Frjáls verslun - 01.07.2009, Page 44

44 F R J Á L S V E R S L U N • 7 . T B L . 2 0 0 9
m á r G u ð m u n d S S o n , n ý r S E ð l A b A n k A S t j ó r i , í n æ r m y n d
A
llir sem þekkja hinn nýja seðlabankastjóra bera honum
vel söguna. Hann er sagður góður félagi og hress
náungi í allri umgengni.
„Hann er rökfastur, ósérhlífinn og enginn vei-
fiskati,“ segir sjálfstæðisþingmaðurinn og skólabróð-
irinn Einar Kristinn Guðfinnsson um Má. Þeir hafa
verið vinir síðustu þrjá áratugina en voru þó ósammála um flest sem
laut að þjóðmálum, þó það hafi breyst.
Allir sem Frjáls verzlun hefur rætt við taka undir þessi orð þing-
mannsins. Hitt er umdeildara að hvaða marki æskuhugsjónir Más
fylgja honum inn í Seðlabankann. Er hann enn byltingarsinnaður
kommúnisti?
Fylkingarmaður
Már hlaut sitt pólitíska og raunar hagfræðilega uppeldi í Æskulýðs-
fylkingunni upp úr 1970. Fylkinguna skipaði fólk, sem á tímabili var
uppnefnt „Trottar“ vegna fylgis við kenningu rússneska marxistans
Leon Trotskís. Þetta var sú grein vinstri róttækni sem hvorki fylgdi
Moskvu-línunni né maóistum.
Fylkingin tilheyrði Fjórða alþjóðasambandi kommúnista. Um
skeið hétu þessi samtök Fylking byltingarsinnaðra kommúnista. En
oftast var bara talað um Fylkinguna og málgagnið var Neisti. Og
markmiðið var að bylta auðvaldsskipulaginu.
Stefán Jóhann Stefánsson, sem nú sinnir ýmsum upplýsinga-
málum í Seðlabankanum og var áður undirmaður Más í hagfræðideild
bankans, segir að Már sé fyrst og fremst hæfur og vel menntaður
hagfræðingur, sem uppfylli allar alþjóðlegar kröfur til að gegna starfi
seðlabankastjóra.
Einar Kristinn leggur líka áherslu á að Már njóti alþjóðlegrar við-
urkenningar sem hagfræðingur; störf hans fyrir Alþjóðlega greiðslu-
bankann í Basel síðustu fimm árin sýni það best.
„Hann gegndi þeirri stöðu vegna eigin verðleika og þekkingar í
hagfræði,“ segir Einar. „Bernskar skoðanir hans skipta þar engu.“
Vel að sér í marxisma
En við skulum ekki yfirgefa marxistann Má Guðmundsson. Hann
var sannfærður marxisti og það er umdeild kenning svo ekki meira
sé sagt.
Ragnar Stefánsson, jarðskjálftafræðingur og kunnur róttæklingur,
var félagi Más í Fylkingunni lengst af á áttunda ára tug liðinnar aldar
og þekkir Má mjög vel.
„Hann var sannfærður kommúnisti, mjög sannfærður, og er
kannski enn. Ég veit það ekki,“ segir Ragnar.
Hann segir að Már hafi verið einn helsti forystumaður Fylkingar-
innar og sá þeirra sem lagði mesta áherslu á hina fræðilegu kenningu.
„Hann var mjög vel að sér í marxismanum og býr að mínu viti enn
að þeirri kenningu sem hagfræðingur,“ segir Ragnar.
„Ég reikna ekki með að hann láti undan ýtrustu kröfum auðvaldsins
í starfi sínu núna,“ segir Ragnar ennfremur.
klofningur í hreyfingunni
Í ársbyrjun 1984 klofnaði Fylkingin og félagar sem aðhylltust
grasrótarbaráttu gengu út en eftir voru margir ungir félagar undir
forystu Más. Meðal þeirra sem fóru voru Ragnar og Birna Þórðardóttir.
Þannig lítur Ragnar á þessi fjörbrot Fylkingarinnar.
Langt er síðan ýmsir félagar Más guðmundssonar byrjuðu að kalla hann
„seðlabankastjórann“. Því kom ráðning hans í stöðuna í sumar ekki á
óvart. en er hann enn byltingarsinnaður kommúnisti eða var róttæknin
bara bernskubrek? kunnuga greinir á um það.
byltinGArSinni
í bAnkAnum
texti: gísli kristjánsson • MyNd: geir ólaFsson
MÁR guÐMuNdSSON: