öflugri
forystu bankastjóra og hans nánustu
sam starfsmanna. Við skynjum betri
anda og aukna bjartsýni á þessum stóra
vinnustað.
Hversu traust eru útlánasöfn nýju
bankanna og hversu mikil verður
afskriftaþörf þeirra næsta árið?
Ég get að sjálfsögðu eingöngu svarað
fyrir hönd Landsbankans í þessu sam­
hengi en það hefur komið fram að stór
hópur viðskiptavina er í erfiðleikum og
vanskilum. Það er útilokað á þessari
stundu að svara því hver afskriftaþörfin
verður en við teljum að þau úrræði sem
ég gat um hér að framan, samfara því að
atvinnulífið eflist á ný, verði til þess að
gæði útlánasafnsins aukist verulega.
Átt þú von á því að gjaldeyrishöftin
verði afnumin á næsta ári?
Ég tel ólíklegt að það verði gert að fullu.
Mér kæmi hins vegar ekki á óvart þótt
reyndar yrðu einhverjar leiðir til að létta á
mesta þrýstingnum.
Óttast þú fjármagnsflæði frá landinu
með afnámi gjaldeyrishafta?
Já, ég geri það og tel að áður en höftin
verði afnumin að marki sé nauðsynlegt
að byggja upp sterkan gjaldeyrisforða í
landinu og þá bæði hjá Seðlabanka og
bönkunum. Ekki síður verður að vera
búið að takmarka gjaldeyrisáhættu þeirra
sem ekki hafa tekjur í erlendum gjald­
miðl um, nægjanlegt traust verður að
vera á styrkleika alls fjármálakerfisins
og lagaleg óvissa tengd neyðarlögunum
eins lítil og mögulegt er. Þegar þetta er
allt fyrir hendi er hægt að afnema höftin
að talsverðu leyti. Við megum þó ekki
gleyma því að við búum við gjaldmiðil
sem að öðru óbreyttu á langt í land með
að endurheimta trúverðugleika í frjálsum
alþjóðlegum viðskiptum.
Gunnar Helgi Hálfdanarson