Frjáls verslun - 01.05.2009, Page 109

F R J Á L S V E R S L U N • 5 . T B L . 2 0 0 9 109
rúmlega 10% markaðshlutdeild sem er um
550 skólar.“
Inni í Mentorkerfinu vinna skólastjórn-
endur og kennarar á mjög víðtækan hátt.
Þar eru m.a. skráðar stundatöflur, nem-
endaskrár, ástundun, veikindi og námsfram-
vinda. Þar koma einnig fram niðurstöður úr
skyndiprófum og öðrum prófum. Foreldrar
geta skráð sig inn í þetta kerfi og fylgst með
árangri barna sinna, með tilliti til áherslu á
markmiðum, á einni og sömu síðunni, sama
hvort þau eru í leikskóla eða grunnskóla.
Og sama gildir um nemendurna sjálfa, þeir
geta skoðað árangur sinn í tölvunni. Vilborg
segir að netvæðing og tölvunotkun hér á
landi hafi gert það að verkum að kerfið hafi
nýst miklu betur en ella, en Íslendingar hafa
lengi verið mjög framarlega hvað tölvu-
notkun varðar. Með Mentorkerfinu berast
einnig tilkynningar frá skóla og kennara, t.d.
um hvernig nemandanum gengur og ýmsar
upplýsingar sem áður fengust aðeins á for-
eldrafundum.
framtíðin og Mentor
Mentor hefur þegar að ná góðri fótfestu
í Svíþjóð á grunnskólamarkaði. Í vor var
kerfið innleitt í einn fremsta skóla í Sviss
á sviði einstaklingsmiðaðs náms sem er
mikil viðurkenning fyrir fyrirtækið. Miklir
möguleikar eru fyrir hendi á svissneska
markaðnum en auk þess er áætlað að fyrstu
þýsku skólarnir taki Mentorkerfið í notkun í
haust. Framtíðarsýn fyrirtækisins er að verða
eitt virtasta fyrirtæki í Evrópu á sviði upplýs-
ingakerfa fyrir skóla.
„Mentorkerfið er hannað í nánu samstarfi
við skólafólk,“ segir Vilborg. „Við erum í
stöðugri nýsköpun en sjö tölvunarfræðingar
starfa hjá fyrirtækinu sem vinna að þróun
kerfisins. Þar starfa einnig fjölmargir kenn-
arar og kennaramenntað fólk. Þetta er teymi
sem vinnur í sameiningu að því að hanna
og þjónusta kerfi sem stuðlar að auknum
árangri í skólastarfi.“
notendur – þróunin
Vilborg nefnir að notendur séu duglegir að
senda inn ábendingar um þróun og nýj-
ungar. „Ég segi gjarnan að Ísland sé besti
þróunarmarkaður í heimi og við vinnum
með menntamálaráðuneytinu, sveitarfélög-
unum, skólastjórnendum, kennurum og for-
eldrum. Þetta samstarf gerir okkur mögulegt
að þróa lausnir sem byggja á mikilli þekk-
ingu.“
Mentor hefur hlotið styrki frá Tækniþró-
unarsjóði til að smíða nýjar einingar í kerfið
og hafa þeir skipt sköpum fyrir fyrirtækið
varðandi nýsköpun. Einnig hefur aðkoma
Nýsköpunarsjóðs styrkt fyrirtækið til muna
en Nýsköpunarsjóður er 20% hluthafi í
Mentor á móti frumkvöðlum og lykilstarfs-
mönnum.
framtíðin
Vilborg segir að áframhaldandi nýsköpun,
þróun kerfisins ljúki aldrei. Miklir mögu-
leikar séu í að koma með nýjungar sem
hjálpa kennurum og nemendum í starfi
sínu. „Næsta ár verður spennandi hjá Ment-
or enda nýir möguleikar að opnast í sam-
starfi við svissnesku og þýsku skólana. Fleiri
og fleiri sveitarfélög og skólar eru nú að taka
upp einstaklingsmiðað nám í Evrópu sem
eykur þörfina fyrir kerfi eins og Mentor.
Það sem hjálpar okkur við að ná árangri er
skýr framtíðarsýn og skýrt hlutverk. Útrásin
er lærdómsferli sem byggir á að skilja þarfir
viðskiptavina og menningu í hverju landi.
En fyrst og fremst byggist árangurinn á frá-
bæru starfsfólki sem hefur mikla þekkingu
og metnað og vinnur sameiginlega að því að
stuðla að auknum árangri í skólastarfi.“
Mentor hlaut vaxtar-
sprotann árið 2008 og
2009 en sprotinn er
viðurkenning fyrir öfluga
uppbyggingu sprota-
fyrirtækis. Vöxtur fyrirtæk-
isins er fyrst og fremst á
erlendum markaði.