Frjáls verslun - 01.07.2009, Blaðsíða 15

F R J Á L S V E R S L U N • 7 . T B L . 2 0 0 9 15
Sumt fólk er þannig gert að það vekur alltaf
athygli. Bara það að ganga í sal fullan af
fólki vekur slíka athygli að allir þagna og
horfa á manninn. Þetta kallast að hafa
útgeislun – eða karisma.
Aðrir eru ósýnilegir við öll tækifæri.
Jafnvel sjálfvirkir hurðaopnarar nema ekki
útgeislun frá þeim. Það eru gráu mýsnar,
sem enginn tekur eftir.
Útgeislun snýst ekki um andlitsfegurð
eða falleg föt. Ófrítt og sérstætt fólk hefur
oft sterka útgeislun. Karisma er eiginleiki
sem sumir fá í vöggugjöf en aðrir verða að
þjálfa með sér með miklum erfiðismunum.
Og það er hægt að auka útgeislun með
æfingum. Gráa músin getur orðið að lifandi
samkvæmisljóni ef hún bara reynir! Hér eru
tíu ráð:
1. djúp rödd.
Æfðu þig í að tala með aðeins dýpri röddu
en þú ert vanur/vön. Rannsóknir sýna að
djúpar raddir eru þægilegri áheyrnar en
háar. Þarna hafa karlar oft vinninginn í sam-
anburði við konur.
2. Vertu á staðnum.
Miklu skiptir að snúa beint að þeim sem þú
talar við og ekki á ská. Ekki vera á iði en
gefðu til kynna að þú hlustir og hafir
áhuga á því sem við þig er sagt.
3. Æfing í innkomu.
Æfðu þig í að ganga í sal. Fyrsta
sýn er mikilvæg, sama hvort þú
ert í boði eða í viðtali vegna vinnu.
Vertu bein/n í baki þó ekki stíf/
ur. Hiklaus framganga vitnar um
sjálfsöryggi þótt þú sért í raun
og veru óstyrk/ur.
4. Réttur tónn.
Röddin skiptir miklu í öllum sam-
skiptum. Há og nöldursleg rödd er alltaf frá-
hrindandi. Ekki vera of ögrandi í röddinni.
5. Augun upp.
Augnsamband er mikilvægt ef þú vilt ná
athygli viðmælanda þíns. Þetta á við öll
tækifæri, sama hvort þú ert inni á teppinu
hjá forstjóranum eða í makaleit á árshátíð-
inni.
6. Reyndu að ljóma.
Ósvikin gleði og ánægja leynir sér aldrei.
Gleði geislar frá fólki. Því er gott að temja
sér létta lund til að auka útgeislunina.
Fýlupokar eru óspennandi.
7. Rétt staða augabrúna.
Staða augabrúna er eitt af því
fyrsta sem fólk tekur eftir við
fyrstu kynni. Það eykur útgeislun
að hafa augabrúnir í kátri stöðu.
8. Litrík klæði.
Litrík föt vekja meiri athygli en litlaus.
Þetta er oft vandi gráu músanna. Þær
velja grá föt til að vekja sem minnsta
athygli. Til að snúa dæminu við velur
þú sterkari liti.
9. Talaðu af áhuga.
Útgeislun eykst ef fólk talar um málefni
sem það brennur fyrir. Lifandi áhugi er ódýr
uppspretta útgeislunar.
10. Ekki ganga of langt.
Það getur virkað mjög ókurteist að ætla
að gleypa allan salinn og tala við einn en
horfa á annan. Einbeittu þér að viðmælanda
þínum og gakktu ekki of langt í að beita
öllum brögðunum sem hér hafa verið talin
upp.
S T J ó R N u N A R M o L I
TEXTI: gísli kristjánsson
GRÁA MÚSIN GENGuR Í SALINN