Frjáls verslun - 01.04.2007, Qupperneq 53

S T A N G A V E I Ð I
S
tangaveiðar eru ekki bara vin-
sælt og vaxandi tómstunda-
gaman; þær eru 15 milljarða
stórlax. Tekjur af sölu stanga-
veiðileyfa nema á 3ja milljarð
króna og hafa rúmlega tvö-
faldast á aðeins þremur árum. Stóra málið
við efnahagsleg umsvif lax- og silungsveiði
á Íslandi snýst um óbeina þjónustu við
veiðimenn, en hún er áætluð um og yfir 10
milljarðar króna. Stangaveiðin er því alvöru
atvinnugrein. Fjórir stærstu leigutakarnir
velta rúmum 1 milljarði króna í fyrra.
Samkvæmt norrænni könnun, sem gerð
var á árunum 1999-2000, var þá talið að um
55 þúsund Íslendingar á aldrinum 18-69 ára
stunduðu stangaveiðar í frístundum sínum
og hefur sá fjöldi örugglega vaxið verulega frá
því að könnunin var gerð.
Á árinu 2004 vann Hagfræðistofnun
Háskóla Íslands skýrslu um stöðu lax- og
silungsveiðinnar (efnahagsleg áhrif og líf-
fræðileg staða auðlindarinnar), fyrir Lands-
samband veiðifélaga en það eru samtök
íslenskra veiðiréttareigenda. Þá var talið
að hinn íslenski veiðimaður eyddi að jafn-
aði rúmlega 42 þúsund krónum í ýmis
útgjöld tengd veiði og þar vó verð veiðileyfa
þyngst.
Samkvæmt því vörðu landsmenn hátt
í 2,5 milljörðum króna á ári í þessu skyni
miðað við uppfært verðlag árið 2004. Eru
þá ótaldar þær tekjur sem fengust af komu
erlendra veiðimanna til landsins.
Fjórir stærstu með meira en milljarð í veltu
Samkvæmt samtölum Frjálsar verslunar við
talsmenn helstu íslensku veiðileyfasalanna er
ljóst að velta fjögurra stærstu félaganna nam
rúmum 1 milljarði króna í fyrra. Ekki eru
allar tekjurnar vegna sölu á íslenskum veiði-
leyfum. En þrátt fyrir það er athyglisvert að
velta þeirra fjögurra stærstu nú er sennilega
svipuð þeirri upphæð og allur veiðileyfageir-
inn skilaði fyrir nokkrum árum.
Stærstu seljendur veiðileyfa eru Lax-á, sem
er með mikil umsvif á íslenskum veiðileyfa-
markaði sem og erlendis, Stangaveiðifélag
Reykjavíkur, sem er með alls um 60 lax- og
silungsveiðisvæði innan sinna vébanda, Lax
ehf., sem er vaxandi fyrirtæki á þessu sviði,
og Veiðiþjónustan Strengir sem hefur mun
minni umsvif en hin þrjú félögin. Þekktustu
veiðisvæði Strengja eru Breiðdalsá og Hrúta-
fjarðará.
Fjórir stærstu veiðileyfasalarnir:
• Lax-á
• Stangaveiðifélag Reykjavíkur
• Lax ehf.
• Veiðiþjónustan Strengir
Talsmenn þriggja fyrstnefndu félaganna telja
að umfang veiðileyfasölunnar á landinu öllu
geti numið 2 til 3 milljörðum króna á ári.
Helsta niðurstaðan úr skýrslu Hagfræðistofn-
unar fyrir þremur árum var að tekjur veiði-
félaga og leigutaka væru aðeins lítill hluti af
þeim efnahagslegu umsvifum sem lax- og
silungsveiði á stöng á Íslandi hefði í för með
sér, eða um 13%.
Hafi forsendur ekki breyst frá því að
skýrsla Hagfræðistofnunar var gerð og að
hlutur veiðiréttareigenda og veiðileyfasala af
heildarkökunni sé enn sem fyrr hinn sami þá
væri það ávísun á að stangaveiðarnar stæðu
fyrir alls 18 til 23 milljarða króna tekjum
fyrir þjóðarbúið á ári.
Vert er þó að taka fram að verð á ýmiss
konar vörum og þjónustu hefur fráleitt
hækkað jafn mikið og verð veiðileyfanna
þannig að trúlega væri nær sanni að gera ráð
fyrir því að tekjurnar hafi tvöfaldast og séu
FRÉTTASKÝRING: EIRÍKUR ST. EIRÍKSSON
MYNDIR: GEIR ÓLAFSSON
15 milljarða STÓRLAX
F R J Á L S V E R S L U N • 4 . T B L . 2 0 0 7 53