Frjáls verslun - 01.04.2007, Síða 45

F R J Á L S V E R S L U N • 4 . T B L . 2 0 0 7 45
E
gill Jóhannsson, framkvæmda-
stjóri Brimborgar, segir að brýnt
sé að þróa vistvæna orkugjafa sem
komið geta í stað jarðefnaelds-
neytis. Hann hefur verið ötull við
að vekja athygli á möguleikum vistvænna
orkugjafa fyrir bíla í stað jarðefnaeldsneytis
eins og bensíns og dísilolíu. Á bloggsíðunni
„Vangaveltur Egils“ á heimasíðu Brimborgar
boðar hann að á næsta ári geti menn valið úr
allt að 11 gerðum slíkra bíla hjá Brimborg.
Egill, sem er formaður Bílgreinasam-
bandsins, hefur látið þessi mál til sín taka að
undanförnu og vakið verðskuldaða athygli
fyrir. Ekki er vanþörf á. Bílafloti landsmanna
losar 750 þúsund tonn af koltvísýringi á ári.
Aukin bílaeign landsmanna blasir alls
staðar við og þá ekki síst á höfuðborgar-
svæðinu þar sem bíleigendur þurfa orðið
að sætta sig við að sitja í biðröðum á helstu
umferðaræðum á álagstímum. Það getur
reynst þrautin þyngri að finna bílastæði á
mörgum stöðum og á það ekki bara við um
miðbæ Reykjavíkur.
Víða í íbúðahverfum er orðið erfitt að
koma öllum bílunum fyrir og er það e.t.v.
ekki skrýtið í ljósi þess að mörgum heimilum
fylgja jafnvel þrír eða fleiri bílar. Afleiðingar
aukinnar bílaeignar endurspeglast einnig í
aukinni loftmengun og það er umhugs-
unarefni að svifryksmengun fer oft á hverju
ári upp fyrir hættumörk á höfuðborgar-
svæðinu.
Bílasölumetið frá árinu 2005 stendur
enn, en það ár voru tæplega 26.000 nýskrán-
ingar á nýjum og notuðum bifreiðum hér á
landi. Litlu mátti þó muna að metið væri
slegið í fyrra en þá voru skráðar 23.123
nýjar og notaðar bifreiðar. Það dugar þó
ekki í annað sætið og leita þarf aftur um tvo
áratugi til að finna næstbesta bílasöluárið því
að árið 1987 voru fluttar inn 23.459 nýjar
og notaðar bifreiðar.
GRÆNA
BÍLABYLTINGIN
Egill Jóhannsson, framkvæmdastjóri Brimborgar og
formaður Bílgreinasambandsins, segir að brýnt sé að
þróa vistvæna orkugjafa. Á bloggsíðunni „Vangaveltur
Egils“ á heimasíðu Brimborgar boðar hann að á næsta
ári geti menn valið úr allt að 11 gerðum slíkra bíla hjá
Brimborg. Þörfin er mikil: Bílafloti landsmanna losar
750 þúsund tonn af koltvísýringi á ári.
TEXTI: EIRÍKUR ST. EIRÍKSSON • MYNDIR: GEIR ÓLAFSSON