Frjáls verslun - 01.04.2007, Blaðsíða 26

26 F R J Á L S V E R S L U N • 4 . T B L . 2 0 0 7
FORSÍÐUGREIN • GESTUR JÓNSSON
Auk þess að vera hæstaréttarlögmaður er Gestur formaður
landskjörsstjórnar og hefur verið það í tvö ár, en hefur setið í
landskjörsstjórn í sextán ár. Hann var formaður Lögmannafélags
Íslands frá 1989 til 1991 og hefur verið formaður úrskurð-
arnefndar lögmanna í sjö ár.
Formaður Golfklúbbs Reykjavíkur
Gestur hefur verið formaður Golfklúbbs Reykjavíkur frá haust-
inu 1998 en klúbburinn er eitt stærsta íþróttafélag landsins með
tæplega 2500 félagsmenn og auk þess mörg þúsund korthafa
sem hafa aðgang að æfingasvæðum félagsins. Klúbburinn rekur
tvo átján holu velli í Reykjavík og tvo minni velli til viðbótar auk
æfingasvæðanna. Að sögn Gests er formennskan í golfklúbbnum
eitt skemmtilegasta og mest gefandi verkefni sem hann hefur
tekið sér fyrir hendur enda er þetta félagsskapur sem fólk sækir
sér gleði í.
„Golfið hefur verið áhugamál mitt númer eitt, tvö og þrjú
undanfarin ár. Því miður byrjaði ég allt of seint að stunda golf
og það er með golfið eins og aðrar íþróttir að byrji maður ekki
ungur þá nær maður aldrei fullum tökum á íþróttinni þótt
maður geti orðið sæmilegur með ástundun og einbeittum vilja.
Ég er svo lánsamur að konan mín spilar líka golf og við erum á
fullu í þessu saman. Síðari ár höfum við farið saman til útlanda
til að spila. Skemmtilegast þykir mér að spila í Skotlandi og Eng-
landi enda rætur golfsins í þessum löndum. Við höfum reyndar
spilað golf úti um allan heim og alls staðar kynnst frábæru fólki
sem okkur hefur liðið vel með. Golfið verður lífsmáti og honum
fylgir útivera, hreyfing, ferðalög, félagsskapur og hæfileg keppni.
Mér finnst mikil lukka að hafa fallið fyrir golfinu og sé ekki eftir
þeim tíma sem ég eyði þar. Enda væri skrítið að sjá eftir því sem
skilar manni mestri ánægju.
Þótt ég ferðist töluvert get ég ekki sagt að ég hafi gaman af því
að ferðast. Ég er svo stór og mikill að flugferðirnar eru hálfgerð
pína þegar ég sit í venjulegu sæti. Auk þess finnst mér fátt eins
þreytandi og þessi endalausa bið og allt þetta tímafreka eftirlit á
flugvöllum sem nú virðist óhjákvæmilegur fylgifiskur flugsins.
Mér þykir auðvitað gaman að koma á nýja staði og kynnast
nýrri menningu, sérstaklega ef nýr golfvöllur er í grenndinni.
Ég hef gaman af því að spila bridge og tefla skák og á auðvelt
með að skynja fegurðina í fallegri fléttu. Þá hef ég gaman af
stangveiði. Veiðifélagarnir eru að vísu yfirleitt meiri og duglegri
veiðimenn en ég og þeir halda því fram að mér finnist best
að sofna á árbakkanum en láta þá um veiðarnar og það að er
kannski eitthvað til í því. Ég hef einnig mjög gaman af fótbolta
og er fæddur stuðningsmaður Manchester United og deili þeim
áhuga með sonum mínum. Við feðgarnir hittumst fyrir framan
sjónvarpið nánast alltaf þegar United á leik og horfum á þá valta
yfir andstæðingana. Svo höfum við skroppið á Old Trafford til
þess að upplifa dýrðina þar. Það er aftur á móti Valur sem ég
styð hér heima.“
Mynd ársins 2005. Lögmenn og ákærðir gengu saman fylktu liði í
Austurstræti í átt til Hérðasdóms Reykjavíkur þegar málið var loks
dómtekið 17. ágúst það ár.
E kkert dómsmál hefur í annan tíma fengið svo mikla umfjöllun í fjölmiðlum sem Baugsmálið svonefnda. Það er umfangsmesta dómsmál í sögu íslensks viðskiptalífs. Rann-
sókn þess hófst árið 2002 og eftir hvorki meira né minna en þriggja
ára rannsókn lögreglunnar var það loks dómtekið 17. ágúst árið
2005.
Núna er komið fram á mitt ár 2007 og fimm ár frá því rannsókn
hófst. Í upphafi voru sex ákærðir. Fjórir þeirra hafa verið sýknaðir
að fullu og skipt hefur verið um saksóknara í málinu og er þetta
orðið með flóknari málum formlega séð.
Í endurákæru voru þrír menn ákærðir, Jón Ásgeir Jóhannesson,
Tryggvi Jónsson og Jón Gerald Sullenberger, sá er fyrst lagði fram
kæru í málinu. Hinn 3. maí sl. dæmdi Héraðsdómur Reykjavíkur
Jón Ásgeir í þriggja mánaða skilorðsbundið fangelsi og Tryggva í
níu mánða skilorðsbundið fangelsi.
Hafa ber í hug að ákæruvaldið hefur gefið út ákærur í 58 liðum
gagnvart Jóni Ásgeiri og hefur hann verið sakfelldur í einu tilviki.
Ákæruliðir á hendur Tryggva voru samtals 36 í upphafi og hefur
hann verið sakfelldur í fjórum liðum.
Hinn 1. júní sl. felldi Hæstiréttur síðan þann dóm að Hér-
aðsdómur Reykjavíkur skuli fjalla efnislega um flest þeirra tíu
ákæruliða Baugsmálsins sem var vísað frá Héraðsdómi Reykjavíkur
í byrjun maí vegna óskýrrar refsiheimildar og galla á ákæru.
Þetta mál er því búið að standa yfir í fimm ár og enn sér ekki
til lands í því.
ÚR RÉTTARSALNUM...