Frjáls verslun - 01.04.2007, Síða 65

F R J Á L S V E R S L U N • 4 . T B L . 2 0 0 7 65
Nokkrum dögum áður en Browne sagði af sér voru
launamál hans til umræðu í fjölmiðlum og það ekki í fyrsta
skipti. Í tengslum við aðalfund kom í ljós að laun hans
hefðu reyndar lækkað um tæpan þriðjung frá 2005 þegar
þau náðu hámarki. Greint var frá því að
árslaun hans væru komin niður í tæpar
5 milljónir punda (650 milljónir króna).
Þá var giskað á að þegar hann hætti í júlí
hyrfi hann á brott með rúmlega 20 millj-
ónir punda í greiðslum og hlutabréfum,
en það heyrðust jafnvel nefndar tölur
eins og 70 milljónir punda, allt eftir
því hvernig hlutabréfaverðið var fram-
reiknað.
Þrátt fyrir andóf ýmissa hluthafa sam-
þykkti launanefnd fyrirtækisins launa-
kjör Brownes. Á undanförnum tveimur árum hefur gengi
hlutabréfa í BP lækkað um rúm tíu prósent. Hins vegar varð
methagnaður í fyrirtækinu í fyrra, nam 15 prósentum enda
olíuverð hátt. Nú horfir þegar í aðra átt, á fyrsta ársfjórðungi
þessa árs dróst hagnaðurinn saman um 17 prósent.
Ástir og einkalíf Málið sem hratt Browne úr forstjórastóli
BP tengist sambandi hans við ungan mann, Jeff Chevalier,
sem er 34 árum yngri en lávarðurinn. Browne var aldrei
við kvenmann kenndur. Móðir hans var ungverskur gyð-
ingur sem lifði af helförina, var mjög sterkur persónuleiki
og fylgdi oft syni sínum við margvísleg tækifæri þar til hún
dó 2001. Fljótlega eftir að hún lést virðist Browne hafa haft
samband við vefsíðu sem sérhæfir sig í að útvega auðugum
karlmönnum fylgisveina og varð viðskiptavinur þar.
Í febrúar 2002 leigði Browne Jeff Chevalier fyrir 150
pund á klukkutímann. Chevalier er kanadískur, kominn
undir þrítugt. Eftir að hafa hitt Browne nokkrum sinnum á
þessum forsendum hætti ungi maðurinn skrifstofuvinnu, tók
upp fast samband við Browne, flutti til hans og árið 2003 var
hann farinn að koma fram sem lagsmaður Brownes við hin
ýmsu tækifæri.
Lífsstíllinn var í takt við árslaun Brownes á þeim tíma,
7 milljónir punda. Chevalier fékk allt sem hann langaði í;
fín föt, tölvur og hvað sem hugurinn girntist. Þeir flugu um
heiminn á fyrsta farrými og Browne varð stórmóðgaður ef
hann fékk ekki sæti 1A, nema hvað hann múðraði ekki þegar
rollingurinn Mick Jagger var farþegi í sömu vél og fékk það
sæti.
Best kunni Browne þó við einkaþotur sem hann lét BP
taka á leigu. Þeir sóttu óperusýningar og listviðburði um
allan heim, dvöldu í höllinni sem Browne á í Feneyjum, lúx-
usíbúðinni í Cambridge eða heimilinu í Chelsea í London,
hittu Tony Blair, Gordon Brown, Romano Prodi og fólk úr
skemmtanaheiminum eins og Jude Law, Siennu Miller, Hugh
Grant og Elton John.
Þegar Blair kom í kvöldmat hjá Browne voru engir aðrir
viðstaddir en Anji Hunter, fyrrum ritari Blairs sem var farin að
vinna hjá Browne, og svo Chevalier. Blair
kunni vel að meta franska rauðvínið frá
1983 sem Chevalier vissi að kostaði þrjú
þúsund pund á flösku, tæpar 400 þúsund
krónur. En það er á við þriggja mánaða
leigu á lítilli íbúð í úthverfi London. Blair
var hinn alúðlegasti, ávarpaði Chevalier
með nafni og skýrði út fyrir honum atriði
í samræðunum sem honum datt í hug að
ungi maðurinn skildi ekki.
Chevalier tók eftir að líf Brownes
snerist um að vera á réttum stöðum á
réttum tíma með réttu fólki þar sem allt miðaðist við við-
skiptahagsmuni. Chevalier gat ekki séð að Browne ætti neina
vini aðra en viðskiptavini. Og allt í kringum hann hafði
verðmiða – Browne reykti fjóra smávindla á dag sem hver
kostaði 20 pund svo að vindlareikningur hans hefur verið
um 2.400 pund á mánuði, um 300 þúsund krónur, sem eru
þokkaleg mánaðarlaun í Englandi. Og þegar Chevalier braut
krystalsglas hjá Browne vissi hann að það kostaði 2.000 pund
stykkið, um 260 þúsund krónur. En húsráðandinn var ekkert
að erfa það við hann.
Browne hjálpaði Chevalier að setja upp lítið fyrirtæki sem
seldi hringitóna í farsíma en reksturinn gekk ekki upp. Smám
saman hætti glæsilífið líka að ganga upp hjá Chevalier. Hann
fór að fá hræðsluköst, fannst óþægilegt að hitta allt þetta fólk
Browne var nátengdur bæði
Tony Blair forsætisráðherra
og ekki síður Gordon Brown
fjármálaráðherra sem tekur
við af Blair á næstunni.
Browne var aðlaður 2001,
á sæti í lávarðadeildinni, en
hefur ekki stundað setur þar.
L U N D Ú N A P I S T I L L S I G R Ú N A R
Jeff Chevalier og John Browne í lúxusíbúð þess síðarnefnda á Ítalíu.