Frjáls verslun - 01.11.2010, Qupperneq 84

84 F R J Á L S V E R S L U N • 1 1 . T B L . 2 0 1 0
HVAÐ SEGJA ÞAU UM ÁRAMÓT?
MARGRÉT KRISTMANNSDÓTTIR,
formaður Samtaka verslunar og þjónustu:
Að hætta gamaldags forræðishyggju
FORMENN HAGSMUNASAMTAKA
Hvað leggur þín atvinnugrein
helst upp úr að gert
verði í efnahagsmálum
þjóðarinnar?
Tryggja þarf stöðugleika og
auka hagvöxt með öllum
ráðum, m.a. með því að laða
að fjölbreyttar erlendar fjár­
fest ingar en ekki síst vera opin
fyrir nýjungum á því sviði.
Lækka þarf skatta á ný og
einfalda skattkerfið því hærri
skattar hafa í mörgum til fell­
um verðlagt vörur út af mark­
aðinum og þar með dregið
úr skatttekjum ríkisins í stað
þess að auka þær.
Klára þarf aðildarviðræður
við ESB og sjá hvaða samn­
ingi við náum – það er gríðar­
lega mikilvægt að fyrir tæki og
heimili í landinu fái nothæfan
gjaldmiðil.
Ná samstöðu um kjarasamn­
inga sem innistæða er fyrir
til a.m.k. þriggja ára sem
tryggja kaupmátt og auka
ráð stöfunartekjur en ýta
ekki undir verðbólgu. Í því
sam bandi myndi styrking
krónunnar skipta miklu máli
en einnig þarf að skoða
allar leiðir til þess að efla
kaup mátt; t.d. fella niður
vörugjöld og aðrar álögur til
að lækka vöruverð í landinu
og gera verslunina enn
samkeppnishæfari en nú er.
Að hætta gamaldags for ­
ræð ishyggju eins og endur­
spegl aðist í ákvörðun ráða­
manna er þeir leyfðu ekki
innflutning án tolla á sjálf­
sögð um neysluvörum eins og
kjúkl ingi á meðan skortur var
á innanlandsmarkaði. Þannig
heftu ráðamenn að gang
neytenda að ódýrri neyslu­
vöru, sem varla getur talist
þeirra hlutverk.
Verslun og þjónusta kallar
eftir framtíðaratvinnustefnu
þjóðarinnar en á næstu árum
þarf að skapa 20.000 störf
hér á landi og ljóst að þessi
störf munu ekki koma úr
grunnatvinnuvegunum eins
og sjávarútvegi og land ­
búnaði, heldur verslun, þjón­
ustu og iðnaði, en þessar
atvinnugreinar virðast
stundum mæta afgangi hjá
ráðamönnum þjóðarinnar.
Forystu menn þjóðarinnar
þurfa að klára erfið mál og
verða að átta sig á að ekki
er hægt að gera öllum til
hæfis. Það þarf einfaldlega
að taka erfiðar ákvarðanir
og þannig ákvarðanir verða
alltaf óvinsælar. En ekki
síður þarf að horfa fram á
veginn og telja kjark, von og
baráttuanda í þjóðina. Það
þarf að minna þjóðina á að
þrátt fyrir tímabundna erfið­
leika erum við Íslendingar
ótrú lega lánsöm og rík þjóð á
flesta mælikvarða og höfum
því alveg ástæðu til að brosa
meira!
„Klára þarf aðildar við­
ræður við ESB og sjá
hvaða samn ingi við
náum – það er gríðar­
lega mikilvægt að
fyrir tæki og heimili í
landinu fái nothæfan
gjaldmiðil.“
Margrét Kristmannsdóttir