Frjáls verslun - 01.04.2007, Síða 115

F R J Á L S V E R S L U N • 4 . T B L . 2 0 0 7 115
Halldór J. Kristjánsson:
Skógrækt fyrir vestan og austan
Halldór J. Kristjánsson, bankastjóri í
Landsbankanum, og eiginkona hans eiga
jörð á Ströndum þar sem þau eiga jafn-
framt sumarhús. ,,Þar bíður okkar mikið
verkefni við að endurheimta birkiskóga sem
nytjaskóg. Það er verkefni sem við ætlum
að eyða drjúgum tíma í í sumar. Auk þess
eigum við aðild að rekstri skógræktarjarðar
rétt hjá Hallormsstað á Héraði og ætlum
við einnig að sinna uppbyggingunni þar í
sumar. Uppbygging á jörð okkar á Ströndum
og skógræktin er okkar aðalhugðarefni.“
Hjónin hafa hug á að planta birki í um
10 til 15 hektara á Ströndunum í sumar.
„Við höfum verið að undirbúa þetta í sam-
vinnu við landshlutaverkefnið Skjólskóga á
Vestfjörðum. Flatlendið í dalnum býður upp
á nokkur hundruð hektara svæði svo að
framtíðarverkefnið er mikið.“ Jörðin sem
hjónin eiga aðild að á Héraði var með 100
hektara skógræktarsamning og nú hefur 10
hekturum verið bætt við.
Hjónin fara vestur eins margar helgar
yfir sumartímann og kostur er. Þá eru þau
vön að dvelja á sumrin í viku á Monterey-
svæðinu í Kaliforníu. „Þar er fallegt og gott
að vera á sagnasvæði Steinbecks. Það er
alltaf jafnánægjulegt að búa við Canary
Row, ferðast um Montereyflóann, fara um
Salinasdalinn eða eyða dagsstund í smá-
bænum Carmel.“
Halldór J. Kristjánsson.
�Uppbygging á jörð okkar á
Ströndum og skógræktin er
okkar aðalhugðarefni.“