Frjáls verslun - 01.04.2007, Qupperneq 81

F R J Á L S V E R S L U N • 4 . T B L . 2 0 0 7 81
Margrét Sanders, framkvæmdastjóri hjá Deloitte
hér á landi, byrjaði að spila golf fyrir tveimur árum.
„Ég hef alltaf stundað íþróttir og þegar keppni lýkur
þá vantar eitthvað. Ég er dellumanneskja og byrjaði
ekki í golfinu fyrr en yngra barnið var orðið 10 ára.“
Margrét segir að það sem heilli sig við golfið
sé keppnin. „Hvert einasta högg og hver einasta
hola er keppni bæði við aðra en aðallega við sjálfa
mig.“
Aðspurð um uppáhaldsgolfvöll nefnir Margrét
Leiruna sem hún segir að sé einstaklega góður
völlur og til fyrirmyndar. Hún hefur einnig spilað á
Sandgerðisvellinum og á Kiðjabergi sem að hennar
mati er frábær völlur. Þá hefur Margrét spilað golf
á Flórída. Hún var þar í þrjár vikur um síðustu jól
og spilaði á hverjum degi.
Hafdís Jónsdóttir, betur þekkt sem Dísa í World
Class, er nýbyrjuð í stangveiðinni, en vinkona
hennar gaf henni sína fyrstu veiðistöng í afmælis-
gjöf á þessu ári. Hafdísi leist vel á gjöfina og
ákvað strax að fara í tvær veiðiferðir á árinu.
Hafdís fór í maí í fyrri ferðina ásamt eig-
inmanni sínum, Birni Leifssyni, og fleirum til
Skotlands þar sem þau dvöldu í viku.
„Ferðin var frábær þó að veiðin væri eiginlega
ekkert sem talandi er um. Allur aðbúnaður var til
fyrirmyndar og umhverfið fallegt, enda finnst mér
skipta mestu máli að njóta útiverunnar í fallegu
umhverfi og upplifa slökunina í nálægð við vatnið
og dýralífið.“
Hafdís er ekki enn búin að veiða maríulaxinn
en kannski að hann bíti á í seinni veiðiferðinni í
sumar. „Ég fékk hins vegar fína kastæfingu út úr
þessu, skemmtilegan félagsskap og gott frí frá
daglegu amstri.“
Margrét Sanders, til hægri. „Hvert einasta högg og hver einasta hola er keppni
bæði við aðra en aðallega við sjálfa mig.“
Margrét Sanders:
Leiran,
Sandgerðisvöllur
og Kiðjaberg
Hafdís Jónsdóttir. „Ferðin var frábær þó veiðin væri eiginlega ekkert sem talandi er um.“
Hafdís Jónsdóttir:
Nýbyrjuð
í stangveiðinni