Frjáls verslun - 01.11.2010, Page 82

82 F R J Á L S V E R S L U N • 1 1 . T B L . 2 0 1 0
HVAÐ SEGJA ÞAU UM ÁRAMÓT?
MÁR GUÐMUNDSSON,
seðlabankastjóri:
Vantar mikið upp á að fjármálastofnanir
hafi eðlilegan aðgang að erlendri
fjármögnun
FORRÁÐAMENN FYRIRTÆKJA
Hvernig miðar endurreisn bankanna?
„Endurreisn bankakerfisins hefur gengið
hægar en margir vonuðust til. Verkefnið
er auðvitað mjög stórt. Á grundvelli hinna
föllnu banka þurfti að endurreisa nýja
banka til að þjónusta innlent atvinnulíf
og heimili. Það tókst að vísu mjög vel til
þegar innstæður voru fluttar frá gömlu
bönkunum yfir til nýrra á einni nóttu án
þess að innlend greiðslumiðlun yrði fyrir
hnjaski. Þar skilaði sér afrakstur vinnu
fyrri ára við uppbyggingu Reiknistofu
bankanna og við þróun og eftirlit með
greiðslukerfum af hálfu Seðlabankans.
En það tók mun lengri tíma að skilgreina
efnahagsreikninga bankanna og skipa
þeim varanlegri forystu. Það var flókið
verk þar sem þurfti að verðmeta
eignir og skuldir sem fluttar voru yfir,
sem er alltaf erfitt en sérstaklega í
miðri fjármálakreppu. Að endingu
náðist samkomulag við kröfuhafa um
eignarhald.
Nú er þessu ferli að mestu leyti lokið.
Þrír stóru viðskiptabankarnir hafa allir
skilgreindan efnahagsreikning og ná 16%
eiginfjárkröfu FME. Að vísu er enn þó
nokkur óvissa varðandi gæði eignasafna
og getur þar brugðið til beggja vona þar
sem togast á annars vegar varfærnislegt
mat á verðmæti útlána við yfirfærslu
úr gömlum bönkum í nýja og von um
að hagvöxtur framtíðarinnar skili meiri
verðmætum í þessum útlánum og
hins vegar afskriftir komandi mánaða
og eftirgjafir við skuldbreytingar.
Fjárhagslegri endurskipulagningu spari­
sjóða verður að mestu lokið fyrir þessi
áramót.
Þrátt fyrir þetta er töluvert í land. Þar er
fyrst til að taka að fjármálakerfið starfar
í skjóli gjaldeyrishafta og almennrar
yfirlýsingar stjórnvalda um að öll innlán
séu tryggð. Þá vantar mikið upp á að
innlendar fjármálastofnanir hafi eðlilegan
aðgang að erlendri fjármögnun og
innlendir fjármálamarkaðir séu virkir.
Síðast en ekki síst þarf að móta innlendu
fjármálakerfi þann ramma í regluverki og
eftirliti sem dugar betur en sá sem var
hér fyrir hrun. Það verður verkefni nýs árs
að bæta úr þessum atriðum.“
Már Guðmundsson
Lífæð samskipta
Míla býður afþreyingarfyrirtækjum
öruggar dreifileiðir um allt land.
Hvort sem þú fylgist með fótbolta–
liðinu þí u, kúrir þig yfir teik imynd
með krökkunum á laugardagsmorgni
eða teygir þig eftir vasaklútnum þegar
elskendurnir ná loksins saman, kemur
Míla öllu saman til þín í ky rþey.
Míla byggir upp og rekur fullkomnasta fjarskiptanet á Íslandi. Míla sér fjarskipta-, síma- og afþreyingar fyrirtækjum fyrir aðstöðu og dreifileiðum um net
ljósleiðara og kopar strengja sem tengja byggðir landsins við umheiminn. Míla er mikilvægur hlekkur í öryggisfjarskiptum landsins á sjó, landi og lofti.
Alltaf í sjónvarpinu
E
N
N
E
M
M
/
S
ÍA
/
N
M
4
4
0
2
6
www.mila.is
Viltu espresso?
S: 5 85 85 85
Gott kaffi - kalt vatn - svalir drykkir fyrir vinnustaðinn